ನಾವು ಪೂರ್ವದಿಂದ ದಾಳಿ ಮಾಡ್ತೀವಿ, ಭಾರತದ ವಿರುದ್ಧ ಹೊಸ ತಂತ್ರ ಹೆಣೆದ ಪಾಕಿಸ್ತಾನದ ಆಸಿಮ್ ಮುನೀರ್

ಇಸ್ಲಾಮಾಬಾದ್, ಆಗಸ್ಟ್​ 05: ‘ನಾವು ಪೂರ್ವದಿಂದ ಭಾರತದ ಮೇಲೆ ದಾಳಿ ಮಾಡುತ್ತೇವೆ’ ಎಂದು ಹೇಳುವ ಮೂಲಕ ಪಾಕ್ ಸೇನಾ ವಕ್ತಾರ ಅಹ್ಮದ್ ಷರೀಫ್ ಚೌಧರಿ, ಆಸಿಮ್ ಮುನೀರ್(Asim Munir)​ ಮನಸ್ಸಿನಲ್ಲಿರುವ ಅಪಾಯಕಾರಿ ಉದ್ದೇಶಗಳನ್ನು ಬಹಿರಂಗಪಡಿಸಿದ್ದಾರೆ. ಪಾಕಿಸ್ಥಾನದ ಸೇನಾ ಮುಖ್ಯಸ್ಥ ಆಸಿಮ್ ಮುನೀರ್ ಮಾತನಾಡುವುದನ್ನು ಕಂಡರೆ ಅಲ್ಲಿನ ಪ್ರಧಾನಿ ಶೆಹಬಾಜ್ ಷರೀಫ್​ಗಿಂತ ಇವರಿಗೆ ಹೆಚ್ಚಿನ ಅಧಿಕಾರ ಇದ್ದಂತಿದೆ.

ಆಪರೇಷನ್ ಸಿಂಧೂರ್ ಬಳಿಕ ಪಾಕಿಸ್ತಾನಿ ಸೇನಾ ಮುಖ್ಯಸ್ಥ ಆಸಿಮ್ ಮುನೀರ್ ಚೀನಾ ಹಾಗೂ ಅಮೆರಿಕಕ್ಕೆ ಹಲವು ಬಾರಿ ಭೇಟಿ ನೀಡಿದ್ದಾರೆ. ಇತ್ತೀಚೆಗೆ ಅವರು ಚೀನಾಕ್ಕೆ ಉನ್ನತ ಮಟ್ಟದ ಭೇಟಿಯನ್ನು ಪೂರ್ಣಗೊಳಿಸಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಪಾಕಿಸ್ತಾನದಲ್ಲಿ ನಿಜವಾದ ಅಧಿಕಾರ ಯಾರಿಗಿದೆ, ನಾಯಕನಿಗೋ ಅಥವಾ ಸೈನ್ಯಕ್ಕೋ ಎಂಬ ಪ್ರಶ್ನೆ ಉದ್ಭವಿಸುತ್ತದೆ.

ಹಾಗೆಯೇ ಮತ್ತೊಂದು ಅಚ್ಚರಿಯ ವಿಚಾರಚೇನೆಂದರೆ ಪಾಕಿಸ್ತಾನದ ಸೇನಾ ವಕ್ತಾರರು ಸೇನಾ ಮುಖ್ಯಸ್ಥ ಆಸಿಮ್ ಮುನೀರ್ ಅವರ ಅಪಾಯಕಾರಿ ಉದ್ದೇಶಗಳನ್ನು ಬಹಿರಂಗಪಡಿಸಿದ್ದಾರೆ. ಭವಿಷ್ಯದಲ್ಲಿ ಮಿಲಿಟರಿ ಘರ್ಷಣೆಗಳು ಉಂಟಾದರೆ ಫೀಲ್ಡ್ ಮಾರ್ಷಲ್ ಭಾರತದೊಳಗೆ ನುಗ್ಗಿ ದಾಳಿ ಮಾಡಲು ಬಯಸುತ್ತಾರೆ ಎಂದು ಅಹ್ಮದ್ ಷರೀಫ್ ತಿಳಿಸಿದ್ದಾರೆ.

ಆಸಿಮ್ ಮುನೀರ್ ಭಾರತದ ಜತೆ ಮಾತುಕತೆ ಬಯಸಿದ್ದಾರೆ, ಪಾಕಿಸ್ತಾನದಲ್ಲಿ ಭಯೋತ್ಪಾದನೆಯನ್ನು ನಿರ್ಮೂಲನೆ ಮಾಡುವವರೆಗೂ ಪಾಕ್ ಜತೆ ಮಾತನಾಡುವುದಿಲ್ಲ ಎಂದು ಹೇಳಿ ಭಾರತ ದ್ವಿಪಕ್ಷೀಯ ಮಾತುಕತೆಯನ್ನು ನಿರಾಕರಿಸುತ್ತಲೇ ಬಂದಿದೆ. ಭವಿಷ್ಯದಲ್ಲಿ ಯಾವುದೇ ಭಯೋತ್ಪಾದಕ ದಾಳಿ ನಡೆಸಿದರೆ ಭಾರತವು ಆಪರೇಷನ್ ಸಿಂಧೂರ್​ನಂತೆಯೇ ತ್ವರಿತ ಮಿಲಿಟರಿ ಕ್ರಮ ಕೈಗೊಳ್ಳಬಹುದು ಎಂಬ ಪ್ರಧಾನಿ ಮೋದಿ ಎಚ್ಚರಿಕೆ ಬಗ್ಗೆ ಕೇಳಿದಾಗ, ಪಾಕಿಸ್ತಾನವು ಈಗ ಪೂರ್ವದಿಂದ ದಾಳಿ ಮಾಡುತ್ತದೆ ಎಂದ ಚೌಧರಿ ನಿರ್ದಿಷ್ಟ ವಿವರಗಳನ್ನು ಹಂಚಿಕೊಳ್ಳಲು ಬಯಸಲಿಲ್ಲ.

ಮತ್ತಷ್ಟು ಓದಿ: ಅಮೆರಿಕ ಸೇನಾ ದಿನ: ಪಾಕ್ ಸೇನಾ ಮುಖ್ಯಸ್ಥ ಆಸಿಮ್ ಮುನೀರ್​​ಗೆ ಆಹ್ವಾನ, ಭಾರತ, ಚೀನಾಗೆ ಆತಂಕ

ಪಾಕಿಸ್ತಾನದಲ್ಲಿ ನಾಗರಿಕ ಸರ್ಕಾರ ಇನ್ನೂ ಅಸ್ತಿತ್ವದಲ್ಲಿದೆ, ಆದರೆ ಅದರ ಪಾತ್ರವು ಹೆಚ್ಚು ಹೆಚ್ಚು ಸೀಮಿತವಾಗುತ್ತಿದೆ. ದೇಶದ ಪ್ರಧಾನಿ ಶೆಹಬಾಜ್ ಷರೀಫ್ ಅವರ ಸರ್ಕಾರ ಇತ್ತೀಚೆಗೆ ತನ್ನ ಸಂಪುಟವನ್ನು ವಿಸ್ತರಿಸಿದೆ, ಆದರೆ ನಿಜವಾದ ಅಧಿಕಾರವು ಮಿಲಿಟರಿ ನಾಯಕತ್ವದ ಕೈಯಲ್ಲಿದೆ ಎಂಬುದು ಸ್ಪಷ್ಟವಾಗಿ ಗೋಚರಿಸುತ್ತದೆ.

ರಕ್ಷಣಾ ಸಚಿವ ಖವಾಜಾ ಆಸಿಫ್ ಅವರ ಇತ್ತೀಚಿನ ಹೇಳಿಕೆಗಳು ನೀತಿ ನಿರ್ಧಾರಗಳನ್ನು ಮಿಲಿಟರಿ ಅಭಿಪ್ರಾಯ ಕೇಳಿ ಬಳಿಕ ತೆಗೆದುಕೊಳ್ಳಲಾಗುತ್ತದೆ ಎಂದು ಸ್ಪಷ್ಟಪಡಿಸುತ್ತವೆ. ಪಾಕಿಸ್ತಾನ ಪ್ರಸ್ತುತ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಆದರೆ ಮಿಲಿಟರಿ ಶಕ್ತಿಯ ಪ್ರಭಾವವು ಅಲ್ಲಿ ಇನ್ನೂ ಹಾಗೆಯೇ ಇದೆ. ಮಿಲಿಟರಿ ಸ್ಥಾಪನೆಯು ಬೃಹತ್ ಆರ್ಥಿಕ ಸಂಪನ್ಮೂಲಗಳನ್ನು ಹೊಂದಿದೆ ಮತ್ತು ಅದರ ವ್ಯವಹಾರ ಹಿತಾಸಕ್ತಿಗಳನ್ನು ಕಾಪಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಇದರ ಹೊರತಾಗಿ, ಮಿಲಿಟರಿ ಬಜೆಟ್‌ನಲ್ಲಿನ ಹೆಚ್ಚಳ ಮತ್ತು ಸಾಮಾಜಿಕ ವಲಯಗಳಲ್ಲಿನ ಕಡಿತಗಳು ಪಾಕಿಸ್ತಾನದಲ್ಲಿ ಮಿಲಿಟರಿ ಶಕ್ತಿಯ ಪ್ರಭಾವ ಇನ್ನೂ ಪ್ರಬಲವಾಗಿದೆ ಎಂದು ಸ್ಪಷ್ಟಪಡಿಸುತ್ತವೆ.

ಆಸಿಮ್ ಮುನೀರ್ ಯಾರು? ಆಸಿಮ್ ಮುನೀರ್ ಪಾಕಿಸ್ತಾನ ಸೇನೆಯ ಫೀಲ್ಡ್ ಮಾರ್ಷಲ್ ಮತ್ತು ಮುಖ್ಯಸ್ಥರಾಗಿದ್ದಾರೆ.

ಪಾಕಿಸ್ತಾನದಲ್ಲಿ ಯಾರ ನಾಯಕತ್ವ ಹೆಚ್ಚುತ್ತಿದೆ? ಪಾಕಿಸ್ತಾನದಲ್ಲಿ ಸೇನೆಯ ನಾಯಕತ್ವ ಹೆಚ್ಚುತ್ತಿದೆ. ಹಲವು ಪ್ರಮುಖ ನಿರ್ಧಾರಗಳಲ್ಲಿ ಸೇನೆಯ ಹಸ್ತಕ್ಷೇಪ ಕಂಡುಬರುತ್ತಿದೆ.

ಭಾರತೀಯ ಸೇನಾ ಮುಖ್ಯಸ್ಥ ಜನರಲ್ ಉಪೇಂದ್ರ ದ್ವಿವೇದಿ ಅವರು, ಮಾತನಾಡಿ, ಆಪರೇಷನ್ ಸಿಂಧೂರ್ ಶತ್ರುಗಳನ್ನು ಬೆರಗುಗೊಳಿಸುವ ಮತ್ತು ಭಾರತದ ಶಕ್ತಿಯನ್ನು ಜಗತ್ತಿಗೆ ಬಹಿರಂಗಪಡಿಸುವಷ್ಟು ಸ್ಫೋಟಕವಾಗಿತ್ತು ಎಂದು ಹೇಳಿದರು. ಸೋಮವಾರ ಐಐಟಿ ಮದ್ರಾಸ್‌ನಲ್ಲಿ ತಮ್ಮ ಉತ್ಕಟ ಭಾಷಣದಲ್ಲಿ, ಈ 88 ಗಂಟೆಗಳ ಕಾರ್ಯಾಚರಣೆ ಎಷ್ಟು ಅದ್ಭುತವಾಗಿತ್ತೆಂದರೆ, ಪಾಕಿಸ್ತಾನ ಮಂಡಿಯೂರಿ ಕದನ ವಿರಾಮಕ್ಕಾಗಿ ಬೇಡಿಕೊಳ್ಳಬೇಕಾಯಿತು ಎಂದು ಹೇಳಿದರು.

ಇದು ಸಾಮಾನ್ಯ ಕ್ರಮವಲ್ಲ, ಆದರೆ ಭಾರತದ ಭಯೋತ್ಪಾದನಾ ವಿರೋಧಿ ಕಾರ್ಯತಂತ್ರವನ್ನು ಮರು ವ್ಯಾಖ್ಯಾನಿಸಿದ ಗುಪ್ತಚರ ಮಾಹಿತಿಯ ಆಧಾರದ ಮೇಲೆ ನಡೆದ ಸರ್ಜಿಕಲ್ ಸ್ಟ್ರೈಕ್ ಎಂದಿದ್ದಾರೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ