ರಿಯಾಯಿತಿ ದರದಲ್ಲಿ ರಷ್ಯಾದಿಂದ ಭಾರತ ತೈಲ ಖರೀದಿ; ಇದು ನಮಗೆ ಸಂಬಂಧಿಸಿದ್ದಲ್ಲ ಎಂದ ಜರ್ಮನಿ

ದೆಹಲಿ: ಭಾರತವು ರಷ್ಯಾದಿಂದ (Russia) ರಿಯಾಯಿತಿ ದರದಲ್ಲಿ ತೈಲವನ್ನು ಖರೀದಿಸುತ್ತಿರುವುದ ಬಗ್ಗೆ ಪ್ರತಿಕ್ರಿಯಿಸಿದ ಜರ್ಮನಿಯ (Germany) ರಾಯಭಾರಿ ಇದು ನಮಗೆ ಸಂಬಂಧಿಸಿದ ಸಂಗತಿ ಅಲ್ಲ ಎಂದು ಹೇಳಿದ್ದಾರೆ.ರಷ್ಯಾದ ತೈಲ ಖರೀದಿಯ ಕುರಿತು ಭಾರತ ಸರ್ಕಾರದ ನಿರ್ಧಾರ ಬಗ್ಗೆ ಅಭ್ಯಂತರವೇನೂ ಇಲ್ಲ ಎಂದು ಯುಎಸ್ ಹೇಳಿದ ವಾರಗಳ ನಂತರ ಜರ್ಮನಿ ಈ ರೀತಿ ಪ್ರತಿಕ್ರಿಯಿಸಿದೆ.”ಭಾರತವು ರಷ್ಯಾದಿಂದ ತೈಲವನ್ನು ಖರೀದಿಸುವುದು ನಮಗೆ ಸಂಬಂಧಿಸಿದ್ದಲ್ಲ ಎಂದು ನಾನು ಮತ್ತೆ ಮತ್ತೆ ಸ್ಪಷ್ಟಪಡಿಸಿದ್ದೇನೆ. ಅದು ಭಾರತ ಸರ್ಕಾರವು ನಿರ್ಧರಿಸುವ ವಿಷಯವಾಗಿದೆ. ನೀವು ಅದನ್ನು ಅತ್ಯಂತ ಕಡಿಮೆ ಬೆಲೆಗೆ ಪಡೆದರೆ, ಅದನ್ನು ಖರೀದಿಸಿದ್ದಕ್ಕಾಗಿ ನಾನು ಭಾರತವನ್ನು ದೂಷಿಸಲು ಸಾಧ್ಯವಿಲ್ಲ ಎಂದು ನಿಮಗೆ ತಿಳಿದಿದೆ ಎಂದು ಭಾರತದ ಜರ್ಮನ್ ರಾಯಭಾರಿ ಫಿಲಿಪ್ ಅಕರ್ಮನ್ ಹೇಳಿದ್ದಾರೆ.

ಚೀನಾ ಮತ್ತು ಯುಎಸ್ ನಂತರ ವಿಶ್ವದ ಮೂರನೇ ಅತಿದೊಡ್ಡ ಕಚ್ಚಾ ಆಮದುದಾರ ಆಗಿದೆ ಭಾರತ. ಉಕ್ರೇನ್‌ನಲ್ಲಿನ ಯುದ್ಧದ ಮಧ್ಯೆ ರಷ್ಯಾದಿಂದ ತೈಲವನ್ನು ಖರೀದಿಸುವುದನ್ನು ಮುಂದುವರಿಸುವ ಭಾರತದ ಕ್ರಮವನ್ನು ಪಾಶ್ಚಿಮಾತ್ಯ ರಾಷ್ಟ್ರಗಳು ಟೀಕಿಸಿವೆ. ತನಗೆ ಎಲ್ಲಿಂದ ಒಳ್ಳೆಯ ಡೀಲ್ ಸಿಗುತ್ತದೋ ಅಲ್ಲೆಲ್ಲ ತೈಲವನ್ನು ಖರೀದಿಸುವುದಾಗಿ ಭಾರತ ತನ್ನ ನಿಲುವಿನಲ್ಲಿ ದೃಢವಾಗಿ ನಿಂತಿದೆ.

#WATCH | India buying oil from Russia is none of our business. If you get it at a low price, I can’t blame India for it. India is an appropriate candidate to come up with a solution (to stop Russia- Ukraine war). India has skilled & good diplomacy: German Ambassador to India pic.twitter.com/0KuHHBZnII

— ANI (@ANI) February 22, 2023

G7 ಮತ್ತು ಅವರ ಮಿತ್ರರಾಷ್ಟ್ರಗಳು ಘೋಷಿಸಿದ ರಷ್ಯಾದ ತೈಲದ ಮೇಲಿನ ಬೆಲೆ ಮಿತಿಯನ್ನು ಬೆಂಬಲಿಸದಿರುವ ಭಾರತದ ನಿರ್ಧಾರವನ್ನು ಸ್ವಾಗತಿಸುವುದಾಗಿ ರಷ್ಯಾ ಹೇಳಿದೆ. ಟೀಕೆಗೆ ಪ್ರತಿಯಾಗಿ ಕಳೆದ ವರ್ಷ ಡಿಸೆಂಬರ್‌ನಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್, ಫೆಬ್ರವರಿ ಮತ್ತು ನವೆಂಬರ್ ನಡುವೆ ಯುರೋಪ್ ಭಾರತಕ್ಕಿಂತ ಹೆಚ್ಚು ಪಳೆಯುಳಿಕೆ ಇಂಧನವನ್ನು ಖರೀದಿಸಿದೆ ಎಂದು ಹೇಳಿದರು. ಕಳೆದ ವರ್ಷ ಫೆಬ್ರವರಿ 24 ರಂದು ರಷ್ಯಾ ಉಕ್ರೇನ್ ಮೇಲೆ ಆಕ್ರಮಣ ಮಾಡಿತು.

“ಮೊದಲು ನಾವು ಸತ್ಯಗಳನ್ನು ಸ್ಪಷ್ಟವಾಗಿ ಸ್ಥಾಪಿಸಬೇಕಾಗಿದೆ ಎಂದು ನಾನು ಭಾವಿಸುತ್ತೇನೆ. ಫೆಬ್ರವರಿ 24 ಮತ್ತು ನವೆಂಬರ್ 17 ರ ನಡುವೆ, ಯುರೋಪಿಯನ್ ಒಕ್ಕೂಟವು ಮುಂದಿನ 10 ದೇಶಗಳು ಒಟ್ಟುಗೂಡಿಸುವುದಕ್ಕಿಂತ ಹೆಚ್ಚಿನ ಪಳೆಯುಳಿಕೆ ಇಂಧನವನ್ನು ರಷ್ಯಾದಿಂದ ಆಮದು ಮಾಡಿಕೊಂಡಿದೆ. ಯುರೋಪಿಯನ್ ಒಕ್ಕೂಟದಲ್ಲಿ ತೈಲ ಆಮದು ಭಾರತಕ್ಕಿಂತ ಆರು ಪಟ್ಟು ಹೆಚ್ಚಾಗಿದೆ. ಐರೋಪ್ಯ ಒಕ್ಕೂಟವು 50 ಶತಕೋಟಿ ಯುರೋಗಳಷ್ಟು ಮೌಲ್ಯದ (ಅನಿಲ) ಆಮದು ಮಾಡಿಕೊಂಡಿರುವಾಗ ನಾವು ಅದನ್ನು ಆಮದು ಮಾಡಿಕೊಳ್ಳದ ಕಾರಣ ಅನಿಲವು ಯಥೇಚ್ಛವಾಗಿದೆ ಎಂದು ಜೈಶಂಕರ್ ಡಿಸೆಂಬರ್‌ನಲ್ಲಿ ಹೇಳಿದ್ದರು.

ಇದನ್ನೂ ಓದಿ: Vivek Ramaswamy: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸುವುದಾಗಿ ಘೋಷಿಸಿದ ಭಾರತ ಮೂಲದ ವಿವೇಕ್ ರಾಮಸ್ವಾಮಿ

ಭಾರತದ ರಷ್ಯಾದ ತೈಲ ಆಮದುಗಳು ಜನವರಿಯಲ್ಲಿ ದಾಖಲೆಯ 1.4 ಮಿಲಿಯನ್ ಬ್ಯಾರೆಲ್‌ಗಳಿಗೆ (ಬಿಪಿಡಿ) ಏರಿದೆ, ಡಿಸೆಂಬರ್‌ನಿಂದ 9.2% ರಷ್ಟು ಹೆಚ್ಚಾಗಿದೆ, ಮಾಸ್ಕೋ ಭಾರತಕ್ಕೆ ಅಗ್ರ ಮಾಸಿಕ ತೈಲ ಮಾರಾಟಗಾರನಾಗಿದ್ದು, ಇರಾಕ್ ಮತ್ತು ಸೌದಿ ಅರೇಬಿಯಾ ನಂತರದ ಸ್ಥಾನದಲ್ಲಿದೆ ಎಂದು ವ್ಯಾಪಾರದ ಡೇಟಾವನ್ನು ಉಲ್ಲೇಖಿಸಿ ರಾಯಿಟರ್ಸ್ ವರದಿ ಮಾಡಿದೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ