ನಗರದಲ್ಲಿ ರಾತ್ರಿ ಸುರಿದ ಮಳೆಗೆ ಕಂಠೀರವ ಕ್ರೀಡಾಂಗಣದ ಗೇಟುಗಳು ಜಲಾವೃತ, ಅಭ್ಯಾಸಕ್ಕೆ ಬಂದೋರು ವಾಪಸ್

ಬೆಂಗಳೂರು, ಮೇ 19: ಬೇರೆ ಯಾರಾದರೂ ನಂಬಲಿ ಬಿಡಲಿ, ಬೆಂಗಳೂರು ಮತ್ತು ರಾಜ್ಯದ ಹಲವಾರು ಭಾಗಗಳಲ್ಲಿ ಮಳೆಗಾಲ (monsoon season) ಶುರುವಾಗಿದೆ. ಕಳೆದೊಂದು ವಾರದಿಂದ ರಾಜಧಾನಿ ಮತ್ತು ಇತರ ಕೆಲಭಾಗಗಳಲ್ಲಿ ಮಳೆ ಪ್ರತಿದಿನ ಸುರಿಯುತ್ತಿದೆ. ನಿನ್ನೆ ರಾತ್ರಿ ನಗರದಲ್ಲಿ ಧಾರಾಕಾರವಾಗಿ ಮಳೆ ಸುರಿದಿದೆ ಮತ್ತು ಎಂದಿನಂತೆ ಜನ ಪರದಾಡುತ್ತಿದ್ದಾರೆ. ನಗರದ ಹೃದಯ ಭಾಗದಲ್ಲಿರುವ ಕಂಠೀರವ ಕ್ರೀಡಾಂಗಣದಲ್ಲಿ ನೀರು ನುಗ್ಗಿದೆ. ಕ್ರೀಡಾಂಗಣಕ್ಕಿರುವ 4 ಪ್ರವೇಶ ದ್ವಾರಗಳ ಪೈಕಿ ಎರಡು ಜಲಾವೃತಗೊಂಡಿವೆ. ಬೆಳಗ್ಗೆ ಅಭ್ಯಾಸಕ್ಕೆಂದು ಬರುವ ಅಥ್ಲೀಟ್, ಹವ್ಯಾಸಿಗಳು ವಾಪಸ್ಸು ಹೋಗಿದ್ದಾರೆ.

ಇದನ್ನೂ ಓದಿ:  Bangalore Rains: ಮಳೆ ಅಬ್ಬರಕ್ಕೆ ಶಾಂತಿನಗರದಲ್ಲಿ ಭಾಗಶಃ ಮುಳುಗಿದ ಬಸ್​ಗಳು, ಡಿಪೋದಿಂದ ಹೊರ ತೆಗೆಯಲಾಗದೆ ಹೈರಾಣಾದ ಸಿಬ್ಬಂದಿ

ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ