Upcoming Cars April 2025: ಏಪ್ರಿಲ್‌ನಲ್ಲಿ ಅಟೋ ಮಾರುಕಟ್ಟೆಗೆ ಬರಲಿದೆ ಸಾಲು ಸಾಲು ವಾಹನಗಳು: ಇಲ್ಲಿದೆ ಪಟ್ಟಿ

ಬೆಂಗಳೂರು (ಮಾ. 29): ಹೊಸ ಕಾರುಗಳು, ಮೋಟಾರ್‌ಸೈಕಲ್‌ಗಳು ಮತ್ತು ಸ್ಕೂಟರ್‌ಗಳಿಗಾಗಿ ಕಾಯುತ್ತಿರುವ ಲಕ್ಷಾಂತರ ಜನರಿಗೆ ಬಂಪರ್ ಸುದ್ದಿಯೊಂದಿದೆ. ಮುಂದಿನ ತಿಂಗಳು, ಅಂದರೆ ಏಪ್ರಿಲ್ 2025 ರಲ್ಲಿ, ಅನೇಕ ಹೊಸ ವಾಹನಗಳು ಬಿಡುಗಡೆಯಾಗಲಿವೆ. ಈಗಾಗಲೇ ಕೆಲವು ವಾಹನಗಳ ಬಿಡುಗಡೆ ದಿನಾಂಕ ಬಹುತೇಕ ಖಚಿತವಾಗಿದ್ದರೆ, ಕೆಲವು ಉತ್ಪನ್ನಗಳು ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಇದರಲ್ಲಿ ಕಾರು, ಬೈಕ್, ಸ್ಕೂಟರ್ ಕೂಡ ಸೇರಿದೆ. ಹಾಗಾದರೆ, ಏಪ್ರಿಲ್‌ನಲ್ಲಿ ಆಟೋಮೊಬೈಲ್ (Auto Mobile) ಮಾರುಕಟ್ಟೆಗೆ ಯಾವ ವಾಹನಗಳು ಬರಲಿವೆ ನೋಡೋಣ.

ಈ ಹೊಸ ಸ್ಕೂಟರ್‌ಗಳು ಬರುತ್ತಿವೆ:

ಏಪ್ರಿಲ್ 2025 ಸ್ಕೂಟರ್ ವಿಭಾಗಕ್ಕೆ ವಿಶೇಷವಾಗಿದೆ. ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ತನ್ನ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಇ-ಆಕ್ಸೆಸ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಿದೆ. ಈ ಪ್ರೀಮಿಯಂ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಈ ವರ್ಷ ನಡೆದ ಇಂಡಿಯಾ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋ 2025 ರಲ್ಲಿ ಅನಾವರಣಗೊಳಿಸಲಾಯಿತು ಮತ್ತು ಈಗ ಅದರ ಬೆಲೆ ಮತ್ತು ವೈಶಿಷ್ಟ್ಯಗಳನ್ನು ಬಹಿರಂಗವಾಗಲಿದೆ. ಹೋಂಡಾ ತನ್ನ ಹೆಚ್ಚು ಮಾರಾಟವಾಗುವ ಸ್ಕೂಟರ್ ಆಕ್ಟಿವಾ, ಹೋಂಡಾ ಆಕ್ಟಿವಾ 7G ಯ ನವೀಕರಿಸಿದ ಮಾದರಿಯನ್ನು ಸಹ ಬಿಡುಗಡೆ ಮಾಡಬಹುದು ಎಂಬ ಸುದ್ದಿ ಬರುತ್ತಿದೆ. ಆದಾಗ್ಯೂ, ಕಂಪನಿಯು ಈ ನಿಟ್ಟಿನಲ್ಲಿ ಯಾವುದೇ ನಿರ್ದಿಷ್ಟ ದಿನಾಂಕವನ್ನು ಘೋಷಿಸಿಲ್ಲ.

ಈ ಬೈಕ್‌ಗಳು ಮುಂದಿನ ತಿಂಗಳು ಬರಬಹುದು:

ಕವಾಸಕಿಯ ಹೊಸ Z500 ಮೋಟಾರ್‌ಸೈಕಲ್ ಅನ್ನು ಏಪ್ರಿಲ್ 2025 ರಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಬಹುದು. ಇದರೊಂದಿಗೆ, ಡುಕಾಟಿ ಇಂಡಿಯಾ ಡುಕಾಟಿ ಎಕ್ಸ್‌ಡೈವೆಲ್ ವಿ 4 ಮಾದರಿಯನ್ನು ಸಹ ಬಿಡುಗಡೆ ಆಗಲಿದೆ ಎನ್ನಲಾಗಿದೆ. ಆದಾಗ್ಯೂ, ಈ ಕಂಪನಿಗಳು ಯಾವುದೇ ದಿನಾಂಕವನ್ನು ಫೈನಲ್ ಮಾಡಿ ಹೇಳಿಲ್ಲ.

ಇದನ್ನೂ ಓದಿ

ಫ್ರಾಂಕ್ಸ್ ಅಥವಾ ಪಂಚ್?: CNG ನಲ್ಲಿ ಯಾವ ಕಾರು ಹೆಚ್ಚು ಮೈಲೇಜ್ ನೀಡುತ್ತದೆ?

ಗಮನಿಸಿ: ಏಪ್ರಿಲ್ 1 ರಿಂದ ಈ ವಾಹನಗಳಿಗೆ ಪೆಟ್ರೋಲ್- ಡೀಸೆಲ್ ಸಿಗುವುದಿಲ್ಲ

ಕಳೆದ ತಿಂಗಳು ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಕಾರು ಯಾವುದು?

ಮಾರುತಿ ಆಲ್ಟೊದ ಮೈಲೇಜ್ ಈಗ ಮೊದಲಿಗಿಂತ ಹೆಚ್ಚಾಗಲಿದೆ

Best CNG Car: ಮಾರುತಿ ಫ್ರಾಂಕ್ಸ್ ಅಥವಾ ಟಾಟಾ ಪಂಚ್?: CNG ನಲ್ಲಿ ಯಾವ ಕಾರು ಹೆಚ್ಚು ಮೈಲೇಜ್ ನೀಡುತ್ತದೆ?

ಈ ಹೊಸ ಕಾರುಗಳು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಲಿದೆ:

ಏಪ್ರಿಲ್ 2025 ಹೊಸ ಕಾರು ಖರೀದಿದಾರರಿಗೆ ತುಂಬಾ ಆಸಕ್ತಿದಾಯಕವಾಗಿರಲಿದೆ. ಏಕೆಂದರೆ ಈ ತಿಂಗಳು ಬಹಳಷ್ಟು ಪ್ರೀಮಿಯಂ ಕಾರುಗಳು ಬಿಡುಗಡೆಯಾಗುತ್ತಿವೆ. ಮೊದಲನೆಯದಾಗಿ, ವೋಕ್ಸ್‌ವ್ಯಾಗನ್ ತನ್ನ ಪ್ರೀಮಿಯಂ ಮತ್ತು ಹೆಚ್ಚು ಮಾರಾಟವಾಗುವ SUV ಟಿಗುವಾನ್ ಆರ್ ಲೈನ್ ಅನ್ನು ಏಪ್ರಿಲ್ 14 ರಂದು ಬಿಡುಗಡೆ ಮಾಡಲಿದೆ. ಇದರ ನಂತರ, JSW MG ಮೋಟಾರ್ ಇಂಡಿಯಾ ತನ್ನ ಹೊಸ ಸೈಬರ್‌ಸ್ಟರ್ ಅನ್ನು ಬಿಡುಗಡೆ ಮಾಡಲಿದೆ ಮತ್ತು ಮಾರುತಿ ಸುಜುಕಿ ತನ್ನ ಮೊದಲ ಎಲೆಕ್ಟ್ರಿಕ್ SUV ಇ-ವಿಟಾರಾವನ್ನು ಎಲೆಕ್ಟ್ರಿಕ್ ಕಾರು ಮಾರುಕಟ್ಟೆಯಲ್ಲಿ ಸಂಚಲನ ಸೃಷ್ಟಿಸಲಿದೆ ಎಂಬ ಸುದ್ದಿ ಬರುತ್ತಿದೆ. ಆದಾಗ್ಯೂ, ಈ ಎರಡೂ ಕಾರುಗಳ ಬಿಡುಗಡೆ ದಿನಾಂಕವನ್ನು ಬಹಿರಂಗಪಡಿಸಲಾಗಿಲ್ಲ. ಟಾಟಾ ಮೋಟಾರ್ಸ್ ಶೀಘ್ರದಲ್ಲೇ ತನ್ನ ಹ್ಯಾರಿಯರ್ ಎಲೆಕ್ಟ್ರಿಕ್ ಅನ್ನು ಸಹ ಬಿಡುಗಡೆ ಮಾಡಬಹುದು ಎಂಬ ಸುದ್ದಿಯೂ ಇದೆ.

ಐಷಾರಾಮಿ ಕಾರುಗಳು ಕೂಡ ಬಿಡುಗಡೆ:

ಇದೆಲ್ಲದರ ನಡುವೆ, ಆಸ್ಟನ್ ಮಾರ್ಟಿನ್ DBX 707 ರ ನವೀಕರಿಸಿದ ಮಾದರಿಯನ್ನು ಮುಂದಿನ ತಿಂಗಳು ಭಾರತದಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಇದರೊಂದಿಗೆ, BMW 2 ಸರಣಿ (BMW 2 ಸರಣಿ 2025) ಅನ್ನು ಸಹ ಬಿಡುಗಡೆ ಮಾಡಬಹುದು. ಅವುಗಳ ಬಿಡುಗಡೆ ದಿನಾಂಕವನ್ನು ಮುಂದಿನ ದಿನಗಳಲ್ಲಿ ಘೋಷಿಸಬಹುದು.

ಅಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ