ಟೊಯೊಟಾ ಹೈಲಕ್ಸ್ ಪಿಕ್-ಅಪ್ ಮುಂದಿನ ವರ್ಷದ ಜನೆವರಿಯಲ್ಲಿ ಭಾರತದ ರಸ್ತೆಗಳ ಮೇಲೆ ಕಾಣಿಸಿಕೊಳ್ಳಲಿದೆ

ಅಮೇರಿಕ ಮತ್ತು ದಕ್ಷಿಣ ಏಷ್ಯಾ ದೇಶಗಳಲ್ಲಿ 1968 ರಲ್ಲಿ ಲಾಂಚ್ ಆಗಿ ಅಲ್ಲಿ ಭಾರಿ ಜನಪ್ರಿಯತೆ ಗಳಿಸಿರುವ ಹೈಲಕ್ಸ್ ಪಿಕ್-ಅಪ್ ವಾಹನವನ್ನು ಟೊಯೊಟಾ ಇಂಡಿಯ ಇಷ್ಟರಲ್ಲೇ ಭಾರತದಲ್ಲಿ ಲಾಂಚ್ ಮಾಡಲಿದೆ. ನಮಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಹೈಲಕ್ಸ್ ಮುಂದಿನ ತಿಂಗಳು ಭಾರತದಲ್ಲಿ ಕಾಣಿಸಿಕೊಳ್ಳಲಿದೆ. ಅಸಲಿಗೆ ಭಾರತದಲ್ಲಿ ಪಿಕ್-ಅಪ್ ವಾಹನದ ಪರಂಪರೆಯನ್ನು ಶುರುಮಾಡಿದ್ದು ಜಪಾನಿನ ಪ್ರಸಿದ್ಧ ಮೋಟಾರು ತಯಾರಕ ಕಂಪನಿ ಇಸುಜು. ಅದರೆ ಜಪಾನೀ ಸಂಸ್ಥೆ ಬಿಡುಗಡೆ ಮಾಡಿದ ಇಸುಜು ಡಿ-ಮ್ಯಾಕ್ಸ್ ವಿ-ಕ್ರಾಸ್ ಪಿಕ್-ಅಪ್ ವಾಹನಕ್ಕೆ ಭಾರತದಲ್ಲಿ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಓಕೆ, ಟೊಯೊಟಾ ಲಾಂಚ್ ಮಾಡುತ್ತಿರುವ ಹೈಲಕ್ಸ್ ವಾಹನವು ಭಾರತದಲ್ಲಿ ಈ ಸಂಸ್ಥೆಯ ಜನಪ್ರಿಯ ಮಾಡೆಲ್ಗಳಾಗಿರುವ ಟೊಯೊಟಾ ಇನ್ನೋವಾ ಕ್ರಿಸ್ಟಾ ಮತ್ತು ಟೊಯೊಟಾ ಫಾರ್ಚ್ಯೂನರ್ ಕಾರುಗಳ ವಿನ್ಯಾಸದಲ್ಲೇ ತಯಾರಾಗಿದೆ. ಆದರೆ, ಹೈಲಕ್ಸ್ ಈ ಎರಡು ಕಾರುಗಳಿಗಿಂತ ಹೆಚ್ಚು ಉದ್ದವಾಗಿರಲಿದೆ. 3,000 ಎಮ್ ಎಮ್ ವ್ಹೀಲ್‌ಬೇಸ್‌ನೊಂದಿಗೆ 5,300 ಎಮ್ ಎಮ್ ಉದ್ದವಿರುವ ಹೈಲಕ್ಸ್ ಪಿಕ್-ಅಪ್ ಕಾರು ಎಲ್ಲ ಆಯಾಮಗಳಲ್ಲಿ ಇಸುಜುಗೆ ಸವಾಲು ಒಡ್ಡಲಿದೆ. ಜಾಗತಿಕವಾಗಿ ಇದು ಎರಡು-ಡೋರ್ ಮತ್ತು ನಾಲ್ಕು-ಡೋರ್ಗಳ ಸಂರಚನೆಗಳಲ್ಲಿ ಲಭ್ಯವಿದ್ದರೂ, ಭಾರತದಲ್ಲಿ ಮಾತ್ರ ನಾಲ್ಕು-ಡೋರ್ಗಳ ಆವೃತ್ತಿಯಲ್ಲಿ ಲಭ್ಯವಾಗುವ ಸಾಧ್ಯತೆಯಿದೆ.

ಟೊಯೊಟಾ ಹೈಲಕ್ಸ್ ಗಾಡಿಯ ಒಳಾಂಗಣ ಭಾರತೀಯರಿಗೆ ಅಪರಿಚಿತವೆನಿಸಲಾರದು ಅಂತ ಹೇಳಲಾಗುತ್ತಿದೆ. ಟೊಯೊಟಾ ಇನ್ನೋವಾ ಕ್ರಿಸ್ಟಾ ಮತ್ತು ಟೊಯೊಟಾ ಫಾರ್ಚ್ಯೂನರ್ ಕಾರುಗಳ ತಯಾರಿಕೆಯಲ್ಲಿ ಉಪಯೋಗಿಸಲಾಗಿರುವ ಉಪಕರಣಗಳನ್ನೇ ಹೈಲಕ್ಸ್ ನಲ್ಲೂ ಉಪಯೋಗಿಸಲಾಗಿದೆಯಂತೆ.

ಆ ಕಾರುಗಳಲ್ಲಿರುವ 8-ಇಂಚು ಟಚ್ ಸ್ಕ್ರೀನ್ ಇನ್ಫೋಟೇನ್ಮೆಂಟ್ ಡಿಸ್ಪ್ಲೇ ಹೈಲಕ್ಸ್ ನಲ್ಲೂ ಲಭ್ಯವಾಗಲಿದ್ದು ಇದು ಟೊಯೊಟಾ ಕಂಪನಿಗೆ ವೆಚ್ಚ ನಿರ್ವಹಣೆಯಲ್ಲಿ ನೆರವಾಗಿವುದಲ್ಲದೆ, ಭಾರತದಲ್ಲಿ ಅದರ ಪಯಣಕ್ಕೆ ಒಂದು ನಿಶ್ಚಿತ ಆಧಾರವನ್ನು ಒದಗಿಸಿದೆ.

ಇದನ್ನೂಓದಿ:    ಮತ ಹಾಕಲು ಹಂಚಿದ್ದ ಸೀರೆ, ಬೆಳ್ಳಿ ಕಾಯಿನ್ ವಾಪಸ್ ನೀಡಿದ ಗ್ರಾಪಂ ಸದಸ್ಯರು; ವಿಡಿಯೋ ವೈರಲ್