ಎಚ್ಐವಿ ಸೋಂಕಿತೆಯ ದೇಹದಲ್ಲಿ 32 ಬಗೆಯ ಕೊರೊನಾ ರೂಪಾಂತರಿ ವೈರಸ್ಗಳು; ಆತಂಕ ವ್ಯಕ್ತಪಡಿಸಿದ ಸಂಶೋಧಕರು
ಈ ಮಹಿಳೆಯಿಂದ ಇನ್ಯಾರಿಗಾದಾರೂ ಸೋಂಕು ವರ್ಗಾವಣೆಯಾಗಿದೆಯಾ ಎಂಬುದಿನ್ನೂ ಗೊತ್ತಾಗಿಲ್ಲ ಎಂದು ಸಂಶೋಧನಾಕಾರರು ತಿಳಿಸಿದ್ದಾರೆ. ಹಾಗೇ ದಕ್ಷಿಣ ಆಫ್ರಿಕಾದ ಕ್ವಾಜುಲು ನಟಲ್ ಎಂಬಲ್ಲಿ ಕೊರೊನಾದ ರೂಪಾಂತರಗಳು ಹೆಚ್ಚಾಗಿ ಕಾಣಿಸಿವೆ ಎಂದೂ ಹೇಳಿದ್ದಾರೆ.
Updated on:Jun 06, 2021 | 2:27 PM
ಎಚ್ಐವಿ ಸೋಂಕಿತ 36 ವರ್ಷದ ಮಹಿಳೆಯೊಬ್ಬರು ಕೊರೊನಾ ವೈರಸ್ಗೆ ತುತ್ತಾಗಿದ್ದರು. ಸುಮಾರು 216 ದಿನಗಳ ಕಾಲ ಅವರ ದೇಹದೊಳಗೆ ಇದ್ದ ಕೊರೊನಾ ವೈರಸ್, ಅಲ್ಲಿಯೇ 30ಕ್ಕೂ ಹೆಚ್ಚು ರೂಪಾಂತರಗಳನ್ನು ಪಡೆದಿದೆ ಎಂದು ಸಂಶೋಧಕರು ಪತ್ತೆಹಚ್ಚಿದ್ದಾರೆ. ಇದು ತುಂಬ ಅಪಾಯಕಾರಿ ರೂಪಾಂತರ ಎಂದೂ ಹೇಳಿದ್ದಾರೆ. ಅಂದಹಾಗೆ ಇಂಥದ್ದೊಂದು ಅಚ್ಚರಿಯ, ಆತಂಕಕಾರಿ ಘಟನೆ ನಡೆದದ್ದು ದಕ್ಷಿಣ ಆಫ್ರಿಕಾದಲ್ಲಿ.
ಮೆಡ್ರಾಕ್ಸಿವ್ ಎಂಬ ವೈದ್ಯಕೀಯ ಜರ್ನಲ್‌ನಲ್ಲಿ ಗುರುವಾರ ಈ ವರದಿ ಪ್ರಕಟವಾಗಿದೆ. ಈ ಮಹಿಳೆ 2006ರಲ್ಲಿ ಎಚ್ಐವಿಗೆ ಒಳಗಾಗಿದ್ದಾರೆ. ಅಂದಿನಿಂದಲೂ ಆಕೆಯ ರೋಗ ನಿರೋಧಕ ಶಕ್ತಿ ಕುಂದುತ್ತಲೇ ಬರುತ್ತಿದೆ. 2020ರ ಸೆಪ್ಟೆಂಬರ್ ನಲ್ಲಿ ಆಕೆ ಕೊರೊನಾ ಸೋಂಕಿಗೆ ಒಳಗಾದರು. ಇವರಲ್ಲಿ ಕೊವಿಡ್ 19 ಸ್ಪೈಕ್ ಪ್ರೋಟೀನ್ನ 13 ರೂಪಾಂತರಗಳನ್ನು ಮತ್ತು ವೈರಸ್ನ ಕಾರ್ಯವಿಧಾನವನ್ನು ಬದಲಿಸಲ ಬಲ್ಲ ಇತರ 19 ಆನುವಂಶಿಕ ತಳಿಗಳನ್ನು ಪತ್ತೆಹಚ್ಚಲಾಗಿದೆ. ಹಾಗೇ ಇವರ ದೇಹದಲ್ಲಿ E484K, N510Y ರೂಪಾಂತರ ವೈರಸ್ ಕೂಡ ಪತ್ತೆಯಾಗಿದೆ.
ಈ ಮಹಿಳೆಯಿಂದ ಇನ್ಯಾರಿಗಾದಾರೂ ಸೋಂಕು ವರ್ಗಾವಣೆಯಾಗಿದೆಯಾ ಎಂಬುದಿನ್ನೂ ಗೊತ್ತಾಗಿಲ್ಲ ಎಂದು ಸಂಶೋಧನಾಕಾರರು ತಿಳಿಸಿದ್ದಾರೆ. ಹಾಗೇ ದಕ್ಷಿಣ ಆಫ್ರಿಕಾದ ಕ್ವಾಜುಲು ನಟಲ್ ಎಂಬಲ್ಲಿ ಕೊರೊನಾದ ರೂಪಾಂತರಗಳು ಹೆಚ್ಚಾಗಿ ಕಾಣಿಸಿವೆ. ಆ ಪ್ರದೇಶದಲ್ಲಿ ನಾಲ್ವರಲ್ಲಿ ಒಬ್ಬರಂತೆ ಎಚ್ಐವಿ ಸೋಂಕಿತರು ಇದ್ದಾರೆ. ಹೀಗೆ ಎಚ್ಐವಿ ಸೋಂಕಿತರ ದೇಹದಲ್ಲಿ ಕೊರೊನಾ ರೂಪಾಂತರ ವೈರಸ್ಗಳ ಸೃಷ್ಟಿ ಅತಿಯಾಗುತ್ತದೆ ಎಂಬುದಕ್ಕೆ ತುಂಬ ಸಾಕ್ಷಿಗಳಿಲ್ಲ. ಹಾಗೊಮ್ಮೆ ಅಧ್ಯಯನ ಮಾಡುತ್ತಿದ್ದಂತೆ ಇಂಥ ಪ್ರಕರಣಗಳು ಹೆಚ್ಚೆಚ್ಚು ಕಂಡು ಬಂದರೆ, ಇಡೀ ಜಗತ್ತಿನಲ್ಲಿ ಎಚ್ಐವಿ ಪೀಡಿತರು ಕೊರೊನಾ ರೂಪಾಂತರಿ ವೈರಸ್ಗಳ ಕಾರ್ಖಾನೆಗಳಂತೆ ಆಗಬಹುದು ಎಂದು ಸಂಶೋಧಕರು ಆತಂಕ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಹಾಸನ: ಸರ್ಕಾರಿ ಕೆಲಸದ ಆಮಿಷವೊಡ್ಡಿ ಅಪ್ರಾಪ್ತೆ ಜೊತೆ ಎರಡನೇ ಮದುವೆಯಾಗಿದ್ದ ವ್ಯಕ್ತಿ ಅರೆಸ್ಟ್
32 corona virus mutations inside the body of Woman with HIV In South Africa
Published On - 2:26 pm, Sun, 6 June 21
