Auto News: ಬುಲ್ಡೋಜರ್ ಮತ್ತು ಜೆಸಿಬಿ ನಡುವೆ ಏನು ವ್ಯತ್ಯಾಸ?: ಇದು ಶುರುವಾದ ರೋಚಕ ಕಥೆ ಇಲ್ಲಿದೆ ನೋಡಿ

ಬುಲ್ಡೋಜರ್ ಮತ್ತು ಜೆಸಿಬಿ ಕೆಲವರು ಈ ಎರಡು ಪದಗಳನ್ನು ಒಂದೇ ಎಂದು ಭಾವಿಸಿದ್ದಾರೆ. ಆದಾಗ್ಯೂ, ಇದು ಹಾಗಲ್ಲ, ಬುಲ್ಡೋಜರ್ ಭಾರೀ ಯಂತ್ರವಾಗಿದೆ, ಆದರೆ ಜೆಸಿಬಿ ಅದನ್ನು ತಯಾರಿಸುವ ಕಂಪನಿಯ ಹೆಸರು. ನಮ್ಮ ಸುತ್ತಲೂ ಕಂಡುಬರುವ ಹಳದಿ ಬಣ್ಣದ ಬುಲ್ಡೋಜರ್‌ ಮೂಲತಃ ವಿದೇಶದ್ದು ಎಂಬುದು ಕೂಡ ಅನೇಕರಿಗೆ ತಿಳಿದಿಲ್ಲ. ಬುಲ್ಡೋಜರ್‌ನ ನಿಜವಾದ ಹೆಸರು ಬ್ಯಾಕ್‌ಹೋ ಲೋಡರ್. ಜೆಸಿಬಿ ಭಾರತದಲ್ಲಿ ಬ್ಯಾಕ್‌ಹೋ ಲೋಡರ್‌ಗಳನ್ನು ತಯಾರಿಸುವ ಅತಿದೊಡ್ಡ ಕಂಪನಿಯಾಗಿದೆ.

ಬುಲ್ಡೋಜರ್ ಅನ್ನು ಭಾರತದಲ್ಲಿ ತಯಾರಿಸಲಾಗುತ್ತದೆ. ಹೀಗಾಗಿ ಇದನ್ನು ಇಂಡಿಯನ್ ಬುಲ್ಡೋಜರ್ ಎಂದು ಕೂಡ ಹೆಸರಿಸಬಹುದು. ಭಾರತೀಯ ಬುಲ್ಡೋಜರ್ ಎಂದು ಕರೆಯಲ್ಪಡುವ ಜೆಸಿಬಿ ಕಂಪನಿಯು ಪ್ರಾರಂಭವಾಗಿದ್ದು ವಿದೇಶಿ ನೆಲದಲ್ಲಿ. ಜೆಸಿಬಿಯ ಪೂರ್ಣ ಹೆಸರು ‘ಜೋಸೆಫ್ ಸಿರಿಲ್ ಬ್ಯಾಮ್‌ಫೋರ್ಡ್’. ಇವರು ಇದರ ಸ್ಥಾಪಕ.

ಜೆಸಿಬಿಯನ್ನು 1945 ರಲ್ಲಿ ಜೋಸೆಫ್ ಸಿರಿಲ್ ಬ್ಯಾಮ್‌ಫೋರ್ಡ್ ಬ್ರಿಟನ್‌ನಲ್ಲಿ ಸ್ಥಾಪಿಸಿದರು. ಅವರು ತಮ್ಮ ಕಂಪನಿಯನ್ನು ಸಣ್ಣ ಗ್ಯಾರೇಜ್‌ನಿಂದ ಪ್ರಾರಂಭಿಸಿದರು, ಅಲ್ಲಿ ಕೃಷಿ ಉಪಕರಣಗಳು ಮತ್ತು ಟ್ರೇಲರ್‌ಗಳನ್ನು ತಯಾರಿಸುತ್ತಿದ್ದರು. ಕ್ರಮೇಣ, ಅವರು ತಯಾರಿಸಿದ ಉಪಕರಣಗಳ ಗುಣಮಟ್ಟ ಮತ್ತು ಉಪಯುಕ್ತತೆಯು ಜನಪ್ರಿಯತೆಯನ್ನು ಗಳಿಸಿ ಜೆಸಿಬಿ ಪ್ರಮುಖ ಸಾಧನ ತಯಾರಕರಾದರು.

ಇದನ್ನೂ ಓದ: ಕಾರು ಖರೀದಿಸುವಾಗ ಆನ್-ರೋಡ್ ಪ್ರೈಸ್ ಕಡಿಮೆ ಮಾಡುವುದು ಹೇಗೆ?: ಈ ಟ್ರಿಕ್ ಹೆಚ್ಚಿನವರಿಗೆ ತಿಳಿದಿಲ್ಲ

ಜೆಸಿಬಿ ಆರಂಭದಲ್ಲಿ ಟ್ರಾಕ್ಟರ್‌ಗಳು ಮತ್ತು ಟ್ರೇಲರ್‌ಗಳ ತಯಾರಿಕೆಯಲ್ಲಿ ಪರಿಣತಿ ಹೊಂದಿತ್ತು, ಆದರೆ 1950 ರ ದಶಕದಲ್ಲಿ ಕಂಪನಿಯು ಅಗೆಯಲು ಮತ್ತು ನಿರ್ಮಾಣಕ್ಕಾಗಿ ಬಳಸುವ ಯಂತ್ರಗಳನ್ನು ತಯಾರಿಸಲು ಪ್ರಾರಂಭಿಸಿತು. 1953 ರಲ್ಲಿ, ಜೆಸಿಬಿ ಪ್ರಪಂಚದ ಮೊದಲ ಬ್ಯಾಕ್‌ಹೋ ಲೋಡರ್ ಅನ್ನು ಪರಿಚಯಿಸಿತು, ಅಂದರೆ ಬುಲ್ಡೋಜರ್. ಇದು ಒಂದೇ ಯಂತ್ರದಿಂದ ಅಗೆಯುವ ಮತ್ತು ಲೋಡಿಂಗ್ ಕೆಲಸವನ್ನು ಮಾಡಬಲ್ಲದು. ಈ ಯಂತ್ರವು ಬೇಗನೆ ಜನಪ್ರಿಯವಾಯಿತು ಮತ್ತು ಜೆಸಿಬಿಯ ಗುರುತಾಯಿತು.

ವಿಶ್ವಾದ್ಯಂತ ಮನ್ನಣೆಯೊಂದಿಗೆ, ಜೆಸಿಬಿ ಭಾರತವನ್ನು ಪ್ರವೇಶಿಸಿತು. 1979 ರಲ್ಲಿ, ಕಂಪನಿಯು ಜಂಟಿ ಉದ್ಯಮವಾಗಿ ಭಾರತದಲ್ಲಿ ಮೊದಲ ಉತ್ಪಾದನಾ ಘಟಕವನ್ನು ಸ್ಥಾಪಿಸಿತು. ಭಾರತದಲ್ಲಿ, ಈ ಕಂಪನಿಯು ಜೆಸಿಬಿ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಹೆಸರಿನಲ್ಲಿ ವ್ಯವಹಾರ ನಡೆಸುತ್ತಿದೆ. ಇದು ಬ್ರಿಟನ್‌ನ ಜೆಸಿ ಬ್ಯಾಮ್‌ಫೋರ್ಡ್ ಎಕ್ಸ್‌ಕಾವೇಟರ್‌ಗಳ ಸಂಪೂರ್ಣ ಒಡೆತನದಲ್ಲಿದೆ.

ಭಾರತದಲ್ಲಿ ಐದು ಆಧುನಿಕ ಸ್ಥಾವರಗಳೊಂದಿಗೆ, ಜೆಸಿಬಿ ದೇಶೀಯ ಮಾರುಕಟ್ಟೆಗೆ ಮತ್ತು 125 ಕ್ಕೂ ಹೆಚ್ಚು ದೇಶಗಳಿಗೆ ರಫ್ತು ಮಾಡಲು ವಿಶ್ವ ದರ್ಜೆಯ ಉಪಕರಣಗಳನ್ನು ತಯಾರಿಸುತ್ತದೆ. ನವದೆಹಲಿಯ ಸಮೀಪ ಹರಿಯಾಣದ ಫರಿದಾಬಾದ್‌ನಲ್ಲಿರುವ ಬಲ್ಲಭಗಢ್ ಸ್ಥಾವರವು ಬ್ಯಾಕ್‌ಹೋ ಲೋಡರ್‌ಗಳಿಗಾಗಿ ವಿಶ್ವದ ಅತಿದೊಡ್ಡ ಸ್ಥಾವರವಾಗಿದೆ. ಇದು ಜೆಸಿಬಿ ಇಂಡಿಯಾದ ಪ್ರಧಾನ ಕಛೇರಿಯೂ ಆಗಿದೆ.

ಸಣ್ಣ ಗ್ಯಾರೇಜಿನಲ್ಲಿ ಆರಂಭವಾದ ಸಂಸ್ಥೆ ಜಗತ್ತಿನಾದ್ಯಂತ ತನ್ನ ಛಾಪು ಮೂಡಿಸಿದ್ದು ಹೇಗೆ ಎಂಬುದು ಜೆಸಿಬಿಯ ಆರಂಭ ಮತ್ತು ಯಶಸ್ಸಿನ ಕಥೆಯಾಗಿದೆ.