ಪುತ್ರಿ ನಟಿಸಿದ ‘ಟಗರು ಪಲ್ಯ’ ಚಿತ್ರ ನೋಡಿ ಗಳಗಳನೆ ಕಣ್ಣೀರು ಹಾಕಿದ ನಟ ಪ್ರೇಮ್
Updated on: Oct 27, 2023 | 12:34 PM
‘ಟಗರು ಪಲ್ಯ’ ಸಿನಿಮಾದ ಪ್ರೀಮಿಯರ್ ಶೋ ಬೆಂಗಳೂರಿನಲ್ಲಿ ನಡೆದಿದೆ. ‘ನೆನಪಿರಲಿ’ ಪ್ರೇಮ್ ಅವರು ಕುಟುಂಬ ಸಮೇತರಾಗಿ ಬಂದು ಮಗಳ ಸಿನಿಮಾವನ್ನು ನೋಡಿದರು. ಚಿತ್ರ ಮುಗಿದ ಬಳಿಕ ಮಾಧ್ಯಮಗಳ ಜೊತೆ ಮಾತನಾಡುವಾಗ ಅವರು ಎಮೋಷನಲ್ ಆದರು. ಪುತ್ರಿಯನ್ನು ತಬ್ಬಿಕೊಂಡು ಗಳಗಳನೆ ಕಣ್ಣೀರು ಹಾಕಿದರು.
‘ಲವ್ಲಿ ಸ್ಟಾರ್’ ಪ್ರೇಮ್ ಅವರ ಮಗಳು ಅಮೃತಾ (Amrutha Prem) ನಟಿಸಿದ ಮೊದಲ ಸಿನಿಮಾ ‘ಟಗರು ಪಲ್ಯ’ (Tagaru Palya) ಇಂದು (ಅಕ್ಟೋಬರ್ 27) ಬಿಡುಗಡೆ ಆಗಿದೆ. ಒಂದು ದಿನ ಮೊದಲೇ ಸಿನಿಮಾದ ಪ್ರೀಮಿಯರ್ ಶೋ ಆಯೋಜಿಸಲಾಗಿತ್ತು. ಇದರಲ್ಲಿ ಕನ್ನಡ ಚಿತ್ರರಂಗದ ಅನೇಕ ಸೆಲೆಬ್ರಿಟಿಗಳು ಭಾಗಿ ಆಗಿದ್ದರು. ‘ನೆನಪಿರಲಿ’ ಪ್ರೇಮ್ ಅವರು ಕುಟುಂಬ ಸಮೇತರಾಗಿ ಬಂದು ಮಗಳ ಸಿನಿಮಾವನ್ನು ನೋಡಿದರು. ಚಿತ್ರ ಮುಗಿದ ಬಳಿಕ ಮಾಧ್ಯಮಗಳ ಜೊತೆ ಮಾತನಾಡುವಾಗ ಪ್ರೇಮ್ ಎಮೋಷನಲ್ ಆದರು. ಪುತ್ರಿಯನ್ನು ತಬ್ಬಿಕೊಂಡು ಅವರು ಗಳಗಳನೆ ಕಣ್ಣೀರು ಹಾಕಿದರು. ‘ಇಡೀ ತಂಡ ನನ್ನ ಮಗಳನ್ನು ಚೆನ್ನಾಗಿ ನೋಡಿಕೊಂಡಿದೆ. ಅವರೆಲ್ಲರ ಬೆಂಬಲದಿಂದ ಅವಳು ಚೆನ್ನಾಗಿ ನಟಿಸಲು ಸಾಧ್ಯವಾಗಿದೆ. ನನ್ನ ಮಗಳನ್ನು ನಿಮ್ಮ ಮಡಿಲಿಗೆ ಹಾಕಿದ್ದೇನೆ. ಗೊತ್ತಿಲ್ಲದೇ ಏನಾದರೂ ಸಣ್ಣ-ಪುಟ್ಟ ತಪ್ಪುಗಳು ಆದರೆ ನನ್ನನ್ನು ತಿದ್ದಿ ತೀಡಿದಂತೆ ನನ್ನ ಮಗಳ ಮೇಲೂ ಪ್ರೀತಿ ತೋರಿಸಿ’ ಎಂದು ಪ್ರೇಮ್ (Nenapirali Prem) ಹೇಳಿದ್ದಾರೆ.
Follow Us
Related Video
