ಅಮೆರಿಕದಲ್ಲಿ ಕೊರೊನಾ ರಣಕೇಕೆ: ಮಾಸ್ಕ್ ಧರಿಸದೆ ಟ್ರಂಪ್ ಎಡವಟ್ಟು

ವಾಷಿಂಗ್ಟನ್: ಅಮೆರಿಕದಲ್ಲಿ ಕೊರೊನಾ ರಣಕೇಕೆ ಹಾಕ್ತಿದೆ. ಆದ್ರೆ, ವೈರಸ್ ವಿಚಾರದಲ್ಲಿ ಆರಂಭದಿಂದಲೂ ಉಡಾಫೆಯಿಂದ ವರ್ತಿಸುತ್ತಿರೋ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಮತ್ತೊಂದು ಎಡವಟ್ಟನ್ನ ಮಾಡಿದ್ದಾರೆ. ಪೋನಿಕ್ಸ್​ನಲ್ಲಿ ಅರಿಜೋನಾದಲ್ಲಿ ಹನಿವೆಲ್​ ಮಾಸ್ಕ್ ಫ್ಯಾಕ್ಟರಿಯನ್ನ ಉದ್ಘಾಟಿಸಿದ್ರು. ಆದ್ರೆ, ಮಾಸ್ಕ್ ಧರಿಸದೇ ಕೇವಲ ಕನ್ನಡಕ ಮಾತ್ರ ಧರಿಸಿದ್ದು ಸಾಕಷ್ಟು ಟೀಕೆಗೆ ಒಳಗಾಗಿದೆ.

ಕೊರೊನಾ ಪತ್ತೆಗೆ ‘ಡಿವೈಸ್’: ಕೊರೊನಾ ಸೋಂಕು ಪತ್ತೆಗೆ ಜಗತ್ತಿನೆಲ್ಲೆಡೆ ನಾನಾ ಕಸರತ್ತುಗಳನ್ನ ನಡೆಸ್ತಿದ್ದಾರೆ. ಆದ್ರೆ, ಅಮೆರಿಕದ ಚಿಕಾಗೋದ ನಾರ್ಥ್​ವೆಸ್ಟರ್ನ್ ವಿಶ್ವವಿದ್ಯಾಲಯ ಮತ್ತು ಶಿರ್ಲಿ ರಿಯಾನ್ ಎಬಿಲಿ ಲ್ಯಾಬ್​ ಸಣ್ಣ ಡಿವೈಸ್​ವೊಂದನ್ನ ಸಂಶೋಧನೆ ನಡೆಸಿದ್ದಾರೆ. ಸ್ಟಾಂಪ್ ಸೈಜ್​ ಆಕಾರದ ಸಣ್ಣ ಯಂತ್ರವನ್ನ ಗಂಟಲ ಬಳಿ ಇಟ್ರೆ, ಡಾಟಾ ಮೂಲಕ ಮೊಬೈಲ್​ನಲ್ಲಿ ಸೋಂಕು ಇರೋದು ಗೊತ್ತಾಗಲಿದೆಯಂತೆ.

ವೈದ್ಯಕೀಯ ಸಿಬ್ಬಂದಿ ನೆರವು: ಅಮೆರಿಕದಲ್ಲಿ ಕೊರೊನಾ ಸೋಂಕು ಇನ್ನಿಲ್ಲದಂತೆ ಆವರಿಸಿಕೊಳ್ತಿರೋದ್ರಿಂದ ವೈದ್ಯಕೀಯ ಸಿಬ್ಬಂದಿ ಎಡೆಬಿಡದೇ ಕರ್ತವ್ಯದಲ್ಲಿ ತೊಡಗಿದ್ದಾರೆ. ಹೀಗಾಗಿ, ಅವರಿಗೆ ನೆರವು ನಿಡಲು ನ್ಯೂಯಾರ್ಕ್​ನ ರೆಸ್ಟೋರೆಂಟ್ ಸಿಬ್ಬಂದಿ ಮುಂದಾಗಿದ್ದಾರೆ. ಅಗತ್ಯ ಆಹಾರ ಪದಾರ್ಥಗಳನ್ನ ಪ್ಯಾಕ್ ಮಾಡಿ ವೈದ್ಯಕೀಯ ಸಿಬ್ಬಂದಿಗೆ ತಲುಪಿಸುತ್ತಿದ್ದಾರೆ. ಸಸ್ಯಹಾರಿ ಮತ್ತು ಮಾಂಸಾಹಾರಿಗಳಿಗೆ ಪ್ರತ್ಯೇಕ ಕಿಟ್​ಗಳನ್ನ ನೀಡಲಾಗಿತ್ತು.

ರೋಬೋಟ್​ನಿಂದ ಕ್ಲೀನಿಂಗ್: ಅಮೆರಿಕದೆಲ್ಲೆಡೆ ಕೊರೊನಾ ಆವರಿಸಿರೋದ್ರಿಂದ ವಿಮಾನ ನಿಲ್ದಾಣ ಕ್ಲೀನ್ ಮಾಡಲು, ಸಿಬ್ಬಂದಿಯೂ ಬರುತ್ತಿಲ್ಲ. ಹೀಗಾಗಿ ರೋಬೋಟ್​ಗಳನ್ನ ಬಳಸಿಕೊಳ್ಳಲಾಗ್ತಿದೆ. ಪೆನ್ಸಿಲ್ವೇನಿಯಾದಲ್ಲಿನ ವಿಮಾನ ನಿಲ್ದಾಣದಲ್ಲಿ ರೋಬೋಟ್​ ಸ್ವಚ್ಛತೆ ಮಾಡ್ತಿದೆ. ಸದ್ಯದಲ್ಲೇ ಅಮೆರಿಕದಲ್ಲಿ ಎಲ್ಲಾ ವಿಮಾನ ನಿಲ್ದಾಣಗಳನ್ನ ರೀ ಓಪನ್ ಮಾಡುವ ಮುನ್ಸೂಚನೆ ಸಿಕ್ಕಿದ್ದು, ಸ್ವಚ್ಛತೆಗೆ ರೋಬೋಟ್ ಬಳಸಿಕೊಳ್ಳಲಾಗ್ತಿದೆ.