ತನಿಶಾ ಕಳಪೆ ಎಂಬುದೇ ಇಡೀ ದೊಡ್ಮನೆಯ ಅಭಿಪ್ರಾಯ; ಅಳುತ್ತಾ ಜೈಲಿಗೆ ಹೋದ ನಟಿ

ಪ್ರತಿ ಬಾರಿಯೂ ಕಳಪೆ ಯಾರು ಮತ್ತು ಉತ್ತಮ ಯಾರು ಎಂಬುದರ ಆಯ್ಕೆ ನಡೆಯುತ್ತದೆ. 6ನೇ ವಾರದಲ್ಲಿ ನಟಿ ತನಿಶಾ ಕುಪ್ಪಂಡ (Tanisha Kuppanda) ಅವರು ಕಳಪೆ ಪಟ್ಟ ಪಡೆದುಕೊಂಡಿದ್ದಾರೆ. ಕಳಪೆ ಮತ್ತು ಉತ್ತಮ ಯಾರೆಂಬುದನ್ನು ಆಯ್ಕೆ ಮಾಡುವಾಗ ಸಾಮಾನ್ಯವಾಗಿ ಬೇರೆ ಬೇರೆ ಅಭಿಪ್ರಾಯಗಳು ಹೊರಬರುತ್ತವೆ. ಒಬ್ಬೊಬ್ಬರು ಒಂದೊಂದು ಹೆಸರನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಈ ವಾರದಲ್ಲಿ ಎಲ್ಲರೂ ತನಿಶಾ ಕುಪ್ಪಂಡಾ ಅವರಿಗೆ ಕಳಪೆ ಹಣೆಪಟ್ಟಿ ನೀಡಿದ್ದಾರೆ. ಇದರಿಂದ ತನಿಶಾಗೆ ಶಾಕ್​ ಆಗಿದೆ. ಬಿಗ್​ ಬಾಸ್​ (Bigg Boss Kannada) ನಿಯಮದ ಪ್ರಕಾರ ಕಳಪೆ ಎನಿಸಿಕೊಂಡವರು ಜೈಲುವಾಸ ಅನುಭವಿಸಬೇಕು. ತನಿಶಾ ಕೂಡ ಈಗ ಜೈಲು ಸೇರಿದ್ದಾರೆ. ಅಲ್ಲಿ ಅವರು ಕಣ್ಣೀರು ಹಾಕಿದ್ದಾರೆ. ‘ಕಲರ್ಸ್​ ಕನ್ನಡ’ದಲ್ಲಿ ಈ ಎಪಿಸೋಡ್​ ನ.17ರ ರಾತ್ರಿ 9.30ಕ್ಕೆ ಪ್ರಸಾರ ಆಗಲಿದೆ. ದಿನದ 24 ಗಂಟೆಯೂ ‘ಜಿಯೋ ಸಿನಿಮಾ’ ಮೂಲಕ ಲೈವ್​ ನೋಡಬಹುದು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.