ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾದ ರಾಷ್ಟ್ರೀಯ ದಿನ; ತೈವಾನ್ನತ್ತ 38 ಚೀನಾ ಮಿಲಿಟರಿ ವಿಮಾನಗಳ ದಾಂಗುಡಿ
ತೈವಾನ್ ತನ್ನದೇ ಪ್ರದೇಶ ಎಂದು ಚೀನಾ ಪ್ರತಿಪಾದಿಸುತ್ತಲೇ ಇದೆ. ಆದರೆ ತೈವಾನ್ ಈ ಹಿಂದೆಯೇ ತಾನು ಪ್ರತ್ಯೇಕ ದ್ವೇಷ ಎಂದು ಹೇಳಿಕೊಂಡು ಸ್ವತಂತ್ರವಾಗಿ ಆಡಳಿತವನ್ನೂ ಶುರುಮಾಡಿಕೊಂಡಿದೆ.
Updated on: Oct 02, 2021 | 2:30 PM
ತೈಪೆ: ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾ ನಿನ್ನೆ (ಅಕ್ಟೋಬರ್ 1) ರಾಷ್ಟ್ರೀಯ ದಿನವನ್ನು ಆಚರಿಸುತ್ತಿದೆ. 1949ರ ಅಕ್ಟೋಬರ್ 2 ರಂದು ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾ ಸ್ಥಾಪಿತಗೊಂಡ ಹಿನ್ನೆಲೆಯಲ್ಲಿ ಪ್ರತಿವರ್ಷವೂ ಈ ದಿನ ರಾಷ್ಟ್ರೀಯ ಹಬ್ಬವನ್ನಾಗಿ ಅಲ್ಲಿ ಆಚರಣೆ ಮಾಡಲಾಗುತ್ತದೆ. ಇಂದು ಸಹ ಚೀನಾ ತನ್ನ ರಾಷ್ಟ್ರೀಯ ದಿನದ ಸಂಭ್ರಮದಲ್ಲಿದೆ. ಈ ಮಧ್ಯೆ ಇಂದು ಚೀನಾ ಸುಮಾರು 38 ಚೈನೀಸ್ ಮಿಲಿಟರಿ ವಿಮಾನಗಳನ್ನು ತೈವಾನ್ನತ್ತ ಕಳಿಸಿದ್ದು, ಈ ಜೆಟ್ಗಳು ತೈವಾನ್ನ ರಕ್ಷಣಾ ವಲಯವನ್ನು ಪ್ರವೇಶಿಸಿವೆ ಎಂದು ತೈವಾನ್ ರಾಜಧಾನಿ ತೈಪೆ ತಿಳಿಸಿದೆ.
ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ ಶುಕ್ರವಾರ ಮೊದಲು 25 ಯುದ್ಧ ವಿಮಾನಗಳನ್ನು ತೈವಾನ್ನತ್ತ ಕಳಿಸಿತು. ಅದೇ ದಿನ ರಾತ್ರಿ ಹೆಚ್ಚುವರಿಯಾಗಿ 13 ಜೆಟ್ಗಳನ್ನು ಹಾರಿಸಿತು. ಅದಕ್ಕೆ ಪ್ರತಿಯಾಗಿ ತೈವಾನ್ ಕೂಡ ತನ್ನ ಭದ್ರತೆಯನ್ನು ಹೆಚ್ಚಿಸಿತು. ವಾಯುಗಸ್ತು ಪಡೆಯನ್ನು ಹೆಚ್ಚುವರಿಯಾಗಿ ನಿಯೋಜಿಸಿತು. ಹಾಗೇ, ವಾಯುಪಡೆಯ ಮೂಲಕವೇ ಚೀನಾದ ಯುದ್ಧವಿಮಾನಗಳ ಸಂಚಾರವನ್ನು ಟ್ರ್ಯಾಕ್ ಮಾಡಲಾಯಿತು. ಹೀಗೆ ಕಳಿಸಲಾದ ಪ್ಲೇನ್ಗಳಲ್ಲಿ ಎರಡು ಬಾಂಬರ್ಗಳೂ ಇದ್ದವು ಎಂದು ತೈವಾನ್ ರಕ್ಷಣಾ ಸಚಿವಾಲಯ ಮಾಹಿತಿ ನೀಡಿದೆ.
ತೈವಾನ್ ತನ್ನದೇ ಪ್ರದೇಶ ಎಂದು ಚೀನಾ ಪ್ರತಿಪಾದಿಸುತ್ತಲೇ ಇದೆ. ಆದರೆ ತೈವಾನ್ ಈ ಹಿಂದೆಯೇ ತಾನು ಪ್ರತ್ಯೇಕ ದ್ವೇಷ ಎಂದು ಹೇಳಿಕೊಂಡು ಸ್ವತಂತ್ರವಾಗಿ ಆಡಳಿತವನ್ನೂ ಶುರುಮಾಡಿಕೊಂಡಿದೆ. ಅಷ್ಟೇ ಅಲ್ಲ ಚೀನಾ ಸರ್ಕಾರ ರಾಜತಾಂತ್ರಿಕ ವ್ಯವಹಾರ ನಡೆಸುತ್ತಿರುವ ದೇಶಗಳೊಂದಿಗೆ ತಾನು ಯಾವುದೇ ಸಂಬಂಧವನ್ನೂ ಇಟ್ಟುಕೊಂಡಿಲ್ಲ. ಹೀಗಾಗಿ ಚೀನಾ ಮತ್ತು ತೈವಾನ್ ನಡುವೆ ದ್ವೇಷವೆಂಬುದು ಬಹಿರಂಗವಾಗಿಯೇ ಇದೆ. ನಿನ್ನೆ ಅಕ್ಟೋಬರ್ 1ರಂದು ಚೀನಾದ ಫೈಟರ್ ಜೆಟ್ಗಳು ತಮ್ಮ ರಕ್ಷಣಾ ವಲಯ ಪ್ರವೇಶಿಸಿದ್ದಾಗಿ ತೈವಾನ್ ಹೇಳಿಕೊಂಡಿದೆ. ಆದರೆ ಚೀನಾ ತನ್ನ ಬಲಪ್ರದರ್ಶನದ ಬಗ್ಗೆ ಇನ್ನೂ ಏನೂ ಮಾತನಾಡಿಲ್ಲ. ಈ ಹಿಂದೆಯೂ ಚೀನಾ ಹೀಗೆ ಮಿಲಿಟರಿ ವಿಮಾನಗಳನ್ನು ತೈವಾನ್ನತ್ತ ಕಳಿಸಿತ್ತು. ನಂತರ ಪ್ರತಿಕ್ರಿಯೆ ನೀಡಿ, ನಮ್ಮ ಚೀನಾದ ಸಾರ್ವಭೌಮತ್ವ ರಕ್ಷಣೆಯ ಉದ್ದೇಶದಿಂದ ಫೈಟರ್ ಜೆಟ್ಗಳ ಹಾರಾಟ ನಡೆಸಲಾಗುತ್ತದೆ ಎಂದು ಹೇಳಿತ್ತು.
ಇದನ್ನೂ ಓದಿ: S M Krishna invited: ದಸರಾ ಉದ್ಘಾಟನೆಗಾಗಿ ಎಸ್.ಎಂ.ಕೃಷ್ಣಗೆ ಅಧಿಕೃತ ಆಹ್ವಾನ ನೀಡಿದ ಸಿಎಂ ಬಸವರಾಜ ಬೊಮ್ಮಾಯಿ
KBC: 25 ಲಕ್ಷ ರೂಪಾಯಿ ಪ್ರಶ್ನೆಗೆ ಸ್ಟಾರ್ ನಟರೇ ಹೇಳಿಲ್ಲ ಉತ್ತರ; ನೀವು ಉತ್ತರಿಸಬಲ್ಲಿರಾ?
