Fact check: ಇಸ್ರೇಲ್‌ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಬಂಕರ್​​ಗೆ ಪಲಾಯನ ಮಾಡುತ್ತಿರುವುದು ಎಂಬ ವಿಡಿಯೊ ಫೇಕ್

ಇಸ್ರೇಲ್‌ನ (Israel) ಪ್ರಧಾನ ಮಂತ್ರಿ ಬೆಂಜಮಿನ್ ನೆತನ್ಯಾಹು (Benjamin Netanyahu )ಅವರು ಕಾರಿಡಾರ್‌ಗಳ ಮೂಲಕ ಓಡುತ್ತಿರುವ ಹಳೆಯ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಇರಾನ್‌ನಿಂದ ಕ್ಷಿಪಣಿ ದಾಳಿಯ ನಂತರ ಇಸ್ರೇಲ್‌ನ ಪ್ರಧಾನ ಮಂತ್ರಿ ಬಂಕರ್‌ಗೆ ಪಲಾಯನ ಮಾಡುತ್ತಿರುವುದು ಎಂದು ವಿಡಿಯೊಗೆ ಶೀರ್ಷಿಕೆ ನೀಡಲಾಗಿದೆ. ಅಂದಹಾಗೆ ಈ ವಿಡಿಯೊ 2021ರದ್ದು ಆಗಿದ್ದು ಆಗ ನೆತನ್ಯಾಹು ಇಸ್ರೇಲ್‌ನ ಪ್ರಧಾನಿಯಾಗಿರಲಿಲ್ಲ ಎಂದು ಬೂಮ್ ಲೈವ್ ವರದಿ ಮಾಡಿದೆ. ಮತದಾನದಲ್ಲಿ ಮಾಡುವುದಕ್ಕಾಗಿ ನೆತನ್ಯಾಹು ಇಸ್ರೇಲ್‌ನ ಏಕಸದಸ್ಯ ಸಂಸತ್ತಿನ ನೆಸೆಟ್‌ನ ಕಾರಿಡಾರ್‌ಗಳ ಮೂಲಕ ಓಡುವ ವಿಡಿಯೊ ಇದಾಗಿದೆ.

ಲೆಬನಾನ್‌ನಲ್ಲಿ ಟೆಹ್ರಾನ್-ಬೆಂಬಲಿತ ಹಿಜ್ಬುಲ್ಲಾದ ವಿರುದ್ಧದ ಉದ್ದೇಶಿತ ದಾಳಿಗಳಿಗೆ ಪ್ರತೀಕಾರವಾಗಿ ಇರಾನ್ ಇಸ್ರೇಲ್ ಮೇಲೆ ಹಲವಾರು ಕ್ಷಿಪಣಿಗಳನ್ನು ಉಡಾಯಿಸಿತು, ಇದು ಉಗ್ರಗಾಮಿ ಗುಂಪಿನ ನಾಯಕ ಹಸನ್ ನಸ್ರಲ್ಲಾ ಅವರನ್ನು ಕೊಂದಿತು. ಹೆಚ್ಚುತ್ತಿರುವ ಆಕ್ರಮಣಶೀಲತೆಯು ಮಧ್ಯಪ್ರಾಚ್ಯವನ್ನು ಸಂಪೂರ್ಣ ಯುದ್ಧದ ಅಂಚಿನಲ್ಲಿ ತಂದಿದೆ. ದಾಳಿಗೆ ಪ್ರತಿಕ್ರಿಯೆಯಾಗಿ, ಇರಾನ್ ತನ್ನ ಕ್ರಮಗಳಿಗೆ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ನೆತನ್ಯಾಹು ಹೇಳಿದ್ದಾರೆ, ಆದರೆ ಟೆಹ್ರಾನ್ ಯಾವುದೇ ಪ್ರತೀಕಾರವು “ತೀವ್ರ ವಿನಾಶಕ್ಕೆ” ಕಾರಣವಾಗುತ್ತದೆ ಎಂದು ಎಚ್ಚರಿಸಿದೆ.

ವೆರಿಫೈಡ್ X ಹ್ಯಾಂಡಲ್ ವೊಂದು ವಿಡಿಯೊವನ್ನು ಹಂಚಿಕೊಂಡಿದ್ದು ” HAHAHA THIS GENOCIDAL (expletive) IS RUNNING TO HIS BUNKER! GOD BLESS IRAN!!” ಎಂದು ಬರೆದಿದೆ.

ಆರ್ಕೈವ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ. ಇದೇ ರೀತಿಯ ತಪ್ಪುದಾರಿಗೆಳೆಯುವ ಹೇಳಿಕೆಯೊಂದಿಗೆ ವಿಡಿಯೊವನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಳ್ಳಲಾಗುತ್ತಿದೆ.  ಅಂತಹ ಪೋಸ್ಟ್ ಅನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ.

ಫ್ಯಾಕ್ಟ್ ಚೆಕ್

ಬೂಮ್ ಲೈವ್ ಈ ವಿಡಿಯೊವನ್ನು ಕೀ ಫ್ರೇಮ್ ಆಗಿ ವಿಭಜಿಸಿ, ಗೂಗಲ್ ಲೆನ್ಸ್ ಬಳಸಿ ರಿವರ್ಸ್ ಇಮೇಜ್ ಸರ್ಚ್ ನಡೆಸಿದೆ. ಹೀಗೆ ಹುಡುಕಾಟ ನಡೆಸಿದಾಗ ಇದು ಡಿಸೆಂಬರ್ 14, 2021 ರಿಂದ ಇಸ್ರೇಲಿ ಸುದ್ದಿ ಔಟ್ಲೆಟ್ Now 14 ಪ್ರಕಟಿಸಿದ ಸುದ್ದಿ  ಸಿಕ್ಕಿದ್ದು, ಇದು ಅದೇ ವಿಡಿಯೊದಿಂದ ಸ್ಕ್ರೀನ್‌ಶಾಟ್ ಅನ್ನು ಒಳಗೊಂಡಿದೆ.

ಹೀಬ್ರೂ ಭಾಷೆಯಲ್ಲಿನ ವರದಿಯು ನೆತನ್ಯಾಹು ಅವರ ಅಧಿಕೃತ X ಖಾತೆಯಿಂದ ಪೋಸ್ಟ್ ಅನ್ನು ಒಳಗೊಂಡಿತ್ತು, ಅದು ಅದೇ ವಿಡಿಯೊವನ್ನು ಹೊಂದಿದ್ದು, ಪ್ರತಿಪಕ್ಷದ ನಾಯಕ ಬೆಂಜಮಿನ್ ನೆತನ್ಯಾಹು ಅವರು ಮತದಾನಕ್ಕೆ ಹಾಜರಾಗಲು ನೆಸೆಟ್‌ನ ಕಾರಿಡಾರ್‌ಗಳ ಮೂಲಕ ಓಡುತ್ತಿರುವುದನ್ನು ಸೆರೆಹಿಡಿಯಲಾಗಿದೆ ಎಂದು ಹೇಳಿದ್ದಾರೆ. ವರದಿಯ ಪ್ರಕಾರ, ಅವರ ಸಹಾಯಕರೊಬ್ಬರು ಅವರು ಓಡುತ್ತಿರುವಾಗ ಇದನ್ನು ಸೆರೆಹಿಡಿದಿದ್ದಾರೆ. ಅದೇ ಕ್ಲಿಪ್ ಅನ್ನು ಒಳಗೊಂಡಿರುವ ವಿಡಿಯೊವನ್ನು ಡಿಸೆಂಬರ್ 14, 2021 ರಂದು ನೆತನ್ಯಾಹು ಟ್ವೀಟ್ ಮಾಡಿದ್ದಾರೆ.

ತಮ್ಮ ಅಧಿಕೃತ X ಖಾತೆಯಲ್ಲಿ ವಿಡಿಯೊವನ್ನು ಹಂಚಿಕೊಂಡ ಅವರು ಅದಕ್ಕೆ ಹೀಬ್ರೂ ಭಾಷೆಯಲ್ಲಿ ಶೀರ್ಷಿಕೆ ನೀಡಿದ್ದಾರೆ: “ನಿಮಗಾಗಿ ಓಡಲು ನಾನು ಯಾವಾಗಲೂ ಹೆಮ್ಮೆಪಡುತ್ತೇನೆ. ಇದನ್ನು ಅರ್ಧ ಘಂಟೆಯ ಹಿಂದೆ ನೆಸೆಟ್‌ನಲ್ಲಿ ರೆಕಾರ್ಡ್ ಮಾಡಲಾಗಿದೆ.”

ಇದನ್ನೂ ಓದಿ: ಗಾಜಾದಲ್ಲಿ ಹಮಾಸ್ ಸರ್ಕಾರದ ಮುಖ್ಯಸ್ಥ ರಾವ್ಹಿ ಮುಶ್ತಾಹಾ ಹತ್ಯೆ: ಇಸ್ರೇಲಿ ಮಿಲಿಟರಿ

ಮತ್ತೊಂದು ಇಸ್ರೇಲಿ ಸುದ್ದಿವಾಹಿನಿ, ಕಿಕಾರ್ ಕೂಡ ವಿಡಿಯೊ ಬಗ್ಗೆ ವರದಿ ಮಾಡಿದೆ. ಮಸೂದೆಯ ಮೇಲಿನ ಮತದಾನದ ಸಮಯದಲ್ಲಿ, ನೆಸೆಟ್‌ನಲ್ಲಿರುವ ತನ್ನ ಕೋಣೆಯಲ್ಲಿದ್ದ ವಿರೋಧ ಪಕ್ಷದ ನಾಯಕ ನೆತನ್ಯಾಹು ಅವರನ್ನು ಮತಕ್ಕಾಗಿ ಕರೆಸಲಾಯಿತು. ಅವರು ನೆಸೆಟ್‌ನ ಕಾರಿಡಾರ್‌ಗಳ ಮೂಲಕ ಓಡಲು ಪ್ರಾರಂಭಿಸಿದರು ಎಂದು ಇದರಲ್ಲಿ ಹೇಳಲಾಗಿದೆ.

ಮತ್ತಷ್ಟು ಫ್ಯಾಕ್ಟ್ ಚೆಕ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ