ಇದು ಇಡೀ ಪ್ರಪಂಚದಲ್ಲೇ ಅತ್ಯಂತ ದುಬಾರಿ mask..ಬೆಲೆ ಎಷ್ಟು ಗೊತ್ತಾ?

ಇಸ್ರೇಲ್​ನ ಪ್ರತಿಷ್ಠಿತ ಒಡವೆ ತಯಾರಿಕಾ ಕಂಪನಿ ಇವೆಲ್​ (Yvel) 1.5 ಮಿಲಿಯನ್ ಡಾಲರ್​ (11 ಕೋಟಿ ರೂ.) ಮೌಲ್ಯದ ಜಗತ್ತಿನ ಅತ್ಯಂತ ದುಬಾರಿ COVID-19 ಫೇಸ್ ಮಾಸ್ಕ್​ನ ತಯಾರು ಮಾಡುತ್ತಿದೆ ಎಂದು ತಿಳಿದುಬಂದಿದೆ.

18 ಕ್ಯಾರಟ್​ ಬಿಳಿ ಬಂಗಾರದಿಂದ ತಯಾರಿಸಲಾದ ಈ ವಜ್ರ ಖಚಿತ ಫೇಸ್ ಮಾಸ್ಕ್​ನಲ್ಲಿ 3,600 ಬಿಳಿ ಮತ್ತು ಕಪ್ಪು ವಜ್ರಗಳನ್ನು ಬಳಸಲಾಗಿದೆ. ಇದಲ್ಲದೆ, ಈ ಮಾಸ್ಕ್​ನಲ್ಲಿ ಉನ್ನತ ದರ್ಜೆಯ N99 ಫಿಲ್ಟರ್‌ಗಳನ್ನೂ ಸಹ ಅಳವಡಿಸಬಹುದಾಗಿದೆ ಎಂದು ಇದರ ವಿನ್ಯಾಸಕ ಮತ್ತು ಕಂಪನಿ ಮಾಲೀಕ ಐಸಾಕ್ ಲೆವಿ ಹೇಳಿದ್ದಾರೆ.

ಅಂದ ಹಾಗೆ, ಈ ಮಾಸ್ಕ್​ನ ಅಮೇರಿಕಾದಲ್ಲಿ ನೆಲೆಸಿರುವ ಚೀನಾ ಮೂಲದ ಉದ್ಯಮಿಯೊಬ್ಬರು ತಯಾರಿಸಲು ಆರ್ಡರ್​ ಮಾಡಿದ್ದಾರಂತೆ. ಇದರ ತೂಕ 270 ಗ್ರಾಂ ಇದ್ದು 2020ರ ಅಂತ್ಯದ ವೇಳೆಗೆ ಇದನ್ನು  ಪೂರ್ಣಗೊಳಿಸಲಾಗುವುದು ಎಂದು ಐಸಾಕ್ ಲೆವಿ ತಿಳಿಸಿದ್ದಾರೆ.

Published On - 4:52 pm, Wed, 12 August 20