Mahindra Thar: ಮಹೀಂದ್ರಾ ಥಾರ್ಗೆ ಭರ್ಜರಿ ಬೇಡಿಕೆ: ಕಳೆದ ತಿಂಗಳು ಸೇಲ್ ಆಗಿದ್ದು ಎಷ್ಟು ಗೊತ್ತೇ?
ಮೇ 2025 ರಲ್ಲಿ ಮಹೀಂದ್ರಾ ಥಾರ್ ಮಾರಾಟದ ವರದಿಯನ್ನು ನೋಡುವುದಾದರೆ, ಕಳೆದ ತಿಂಗಳ 31 ದಿನಗಳಲ್ಲಿ ಒಟ್ಟು 10,389 ಗ್ರಾಹಕರು ಥಾರ್ ಅನ್ನು ಖರೀದಿಸಿದ್ದಾರೆ. ಇವುಗಳಲ್ಲಿ 3 ಡೋರ್ ಥಾರ್ ಮತ್ತು ಥಾರ್ ರಾಕ್ಸ್ ಎರಡರ ಸಂಖ್ಯೆಗಳೂ ಸೇರಿವೆ. ಮೇ ತಿಂಗಳಲ್ಲಿ, ಥಾರ್ ಸರಣಿಯ ಎಸ್ಯುವಿಗಳ ಮಾರಾಟವು ವರ್ಷದಿಂದ ವರ್ಷಕ್ಕೆ 81 ಪ್ರತಿಶತದಷ್ಟು ಹೆಚ್ಚಾಗಿದೆ.
Updated on: Jun 06, 2025 | 3:47 PM
ಬೆಂಗಳೂರು (ಜೂ. 06): ಮಹೀಂದ್ರಾ ಥಾರ್… (Mahindra Thar) ಭಾರತೀಯ ಎಸ್ಯುವಿ ಮಾರುಕಟ್ಟೆಯಲ್ಲಿ ಗ್ರಾಹಕರನ್ನು ಮೋಡಿ ಮಾಡುತ್ತಿದೆ. ಇದರ ಮೇ ತಿಂಗಳ ಮಾರಾಟ ಸಂಖ್ಯೆಗಳನ್ನು ನೋಡುವುದಾದರೆ ಒಟ್ಟು 10389 ಯೂನಿಟ್ಗಳು ಥಾರ್ ಮತ್ತು ಥಾರ್ ರಾಕ್ಸ್ ಮಾರಾಟವಾಗಿವೆ. ಈ ಅಂಕಿ ಅಂಶವು ವರ್ಷದಿಂದ ವರ್ಷಕ್ಕೆ 81 ಪ್ರತಿಶತದಷ್ಟು ಹೆಚ್ಚಾಗಿದೆ. ಇದರ ಶಕ್ತಿಶಾಲಿ ನೋಟ ಮತ್ತು ಅದ್ಭುತ ವೈಶಿಷ್ಟ್ಯಗಳ ಜೊತೆಗೆ ಅದ್ಭುತ ಕಾರ್ಯಕ್ಷಮತೆಯಿಂದಾಗಿ, ಥಾರ್ ಎಸ್ಯುವಿ ಪ್ರಿಯರ ನೆಚ್ಚಿನದಾಗಿದೆ.
ಎರಡೂ ಮಾದರಿಗಳಿಗೆ ಭರ್ಜರಿ ಬೇಡಿಕೆ
ಮೇ 2025 ರಲ್ಲಿ ಮಹೀಂದ್ರಾ ಥಾರ್ ಮಾರಾಟದ ವರದಿಯನ್ನು ನೋಡುವುದಾದರೆ, ಕಳೆದ ತಿಂಗಳ 31 ದಿನಗಳಲ್ಲಿ ಒಟ್ಟು 10,389 ಗ್ರಾಹಕರು ಥಾರ್ ಅನ್ನು ಖರೀದಿಸಿದ್ದಾರೆ. ಇವುಗಳಲ್ಲಿ 3 ಡೋರ್ ಥಾರ್ ಮತ್ತು ಥಾರ್ ರಾಕ್ಸ್ ಎರಡರ ಸಂಖ್ಯೆಗಳೂ ಸೇರಿವೆ. ಮೇ ತಿಂಗಳಲ್ಲಿ, ಥಾರ್ ಸರಣಿಯ ಎಸ್ಯುವಿಗಳ ಮಾರಾಟವು ವರ್ಷದಿಂದ ವರ್ಷಕ್ಕೆ 81 ಪ್ರತಿಶತದಷ್ಟು ಹೆಚ್ಚಾಗಿದೆ, ಮೇ 2024 ರಲ್ಲಿ ಕೇವಲ 5750 ಥಾರ್ ಯುನಿಟ್ಗಳು ಮಾರಾಟವಾಗಿದ್ದವು. ಆದಾಗ್ಯೂ, ಕಳೆದ ವರ್ಷ ಮೇ ತಿಂಗಳಲ್ಲಿ ಥಾರ್ ರಾಕ್ಸ್ ಅನ್ನು ಹೊಸದಾಗಿ ಬಿಡುಗಡೆ ಮಾಡಲಾಯಿತು. ಒಟ್ಟಾರೆಯಾಗಿ, ಥಾರ್ ರಾಕ್ಸ್ ಆಗಮನದ ನಂತರ, ಈ ಎಸ್ಯುವಿಯ ಮಾರುಕಟ್ಟೆ ಇನ್ನಷ್ಟು ಬೆಳೆದಿದೆ ಎಂದು ಹೇಳಬಹುದು.
ಮಹೀಂದ್ರಾ ಥಾರ್ ಬೆಲೆ ಮತ್ತು ವೈಶಿಷ್ಟ್ಯಗಳು
ಮಹೀಂದ್ರಾ ಥಾರ್ ಮತ್ತು ಥಾರ್ ರಾಕ್ಸ್ನ ಬೆಲೆ ಮತ್ತು ವೈಶಿಷ್ಟ್ಯಗಳ ಬಗ್ಗೆ ನೋಡುವುದಾದರೆ, ಥಾರ್ 3 ಡೋರ್ ಮಾದರಿಗಳ ಎಕ್ಸ್-ಶೋರೂಂ ಬೆಲೆ ರೂ. 11.50 ಲಕ್ಷದಿಂದ ಪ್ರಾರಂಭವಾಗಿ ರೂ. 17.62 ಲಕ್ಷದವರೆಗೆ ಇರುತ್ತದೆ. 4-ವೀಲ್ ಡ್ರೈವ್ (4WD) ಹಾಗೂ ರಿಯರ್ ವೀಲ್ ಡ್ರೈವ್ (RWD) ಆಯ್ಕೆಯೊಂದಿಗೆ ಬರುವ ಥಾರ್, 1497 cc ಯಿಂದ 2184 cc ವರೆಗಿನ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ಹೊಂದಿದೆ. ಇದು 116.93 bhp ನಿಂದ 150.19 bhp ವರೆಗೆ ಶಕ್ತಿಯನ್ನು ಮತ್ತು 300 ನ್ಯೂಟನ್ ಮೀಟರ್ನಿಂದ 320 ನ್ಯೂಟನ್ ಮೀಟರ್ವರೆಗೆ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ 4 ಸೀಟುಗಳ SUV ಯ ಗ್ರೌಂಡ್ ಕ್ಲಿಯರೆನ್ಸ್ 226 mm ಆಗಿದೆ. ಥಾರ್ನ ವೈಶಿಷ್ಟ್ಯಗಳು ಸಹ ಉತ್ತಮವಾಗಿವೆ.
TATA Harrier EV: 15 ನಿಮಿಷ ಚಾರ್ಜ್-250 ಕಿ.ಮೀ. ದೂರ: ಟಾಟಾದ ಅದ್ಭುತ ಎಲೆಕ್ಟ್ರಿಕ್ ಕಾರು ಬಿಡುಗಡೆ
ಥಾರ್ ರಾಕ್ಸ್ ನ ಬೆಲೆ ಮತ್ತು ವೈಶಿಷ್ಟ್ಯಗಳು
ಮಹೀಂದ್ರಾ & ಮಹೀಂದ್ರಾ ಕಳೆದ ವರ್ಷ ಆಗಸ್ಟ್ 15 ರಂದು 5 ಡೋರ್ಗಳ ಥಾರ್ ರಾಕ್ಸ್ ಅನ್ನು ಬಿಡುಗಡೆ ಮಾಡಿತು, ಇದರ ಪ್ರಸ್ತುತ ಎಕ್ಸ್-ಶೋರೂಂ ಬೆಲೆ ರೂ. 12.99 ಲಕ್ಷದಿಂದ ರೂ. 23.39 ಲಕ್ಷದವರೆಗೆ ಇದೆ. ಈ ಎಸ್ಯುವಿ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿಯೂ ಲಭ್ಯವಿದೆ. ಇದು 1997 ಸಿಸಿಯಿಂದ 2184 ಸಿಸಿ ವರೆಗಿನ ಎಂಜಿನ್ ಅನ್ನು ಹೊಂದಿದ್ದು, 150 ಬಿಎಚ್ಪಿಯಿಂದ 174 ಬಿಎಚ್ಪಿ ವರೆಗೆ ಶಕ್ತಿಯನ್ನು ಮತ್ತು 330 ನ್ಯೂಟನ್ ಮೀಟರ್ನಿಂದ 380 ನ್ಯೂಟನ್ ಮೀಟರ್ವರೆಗೆ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ 5 ಆಸನಗಳ ಎಸ್ಯುವಿ ಮ್ಯಾನುವಲ್ ಮತ್ತು ಸ್ವಯಂಚಾಲಿತ ಪ್ರಸರಣ ಆಯ್ಕೆಗಳನ್ನು ಹಾಗೂ 4WD ಮತ್ತು RWD ಆಯ್ಕೆಗಳನ್ನು ಹೊಂದಿದೆ.
ಅಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
