ಟ್ರಂಪ್​ ವಿರೋಧಿಸುವವರು ಅಮೆರಿಕ ಬಿಟ್ಟು ಇಲ್ಲಿಗೆ ಬನ್ನಿ, ಕೇವಲ 84ರೂ.ಗೆ ಮನೆ ಕೊಳ್ಳಿ

ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್​ ಟ್ರಂಪ್ ಗೆಲುವು ಸಾಧಿಸಿದ್ದು, ವಿಶ್ವದೆಲ್ಲೆಡೆ ತುಂಬಾ ಚರ್ಚೆಯಾಗುತ್ತಿದೆ. ಅವರ ವಿಜಯದ ನಂತರ ಅವರ ಬೆಂಬಲಿಗರು ತುಂಬಾ ಸಂತೋಷವಾಗಿದ್ದರೆ, ಅನೇಕರು ಅವರನ್ನು ಇನ್ನೂ ಹೆಚ್ಚು ವಿರೋಧಿಸಲು ಶುರು ಮಾಡಿದ್ದಾರೆ.

ಅನೇಕ ಕಂಪನಿಗಳು ಮತ್ತು ಉದ್ಯಮಿಗಳು ಸಹ ಇದರ ಲಾಭವನ್ನು ಪಡೆಯುತ್ತಿದ್ದಾರೆ. ಡೊನಾಲ್ಡ್ ಟ್ರಂಪ್ ಅವರ ಅಧಿಕಾರಾವಧಿಯನ್ನು ನೋಡಲು ಬಯಸದವರಿಗೆ ಪ್ರಪಂಚದಾದ್ಯಂತ ಅನೇಕ ಕೊಡುಗೆಗಳನ್ನು ಘೋಷಿಸುತ್ತಿದ್ದಾರೆ. ಟ್ರಂಪ್ ವಿರೋಧಿಗಳು ಅಮೆರಿಕದಲ್ಲಿ ಮಾತ್ರವಲ್ಲ ವಿವಿಧ ದೇಶಗಳಲ್ಲೂ ಇದ್ದಾರೆ.

2024ರಲ್ಲಿ ಡೊನಾಲ್ಡ್​ ಟ್ರಂಪ್ ವಿಜಯದ ನಂತರ ದೇಶದಿಂದ ಹೊರಹೋಗಲು ಇಚ್ಛಿಸುವವರಿಗೆ ಇಟಲಿಯ ಗ್ರಾಮವೊಂದು ಭರ್ಜರಿ ಆಫರ್ ನೀಡುತ್ತಿದೆ. ಒಂದು ಡಾಲರ್​ ಅಂದರೆ 84 ರೂಪಾಯಿಗೆ ಮನೆಯನ್ನು ನೀಡುವುದಾಗಿ ಘೋಷಿಸಿದೆ. ಮೆಡಿಟರೇನಿಯನ್ ಸಮುದ್ರದ ಸುಂದರವಾದ ದ್ವೀಪವಾದ ಸಾರ್ಡಿನಿಯಾದ ಓಲೋಲೈ ಎಂಬ ಹಳ್ಳಿಯು ತನ್ನ ಆರ್ಥಿಕತೆಯನ್ನು ಪುನರುಜ್ಜೀವನಗೊಳಿಸಲು ಕೇವಲ ಒಂದು ಯೂರೋಗೆ ಮನೆಗಳನ್ನು ನೀಡುತ್ತಿರುವ ಇಟಾಲಿಯನ್ ಹಳ್ಳಿಗಳಲ್ಲಿ ಒಂದಾಗಿದೆ.

ಮತ್ತಷ್ಟು ಓದಿ: 4 ವರ್ಷಗಳ ಬಳಿಕ ವೈಟ್​ಹೌಸ್​ನಲ್ಲಿ ಡೊನಾಲ್ಡ್ ಟ್ರಂಪ್-ಜೋ ಬೈಡೆನ್ ಭೇಟಿ

ಗ್ರಾಮವು ತನ್ನ ವೆಬ್‌ಸೈಟ್‌ನಲ್ಲಿ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ, ನೀವು ಜಾಗತಿಕ ರಾಜಕೀಯದಿಂದ ಬೇಸತ್ತಿದ್ದೀರಾ, ನಿಮ್ಮ ಜೀವನವನ್ನು ಉತ್ತಮಗೊಳಿಸಲು ಮತ್ತು ಹೆಚ್ಚು ಸುರಕ್ಷಿತವಾಗಿಸಲು ನೀವು ಹೊಸ ಅವಕಾಶಗಳನ್ನು ಹುಡುಕುತ್ತಿರುವಿರಾ? ಹಾಗಾದರೆ ಇಲ್ಲಿಗೆ ಬನ್ನಿ ಎಂದು ಹೇಳಲಾಗಿತ್ತು, ಗ್ರಾಮವು ಕೇವಲ 1,150 ಜನಸಂಖ್ಯೆಯನ್ನು ಹೊಂದಿದೆ.

4 ವರ್ಷಗಳ ಹಡಗು ಪ್ರಯಾಣ ಹಳ್ಳಿ ಮಾತ್ರವಲ್ಲ, ಈ ಮೊದಲು ಫ್ಲೋರಿಡಾದ ಹಡಗು ಕಂಪನಿ ವಿಲ್ಲಾ ವಿ ರೆಸಿಡೆನ್ಸ್ ನಾಲ್ಕು ವರ್ಷಗಳ ಸ್ಕಿಪ್ ಫಾರ್ವರ್ಡ್ ಕ್ರೂಸ್ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ. ಈ ಪ್ರಯಾಣದಲ್ಲಿ, ಅಮೆರಿಕದ ಜನರಿಗೆ ನಾಲ್ಕು ವರ್ಷಗಳ ಹಡಗು ಪ್ರಯಾಣವನ್ನು ನೀಡಲಾಗಿದೆ, ಇದು 140 ದೇಶಗಳ 425 ಕ್ಕೂ ಹೆಚ್ಚು ಬಂದರುಗಳನ್ನು ಭೇಟಿ ಮಾಡಲು ಪ್ರಯಾಣಿಕರನ್ನು ಕರೆದೊಯ್ಯುತ್ತದೆ. ಈ ಸೌಲಭ್ಯವನ್ನು ಪಡೆಯುವ ಜನರು ನಿಗದಿತ ಮೊತ್ತವನ್ನು ಪಾವತಿಸುವ ಮೂಲಕ ಒಂದರಿಂದ ನಾಲ್ಕು ವರ್ಷಗಳ ಕಾಲ ವಿಹಾರದಲ್ಲಿ ಉಳಿದುಕೊಂಡಿರುವಾಗ ಪ್ರಪಂಚದ ವಿವಿಧ ಸ್ಥಳಗಳಿಗೆ ಭೇಟಿ ನೀಡಲು ಸಾಧ್ಯವಾಗುತ್ತದೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ