‘ಆಗ್ತಿರೋದು ನೋಡಿದಾಗ ಬೇಸರ ಶುರುವಾಯ್ತು’: ದರ್ಶನ್​ ಕೇಸ್​ ಬಗ್ಗೆ ವಿಜಯ್​ ರಾಘವೇಂದ್ರ ಮಾತು

ನಟ ವಿಜಯ್​ ರಾಘವೇಂದ್ರ ಅವರು ದರ್ಶನ್​ ಕೇಸ್​ ಬಗ್ಗೆ ಮಾತನಾಡಿದ್ದಾರೆ. ಒಂದು ಚಿಕ್ಕ ಕಾರಣದಿಂದ ರೇಣುಕಾಸ್ವಾಮಿಯ ಕೊಲೆ ನಡೆದುಹೋಗಿದೆ. ಈ ಪ್ರಕರಣದ ತನಿಖೆ ನಡೆಯುತ್ತಿದೆ. ದರ್ಶನ್​, ಪವಿತ್ರಾ ಗೌಡ ಮತ್ತು ಅವರ ಸಹಚರರು ಜೈಲಿನಲ್ಲಿ ಕಾಲ ಕಳೆಯುತ್ತಿದ್ದಾರೆ. ಎಲ್ಲ ಘಟನೆಗಳ ಬಗ್ಗೆ ವಿಜಯ್​ ರಾಘವೇಂದ್ರ ಪ್ರತಿಕ್ರಿಯೆ ನೀಡಿದ್ದಾರೆ. ‘ಮೊದಲಿಗೆ ಎಲ್ಲರಿಗೂ ಶಾಕ್​ ಆಯಿತು. ಬಳಿಕ ಏನೇನೋ ಕಥೆಗಳನ್ನು ಕೇಳಿ ಕುತೂಹಲ ಮೂಡಿದೆ. ಆಮೇಲೆ ಆಗುತ್ತಿರುವುದೆಲ್ಲ ನೋಡಿದಾಗ ಬೇಸರ ಆಗೋಕೆ ಶುರುವಾಯಿತು. ನಿಮಗೆ ಗೊತ್ತಿರುವುದಕ್ಕಿಂತ ಕಡಿಮೆ ವಿಚಾರ ನನಗೆ ಗೊತ್ತು. ಕಾನೂನು ಇದೆ. ಸಿನಿಮಾರಂಗದಲ್ಲಿ ನಮ್ಮದು ಒಂದು ಕುಟುಂಬ. ಆ ಕುಟುಂಬದಲ್ಲಿ ಬೇಸರ ಇದೆ. ಈ ಪರಿಸ್ಥಿತಿಗೆ ಬಲಿಯಾದ ಇನ್ನೊಂದು ಕುಟುಂಬ ಇದೆ. ಈ ಘಟನೆ ಆಗಿಹೋಗಿದೆ. ನಮ್ಮ ಸಿನಿಮಾರಂಗದ ಕುಟುಂಬದವರೇ ಆದ ದರ್ಶನ್​ ಅವರು ಈ ರೀತಿಯ ಪರಿಸ್ಥಿತಿಯಲ್ಲಿ ಇದ್ದಾರೆ ಎಂಬ ಬೇಸರ ನಮಗೆ ಇದೆ’ ಎಂದಿದ್ದಾರೆ ವಿಜಯ್​ ರಾಘವೇಂದ್ರ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.