RCB IPL Celebration: ವಿಧಾನಸೌಧದ ಮುಂದೆ ಆರ್ಸಿಬಿ ಅಭಿಮಾನಿಗಳ ದಂಡು, ಎತ್ತ ನೋಡಿದರೂ ರೆಡ್ ಆರ್ಮಿ!
ಕೆಲ ಅಭಿಮಾನಿಗಳು ಹಹೈಕೋರ್ಟ್ ಕಟ್ಟಡವನ್ನು ಹತ್ತಿದ್ದಾರೆ, ಪೊಲೀಸರು ನೋಡಿದರೆ ಇಳಿಸುತ್ತಾರೆ ಅನ್ನೋದು ಬೇರೆ ವಿಷಯ. ಇನ್ನೂ ಕೆಲವರು ವಿಧಾನಸೌಧ ಹೊರಭಾಗದಲ್ಲಿರುವ ಮರಗಳನ್ನು ಹತ್ತಿ ಕೂತಿದ್ದಾರೆ, ಸೌಧದ ಮುಂದಿಂದ ಹೋಗುವ ಬಿಎಂಟಿಸಿ ಬಸ್ಗಳ ಮೇಲೆ ಜನ ಹತ್ತಿ ಕೂತಿದ್ದಾರೆ. ಅಭೂತಪೂರ್ವ ಸನ್ನಿವೇಶಗಳು ಕೆಮೆರಾ ಮತ್ತು ಕೆಮೆರಾ ಹೊತ್ತ ಡ್ರೋಣ್ ಗಳಿಗೆ ಸೆರೆ ಸಿಗುತ್ತಿವೆ.
ಬೆಂಗಳೂರು, ಜೂನ್ 4: ಬೆಂಗಳೂರಲ್ಲಿ ಅರ್ಸಿಬಿ ತಂಡಕ್ಕಿರುವ ಅಭಿಮಾನಿಗಳ ಗಣತಿ ಮಾಡಲು ಶುರುವಿಟ್ಟುಕೊಂಡರೆ ಸಂಖ್ಯೆಗಳು ಮುಗಿದುಹೋದಾವು ಆದರೆ ಎಣಿಕೆ ಮುಗಿಯಲಾರದು. ನಿನ್ನೆ ಅಹಮದಾಬಾದ್ನಲ್ಲೂ ಅಪರಿಮಿತ ಅರ್ಸಿಬಿ ಅಭಿಮಾನಿಗಳು. ಇಲ್ನೋಡಿ, ತಾಜ್ ವೆಸ್ಟೆಂಡ್ ನಿಂದ ಆಟಗಾರರು ಬರುವ ಮೊದಲೇ ಸಹಸ್ರಾರು ಜನ ವಿಧಾನ ಸೌಧದ (Vidhana Soudha) ಮುಂದೆ ಜಾತ್ರೆಯಂತೆ ಸೇರಿದ್ದಾರೆ. ಎಲ್ಲಿ ನೋಡಿದರೂ ಕೆಂಪು ಜೆರ್ಸಿ ತೊಟ್ಟಿರುವ ಅಭಿಮಾನಿಗಳು-ರೆಡ್ ಅರ್ಮಿ! ವಿಧಾನಸೌಧದಲ್ಲಿ ಕೆಲಸ ಮಾಡುವ ಜನ ಮೇಲೆ ನಿಂತು ವೇದಿಕೆ ಕಡೆ ನೋಡುತ್ತಿದ್ದಾರೆ. ಕಾರ್ಯಕ್ರಮದ ನಿರೂಪಕ ಅಭಿಮಾನಿಗಳ ವರ್ತನೆ ಹೇಗಿರಬೇಕು, ಪೊಲೀಸರೊಂದಿಗೆ ಸಹಕರಿಸಬೇಕು ಎಂದೆಲ್ಲ ಹೇಳುತ್ತಿದ್ದಾರೆ.
ಇದನ್ನೂ ಓದಿ: ಐಪಿಎಲ್ ಫೈನಲ್: ಅಹ್ಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂ ಬಳಿ ಜನಜಾತ್ರೆ, ಹೆಚ್ಚು ಅರ್ಸಿಬಿ ಫ್ಯಾನ್ಗಳು
ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Loading...
Unable to load recommendations.
Follow Us