ಇಸ್ರೇಲ್​ನ ಯುದ್ಧಪೀಡಿದ ಪ್ರದೇಶಕ್ಕೆ ಎಲಾನ್​ಮಸ್ಕ್​ ಭೇಟಿ, ಹಮಾಸ್​ ದಾಳಿಯ ಭೀಕರತೆ ತೆರೆದಿಟ್ಟ ಪ್ರಧಾನಿ ನೇತನ್ಯಾಹು

ಎಕ್ಸ್​ ಹಾಗೂ ಟೆಸ್ಲಾದ ಸಿಇಒ ಎಲಾನ್ ಮಸ್ಕ್(Elon Musk)​ ಯುದ್ಧಪೀಡಿದ ಇಸ್ರೇಲ್​ಗೆ ಭೇಟಿ ನೀಡಿದ್ದಾರೆ. ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ಯಹೂದಿಗಳ ವಿರುದ್ಧದ ದ್ವೇಷದ ಪೋಸ್ಟ್​​ಗಳು ಹೆಚ್ಚುತ್ತಿವೆ ಎನ್ನುವ ಆರೋಪದ ನಡುವೆಯೇ ಎಲಾನ್ ಮಸ್ಕ್​ ಇಸ್ರೇಲ್(Israel)​ಗೆ ಭೇಟಿ ನೀಡಿದ್ದಾರೆ. ಗಾಜಾ-ಇಸ್ರೇಲ್ ಸಂಘರ್ಷಕ್ಕೆ 4 ದಿನಗಳ ತಾತ್ಕಾಲಿಕ ಕದನ ವಿರಾಮ ಘೋಷಣೆಯಾದ ನಡುವೆಯೇ ಮಸ್ಕ್ ಇಸ್ರೇಲ್​ನ ಇಬ್ಬರು ಪ್ರಮುಖ ನಾಯಕರನ್ನು ಭೇಟಿ ಮಾಡಿರುವುದು ಮಹತ್ವಪಡೆದುಕೊಂಡಿದೆ.

ನೇತನ್ಯಾಹು ಅವರು ಹಮಾಸ್‌ನಿಂದ ಕೊಲ್ಲಲ್ಪಟ್ಟ ಇಸ್ರೇಲಿ ನಿವಾಸಿಗಳ ಮನೆಗಳನ್ನು ಎಲೋನ್ ಮಸ್ಕ್‌ಗೆ ತೋರಿಸಿದರು. ಹಮಾಸ್ ಭಯೋತ್ಪಾದಕರು ಅನೇಕ ಜನರನ್ನು ಜೀವಂತವಾಗಿ ಸುಟ್ಟುಹಾಕಿದ್ದರು.ಅನೇಕ ಕುಟುಂಬಗಳನ್ನು ನಾಶಪಡಿಸಿದರು. ಈ ಪ್ರವಾಸದಿಂದ ಹಲವು ವಿಷಯಗಳು ಬೆಳಕಿಗೆ ಬರುತ್ತಿವೆ. ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಿಂದಾಗಿ ಎಲೋನ್ ಮಸ್ಕ್ ಅಲ್ಲಿಗೆ ತಲುಪಿದ್ದಾರೆ ಎಂದು ಹೇಳಲಾಗುತ್ತಿದೆ.

ಮಸ್ಕ್ ಮತ್ತು ನೆತನ್ಯಾಹು ಅವರು ಸಂಕ್ಷಿಪ್ತ ಸಭೆ ನಡೆಸಿದರು, ಇದರಲ್ಲಿ ಅವರು ಜಾಗತಿಕ ಮತ್ತು ಪ್ರಾದೇಶಿಕ ವಿಷಯಗಳನ್ನು ಚರ್ಚಿಸಿದರು. ಇದರೊಂದಿಗೆ, ಮಸ್ಕ್ 4 ವರ್ಷದ ಇಸ್ರೇಲಿ-ಅಮೆರಿಕನ್ ಮಗು ಅವಿಗೈಲ್ ಇಡಾನ್ ಅವರೊಂದಿಗೆ ಮಾತನಾಡಿದ್ದಾರೆ. ಇಡಾನ್ ಅನ್ನು ಹಮಾಸ್ ಭಯೋತ್ಪಾದಕರು ಒತ್ತೆಯಾಳಾಗಿ ತೆಗೆದುಕೊಂಡು ಗಾಜಾದಲ್ಲಿ ಇರಿಸಿದ್ದರು.

ಮತ್ತಷ್ಟು ಓದಿ: Israel Hamas Conflict: ಇಂದು 17 ಇಸ್ರೇಲಿ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಿದ ಹಮಾಸ್

ಇದಕ್ಕೂ ಮುನ್ನ ಸೆ.18ರಂದು ಕ್ಯಾಲಿಫೋರ್ನಿಯಾದಲ್ಲಿ ಎಲಾನ್ ಮಸ್ಕ್ ಹಾಗೂ ಇಸ್ರೇಲ್ ಪ್ರಧಾನಿ ನೇತನ್ಯಾಹು ಭೇಟಿ ಮಾಡಿದ್ದರು. ಕೊಲೆ ಮಾಡುವ ಉದ್ದೇಶ ಹೊಂದಿರುವವರನ್ನು ತಟಸ್ಥಗೊಳಿಸಬೇಕು, ಭವಿಷ್ಯದಲ್ಲಿ ಜನರನ್ನು ಕೊಲೆಗಾರರನ್ನಾಗಿ ಮಾಡಲು ತರಬೇತಿ ನೀಡುವ ಪ್ರಚಾರವನ್ನು ನಿಲ್ಲಿಸಬೇಕು ಎಂದು ಮಸ್ಕ್​ ಹೇಳಿದ್ದಾರೆ.

ಹಮಾಸ್​ನನ್ನು ಹತ್ತಿಕ್ಕುವವರೆಗೂ ಯುದ್ಧ ನಿಲ್ಲುವುದಿಲ್ಲ, ಯುದ್ಧವನ್ನು ನಾವು ಆರಂಭಿಸಿಲ್ಲ ಆದರೆ ಅಂತ್ಯ ನಮ್ಮಿಂದಲೇ ಆಗಲಿದೆ ಎಂದು ಬೆಂಜಮಿನ್ ನೇತನ್ಯಾಹು ಹೇಳಿದ್ದಾರೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ