ಪ್ರೇಯಸಿಯನ್ನು ಅರೆಬೆತ್ತಲೆಯಾಗಿ ಚಳಿಯಲ್ಲಿ ನಿಲ್ಲಿಸಿ, ಕೊಂದ ಯುವಕ! ಅದೆಲ್ಲ ಯೂಟ್ಯೂಬ್ ಲೈವ್​ನಲ್ಲಿ ಪ್ರಸಾರವಾಯ್ತು ..

ಆತ ಯೂಟ್ಯೂಬ್​ ಚಾನೆಲ್​ ಒಂದನ್ನು ಹೊಂದಿದ್ದ. ಸಿಕ್ಕಿ  ಸಿಕ್ಕಿದ್ದನ್ನೆಲ್ಲ ವಿಡಿಯೋ ಮಾಡಿ ಹಾಕುತ್ತಿದ್ದ. ಆತನ ವಿಡಿಯೋಗಳಿಗೆ ಹೆಚ್ಚು ವ್ಯೂಸ್ ​ಬರುತ್ತಿದ್ದರಿಂದ ಸಾಕಷ್ಟು ಹಣ ಕೂಡ ಮಾಡುತ್ತಿದ್ದ. ಆದರೆ, ಬರಬರುತ್ತಾ ಹಣದ ಮದ ಈತನ ತಲೆಗೇರಿತ್ತು. ಹಣದ ಹುಚ್ಚಿಗೆ ಈತ ಇದೀಗ ಗರ್ಲ್​ಫ್ರೆಂಡ್​ ಪ್ರಾಣವನ್ನೇ ತೆಗೆದು ಬಿಟ್ಟಿದ್ದಾನೆ. ಸದ್ಯ ಈತ ಪೊಲೀಸರ ಅತಿಥಿ ಆಗಿದ್ದಾನೆ.

30 ವರ್ಷದ ಸ್ಟಾಸ್​ ರೀಫ್ಲೆ ಬಂಧಿತ ವ್ಯಕ್ತಿ. 28 ವರ್ಷದ ವ್ಯಾಲೆಂಟಿನಾ ಗ್ರಿಗೋರಿವಾ ಈತನ ಪ್ರೇಯಸಿ. ಆಕೆ ಗರ್ಭಿಣಿ ಕೂಡ ಹೌದು. ಸಾಮಾಜಿಕ ಜಾಲತಾಣದಲ್ಲಿ ವ್ಯಾಲೆಂಟಿನಾ ಗ್ರಿಗೋರಿವಾ ಫೋಟೋವನ್ನು ನೋಡಿದ್ದ ವ್ಯಕ್ತಿಯೋರ್ವ ಆಕೆಯನ್ನು ಮೈನಸ್​ ಡಿಗ್ರಿ ತಾಪಮಾನವಿರುವ ಕೋಣೆಯಲ್ಲಿ ನಿಲ್ಲಿಸಿ ಲೈವ್​ ವಿಡಿಯೋ ಮಾಡಿದರೆ 70 ಸಾವಿರ ರೂಪಾಯಿ ನೀಡುವುದಾಗಿ ಆಕೆಯ ಪ್ರಿಯಕರ ಯೂಟ್ಯೂಬರ್​​ ಸ್ಟಾಸ್​ ರೀಫ್ಲೆಗೆ ಆಮಿಷ ಒಡ್ಡಿದ್ದ. ಅಷ್ಟೇ ಅಲ್ಲ, ಆಕೆ ಒಳ ಉಡುಪು ಮಾತ್ರ ಹಾಕಿರಬೇಕು ಎನ್ನುವ ಷರತ್ತನ್ನೂ ಹಾಕಿದ್ದ.

ಇದಕ್ಕೆ ಒಪ್ಪಿದ್ದ ಸ್ಟಾಸ್​ ರೀಫ್ಲೆ, ಗರ್ಲ್​ಫ್ರೆಂಡ್​ ಬಳಿ ಈ ಮನವಿ ಇಟ್ಟಿದ್ದ. ಆದ್ರೆ ಆಕೆ ಇಂತಹ ಅಮಾನುಷ ಕೃತ್ಯಕ್ಕೆ ಸುತರಾಂ ಒಪ್ಪುವುದಿಲ್ಲ. ಆದರೂ ಆಕೆಯನ್ನು ಕೇವಲ ಒಳ ಉಡುಪಿನಲ್ಲಿ ಮೈನಸ್​ ಡಿಗ್ರಿ ತಾಪಮಾನದ ಕೋಣೆಯೊಳಗೆ ನಿಲ್ಲಿಸಿದ್ದ. ಮೈ ಕೊರೆಯುವ ಚಳಿಗೆ ಆಕೆ ನಡುಗಿ ಹೋಗಿದ್ದಳು. ದೀರ್ಘ ಕಾಲ ಚಳಿಯಲ್ಲೇ ಇದ್ದಿದ್ದರಿಂದ ಆಕೆ ಅಲ್ಲಿಯೇ ಕುಸಿದು ಬಿದ್ದಿದ್ದಾಳೆ.

ವ್ಯಾಲೆಂಟಿನಾ ಬಿದ್ದಿದ್ದನ್ನು ನೋಡಿದ ಸ್ಟಾಸ್​ ರೀಫ್ಲೆ ಆಕೆಯನ್ನು ಕೋಣೆಯಿಂದ ಹೊರಗೆ ತಂದಿದ್ದಾನೆ. ಈ ವೇಳೆ ಎದ್ದೇಳು, ಎದ್ದೇಳು ಎಂದು ಗೋಳಾಡಿದ್ದಾನೆ. ಆದರೆ, ಆಕೆ ಪ್ರತಿಕ್ರಿಯಿಸಿಲ್ಲ. ತಕ್ಷಣ ಆತ ವೈದ್ಯರಿಗೆ ಕರೆ ಮಾಡಿದ್ದಾನೆ. ವೈದ್ಯರು ಬಂದು ಪರೀಕ್ಷೆ ನಡೆಸಿದಾಗ ಆಕೆ ಮೃತಪಟ್ಟಿರುವ ವಿಚಾರ ಬೆಳಕಿಗೆ ಬಂದಿದೆ. ಇದೆಲ್ಲ ನಡೆಯುವಾಗ ಲೈವ್​​ ವಿಡಿಯೋ ಪ್ರಸಾರವಾಗುತ್ತಲೇ ಇತ್ತು. ನಂತರ ಪೊಲೀಸರು ಆತನನ್ನು ಬಂಧಿಸಿ, ವಿಚಾರಣೆ ನಡೆಸಿದ್ದಾರೆ.

ವಿಡಿಯೊಗಳಿಗೆ ಕಾಮೆಂಟ್ ಮಾಡುವ ಮುನ್ನ ಮರುಚಿಂತನೆಗೆ ಅವಕಾಶ ನೀಡಲಿದೆ ಯೂಟ್ಯೂಬ್

Published On - 3:48 pm, Sat, 5 December 20