ಅಮೆರಿಕದಲ್ಲಿರುವ ಪಾಕಿಸ್ತಾನ ರಾಯಭಾರಿ ಕಚೇರಿಯಲ್ಲಿ ಹಣದ ಕೊರತೆ; ಕೆಲವು ಸಿಬ್ಬಂದಿಗೆ 4 ತಿಂಗಳಿನಿಂದ ಇಲ್ಲ ಸಂಬಳ

ವಾಷಿಂಗ್ಟನ್: ವಾಷಿಂಗ್ಟನ್‌ನಲ್ಲಿರುವ (Washington) ಪಾಕಿಸ್ತಾನ ರಾಯಭಾರ ಕಚೇರಿಯು(Pakistan embassy) ಉದ್ಯೋಗಿಗಳಿಗೆ ಸಂಬಳ ನೀಡಲು ಹಣದ ಕೊರತೆಯನ್ನು ಎದುರಿಸಿದ್ದು ಕೆಲವು ಉದ್ಯೋಗಿಗಳಿಗೆ ಕಳೆದ ನಾಲ್ಕು ತಿಂಗಳಿನಿಂದ ಸಂಬಳ ನೀಡಿಲ್ಲ. ಆದರೂ ಪಾಕಿಸ್ತಾನಿ ರಾಯಭಾರಿಯ ಸಕ್ರಿಯವಾಗಿದೆ ಎಂದು ಎಂದು ದಿ ನ್ಯೂಸ್ ವರದಿ ಮಾಡಿದೆ.  ಪಾಕಿಸ್ತಾನಿ ರಾಯಭಾರಿ ಕಚೇರಿಯ ಸ್ಥಳೀಯವಾಗಿ ನೇಮಕಗೊಂಡಿರುವ ಕನಿಷ್ಠ ಐದು ಗುತ್ತಿಗೆ ನೌಕರರಿಗೆ ಆಗಸ್ಟ್ 2021 ರಿಂದ ಸಂಬಳ ಸಿಕ್ಕಿಲ್ಲ. ರಾಯಭಾರ ಕಚೇರಿಯಲ್ಲಿ ಕಳೆದ ಹತ್ತು ವರ್ಷಗಳಿಂದ ಕೆಲಸ ಮಾಡುತ್ತಿದ್ದ ಐವರ ಪೈಕಿ ಒಬ್ಬ ಸಿಬ್ಬಂದಿಗೆ ಸಂಬಳ ವಿಳಂಬ ಮತ್ತು ಪಾವತಿ ಮಾಡದ ಕಾರಣ ಸೆಪ್ಟೆಂಬರ್‌ನಲ್ಲಿ ರಾಜೀನಾಮೆ ನೀಡಿದ್ದಾರೆ ಎಂದು ವರದಿ ತಿಳಿಸಿದೆ. ವಾರ್ಷಿಕ ಗುತ್ತಿಗೆ ಆಧಾರದ ಮೇಲೆ ರಾಯಭಾರ ಕಚೇರಿಯಿಂದ ನೇಮಿಸಿಕೊಳ್ಳಲಾಗಿದ್ದ ಸಿಬ್ಬಂದಿಗೆ ಸಂಬಳ ಸಿಕ್ಕಿರಲಿಲ್ಲ. ಅವರು ಕನಿಷ್ಠ ಸಂಬಳದಲ್ಲಿ ದುಡಿಯುತ್ತಿದ್ದು, ಇದರ ಪ್ರಕಾರ ಪ್ರತಿ ವ್ಯಕ್ತಿಗೆ ತಿಂಗಳಿಗೆ 2,000 ರಿಂದ 2,500 ಡಾಲರ್‌ಗಳವರೆಗೆ ಸಂಬಳ ಇರುತ್ತದೆ.  ಸ್ಥಳೀಯ ನೇಮಕಾತಿಗಳು, ಶಾಶ್ವತ ಅಥವಾ ಗುತ್ತಿಗೆಯಾಗಿದ್ದರೂ, ಆರೋಗ್ಯ ರಕ್ಷಣೆಯ ಪ್ರಯೋಜನಗಳನ್ನು ಒಳಗೊಂಡಂತೆ ವಿದೇಶಾಂಗ ಕಚೇರಿಯ ಉದ್ಯೋಗಿಗಳು ಆನಂದಿಸುವ ಸವಲತ್ತುಗಳನ್ನು ಅವರು ಪಡೆಯುವುದಿಲ್ಲ.

ದೇಶೀಯ ಸಿಬ್ಬಂದಿಯನ್ನು ಸಾಮಾನ್ಯವಾಗಿ ವೀಸಾ, ಪಾಸ್‌ಪೋರ್ಟ್, ನೋಟರೈಸೇಶನ್ ಮತ್ತು ಇತರ ಕಾನ್ಸುಲರ್ ಸೇವೆಗಳನ್ನು ಒದಗಿಸುವ ‘ಕಾನ್ಸುಲರ್ ವಿಭಾಗ’ಕ್ಕೆ ಸಹಾಯ ಮಾಡಲು ನೇಮಿಸಿಕೊಳ್ಳಲಾಗುತ್ತದೆ ಎಂದು ವರದಿ ಹೇಳಿದೆ. ಅಂತಹ ಸಿಬ್ಬಂದಿಗೆ ಪಾಕಿಸ್ತಾನದ ಸಮುದಾಯ ಕಲ್ಯಾಣ (ಪಿಸಿಡಬ್ಲ್ಯು) ನಿಧಿಯಿಂದ ಪಾವತಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ, ಇದನ್ನು ಸ್ಥಳೀಯವಾಗಿ ಸೇವಾ ಶುಲ್ಕದ ಮೂಲಕ ಸಂಗ್ರಹಿಸಿ ನಂತರ ಸ್ಥಳೀಯವಾಗಿ ವಿತರಿಸಲಾಗುತ್ತದೆ.

ಕೊವಿಡ್ -19 ಸಾಂಕ್ರಾಮಿಕ ರೋಗದ ನಂತರ ವೆಂಟಿಲೇಟರ್‌ಗಳು ಮತ್ತು ಇತರ ವೈದ್ಯಕೀಯ ಉಪಕರಣಗಳನ್ನು ಖರೀದಿಸಲು ಹಣವನ್ನು ಬೇರೆಡೆಗೆ ತಿರುಗಿಸಿದ್ದರಿಂದ ಕಳೆದ ವರ್ಷ ಪಿಸಿಡಬ್ಲ್ಯೂ ನಿಧಿ ಕುಸಿದಿದೆ ಎಂದು ಪರಿಸ್ಥಿತಿಯನ್ನು ತಿಳಿದಿರುವ ಮೂಲಗಳು ಹೇಳುತ್ತವೆ.

ರಾಯಭಾರ ಕಚೇರಿಯು ಹಣವನ್ನು ನಿರ್ವಹಿಸಲು ಹೆಣಗಾಡಿತು, ಅದು ಅಂತಿಮವಾಗಿ ಸಂಬಳ ಪಾವತಿಗಳ ಮೇಲೆ ಪರಿಣಾಮ ಬೀರಿತು. ಸ್ಥಳೀಯವಾಗಿ ನೇಮಕಗೊಂಡ ಸಿಬ್ಬಂದಿಗೆ ಮಾಸಿಕ ಸಂಬಳವನ್ನು ನೀಡಲು ರಾಯಭಾರ ಕಚೇರಿಯು ಇತರ ಖಾತೆ ಮುಖ್ಯಸ್ಥರಿಂದ ಹಣವನ್ನು ಎರವಲು ಪಡೆಯಬೇಕಾಯಿತು ಎಂದು ಮೂಲಗಳು ತಿಳಿಸಿವೆ. ಇಸ್ಲಾಮಾಬಾದ್ ತನ್ನ ವೀಸಾ ಸೇವೆಗಳನ್ನು ಈಗ NADRA (ರಾಷ್ಟ್ರೀಯ ಡೇಟಾಬೇಸ್ ಮತ್ತು ನೋಂದಣಿ ಪ್ರಾಧಿಕಾರ) ನೊಂದಿಗೆ ಸಮನ್ವಯದಿಂದ ನಿರ್ವಹಿಸುತ್ತಿದೆ ಎಂದು ವರದಿ ಹೇಳಿದೆ.

ಇದನ್ನೂ ಓದಿ:  ಧರ್ಮ ನಿಂದನೆ ಆರೋಪ: ಪಾಕಿಸ್ತಾನದಲ್ಲಿ ಶ್ರೀಲಂಕಾ ಪ್ರಜೆಯ ಬರ್ಬರ ಹತ್ಯೆ