Bank fixed deposits: ಹಿರಿಯ ನಾಗರಿಕರ ವಿಶೇಷ ಫಿಕ್ಸೆಡ್ ಡೆಪಾಸಿಟ್ಸ್ಗಳ ಬಡ್ಡಿ ದರ ಜೂನ್ 30ರ ತನಕ ವಿಸ್ತರಣೆ
Special FD schemes: ಹಿರಿಯ ನಾಗರಿಕರಿಗಾಗಿ ಇದು ಬ್ಯಾಂಕ್ಗಳ ವಿಶೇಷ ಫಿಕ್ಸೆಡ್ ಡೆಪಾಟ್ಸ್ ಸ್ಕೀಮ್ಗಳನ್ನು ಜೂನ್ 30, 2021ರ ತನಕ ವಿಸ್ತರಣೆ ಮಾಡಲಾಗಿದೆ. ಪ್ರಮುಖ ಬ್ಯಾಂಕ್ಗಳಲ್ಲಿನ ಬಡ್ಡಿ ದರಗಳ ಮಾಹಿತಿ ಈ ಲೇಖದಲ್ಲಿದೆ.
Updated on: Apr 16, 2021 | 6:33 PM
ಹಿರಿಯ ನಾಗರಿಕರಿಗಾಗಿ ವಿಶೇಷ ಬ್ಯಾಂಕ್ ನಿಶ್ಚಿತ ಠೇವಣಿ (ಫಿಕ್ಸೆಡ್ ಡೆಪಾಸಿಟ್) ಯೋಜನೆಗಳನ್ನು ಜೂನ್ 30, 2021ರ ತನಕ ವಿಸ್ತರಣೆ ಮಾಡಲಾಗಿದೆ. 5 ವರ್ಷದ ತನಕ ಬ್ಯಾಂಕ್ ಫಿಕ್ಸೆಡ್ ಡೆಪಾಸಿಟ್ಗಳು ವಾರ್ಷಿಕ ಶೇ 5.5ರಷ್ಟು ರಿಟರ್ನ್ ನೀಡುತ್ತಿವೆ. ಹಲವು ಹಿರಿಯ ನಾಗರಿಕರು, ಅದರಲ್ಲೂ ಠೇವಣಿಯ ರಿನೀವಲ್ ಹತ್ತಿರ ಬರುತ್ತಿರುವವರಿಗೆ ಇದರಿಂದ ಅನುಕೂಲ ಆಗುತ್ತದೆ. 5 ವರ್ಷ ಮತ್ತು ಮೇಲ್ಪಟ್ಟ ಅವಧಿಗೆ ಹಿರಿಯ ನಾಗರಿಕರಿಗಾಗಿ 2020ರ ಮೇ ತಿಂಗಳಿನಲ್ಲಿ ಕೆಲವು ಬ್ಯಾಂಕ್ಗಳಿಂದ ವಿಶೇಷ ಎಫ್ಡಿ ಯೋಜನೆಗಳನ್ನು ಪರಿಚಯಿಸಲಾಯಿತು. ಇಂಥ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಹಿರಿಯ ನಾಗರಿಕರಿಗಾಗಿ ಈಗಾಗಲೇ ಅರ್ಹರಿರುವ ಬಡ್ಡಿ ದರಕ್ಕಿಂತ ಹೆಚ್ಚಿನದನ್ನು ಪಾವತಿ ಮಾಡಲಾಗುತ್ತದೆ. ದೀರ್ಘಾವಧಿಗೆ ಬ್ಯಾಂಕ್ ಎಫ್.ಡಿ.ಯಲ್ಲಿ ಹೂಡಿಕೆ ಮಾಡಬೇಕು ಎಂದುಕೊಳ್ಳುವವರಿಗೆ ಜೂನ್ 30, 2021ರ ತನಕ ಅವಕಾಶ ದೊರೆತಂತಾಗಿದೆ.
ಪ್ರಮುಖ ವಾಣಿಜ್ಯ ಬ್ಯಾಂಕ್ಗಳಾದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ), ಬ್ಯಾಂಕ್ ಆಫ್ ಬರೋಡ, ಐಸಿಐಸಿಐ ಬ್ಯಾಂಕ್ ಮತ್ತು ಎಚ್ಡಿಎಫ್ಸಿ ಬ್ಯಾಂಕ್ನಿಂದ ಹಿರಿಯ ನಾಗರಿಕರ ಅನುಕೂಲಕ್ಕಾಗಿ ವಿಶೇಷ ಫಿಕ್ಸೆಡ್ ಡೆಪಾಸಿಟ್ ಯೋಜನೆಗಳನ್ನು ಪರಿಚಯಿಸಲಾಗಿದೆ. ಮಾಮೂಲಿ ಎಫ್ಡಿ ಯೋಜನೆಗಳು 60 ವರ್ಷ ಮೇಲ್ಪಟ್ಟ ಹಿರಿಯ ನಾಗರಿಕರಿಗೆ ಹೆಚ್ಚುವರಿಯಾಗಿ ಶೇಕಡಾ 0.5ರಷ್ಟು ಬಡ್ಡಿಯನ್ನು ದೊರಕಿಸಿಕೊಟ್ಟರೆ, ವಿಶೇಷ ಎಫ್.ಡಿ. ಯೋಜನೆಯು ಹಿರಿಯ ನಾಗರಿಕರಿಗೆ ಅದರ ಮೇಲೂ ಬಡ್ಡಿ ದರವನ್ನು ದೊರಕಿಸುತ್ತದೆ. ಹೊಸದಾಗಿ ಮಾಡುವ ಠೇವಣಿಗೆ ಹಾಗೂ ರಿನೀವಲ್ಗೆ ಎರಡಕ್ಕೂ ಹೆಚ್ಚುವರಿ ಬಡ್ಡಿ ದರ ಅನ್ವಯ ಆಗುತ್ತದೆ.
ವಿಶೇಷ ಎಫ್ಡಿ ಯೋಜನೆ ಅಡಿಯಲ್ಲಿ, ಹಿರಿಯರ ನಾಗರಿಕರಿಗೆ ಈಗಾಗಲೇ ಇರುವ ಹೆಚ್ಚುವರಿಯಾದ ಶೇ 0.50 ಬಡ್ಡಿ ದರದ ಜತೆಗೆ ಹೆಚ್ಚಿನ ಬಡ್ಡಿ ಸಿಗುತ್ತದೆ. 5 ವರ್ಷ ಮೇಲ್ಪಟ್ಟ ಠೇವಣಿಗೆ ಹೆಚ್ಚುವರಿಯಾಗಿ ಶೇ 0.80 ಅಥವಾ ಅದಕ್ಕಿಂತ ಹೆಚ್ಚಿನ ಬಡ್ಡಿ ದೊರೆಯುತ್ತದೆ.
ವಿಶೇಷ ಎಫ್.ಡಿ.: ಎಸ್ಬಿಐ Vs ಐಸಿಐಸಿಐ ಬ್ಯಾಂಕ್ Vs ಎಚ್ಡಿಎಫ್ಸಿ ಬ್ಯಾಂಕ್ Vs ಬ್ಯಾಂಕ್ ಆಫ್ ಬರೋಡಾ ಎಸ್ಬಿಐ “Wecare Deposit” ಹಿರಿಯ ನಾಗರಿಕರಿಗಾಗಿ ಇರುವ ಡೆಪಾಸಿಟ್ನಲ್ಲಿ 5 ವರ್ಷ ಮತ್ತು ಮೇಲ್ಪಟ್ಟ ಅವಧಿಗೆ ಶೇ 0.3ರಷ್ಟು ಹೆಚ್ಚುವರಿ ಮತ್ತು 10 ವರ್ಷದ ಅವಧಿಗೆ ಶೇ 6.2ರಷ್ಟು ವಾರ್ಷಿಕ ಬಡ್ಡಿ ದೊರೆಯುತ್ತದೆ.
ಐಸಿಐಸಿಐ ಬ್ಯಾಂಕ್ ಗೋಲ್ಡನ್ ಇಯರ್ಸ್ ಎಫ್.ಡಿ. ದರವು 5 ವರ್ಷ ಮೇಲ್ಪಟ್ಟ ಮತ್ತು 10 ವರ್ಷದೊಳಗಿನ ಅವಧಿಗೆ ವಾರ್ಷಿಕ ಶೇ 0.30ರಷ್ಟು ಹೆಚ್ಚಿಗೆ ದೊರೆಯುತ್ತದೆ.
ಎಚ್ಡಿಎಫ್ಸಿ ಬ್ಯಾಂಕ್ನ ಸೀನಿಯರ್ ಸಿಟಿಜನ್ ಕೇರ್ ಎಫ್ಡಿಯು 5 ವರ್ಷ ಮೇಲ್ಪಟ್ಟು ಮತ್ತು 10 ವರ್ಷದೊಳಗಿನ ಅವಧಿಗೆ ಶೇ 0.25ರಷ್ಟು ಬಡ್ಡಿ ದರ ನೀಡುತ್ತದೆ.
ಬ್ಯಾಂಕ್ ಆಫ್ ಬರೋಡದ ಹಿರಿಯ ನಾಗರಿಕರಿಗಾಗಿ ಇರುವ ವಿಶೇಷ ಎಫ್ಡಿ ಯೋಜನೆಯಲ್ಲಿ 5 ವರ್ಷ ಮೇಲ್ಪಟ್ಟ ಮತ್ತು 10 ವರ್ಷದೊಳಗಿನ ಅವಧಿಗೆ ಹೆಚ್ಚುವರಿಯಾಗಿ ಶೇ 1ರಷ್ಟು ಬಡ್ಡಿ ದೊರೆಯುತ್ತದೆ.
ಮುಖ್ಯಾಂಶಗಳು: ಎಫ್ಡಿಯ ಬಡ್ಡಿ ಆದಾಯವು ಪೂರ್ಣವಾಗಿ ತೆರಿಗೆ ವ್ಯಾಪ್ತಿಗೆ ಬರುತ್ತದೆ. ತೆರಿಗೆ ಎಷ್ಟು ಬೀಳುತ್ತದೆ ಎಂಬುದನ್ನು ಹೂಡಿಕೆ ಮಾಡುವಾಗ ನೋಡಿಕೊಳ್ಳಬೇಕಾಗುತ್ತದೆ. ಇದರ ಜತೆಗೆ ದೀರ್ಘಾವಧಿಗೆ ಹಣವನ್ನು ಹೂಡಿಕೆ ಮಾಡುವ ಮೊದಲು, ಇತರ ಹೂಡಿಕೆ ಅವಕಾಶಗಳಿಗೆ ಅಗತ್ಯ ಪ್ರಮಾಣದ ನಗದು ಇದೆಯೇ ಎಂಬುದನ್ನು ಖಾತ್ರಿ ಮಾಡಿಕೊಳ್ಳಬೇಕು. ಒಂದು ವೇಳೆ ಅವಧಿಗೆ ಪೂರ್ವವಾಗಿ ಎಫ್ಡಿ ಮುರಿಯುವ ಸಂದರ್ಭದಲ್ಲಿ ಠೇವಣಿದಾರರಿಗೆ ಕಡಿಮೆ ಬಡ್ಡಿ ದೊರೆಯುತ್ತದೆ. ಈ ಪ್ರಮಾಣವನ್ನು ಮುಂಚಿತವಾಗಿಯೇ ತಿಳಿದುಕೊಳ್ಳಬೇಕು. ಹಣ ಉಳಿಸುವುದಕ್ಕಾದರೆ ಎಫ್ಡಿ ಮಾಡುವುದು ಸರಿ. ಆದರೆ ಹಣ ವೃದ್ಧಿಯಾಗಿ, ಬೆಳೆಯಬೇಕು ಅಂದುಕೊಂಡಲ್ಲಿ ದೀರ್ಘಾವಧಿಯ ಹಣದುಬ್ಬರವನ್ನು ಮೀರಿ ಅನುಕೂಲ ಆಗುವುದು ಅಸಾಧ್ಯ ಎಂಬುದು ಗಮನದಲ್ಲಿದೆ.
ಹಿರಿಯ ನಾಗರಿಕರು ಇತರ ಹೂಡಿಕೆ ಆಯ್ಕೆಗಳಾದ ಪ್ರಧಾನ ಮಂತ್ರಿ ವಯ ವಂದನಾ ಯೋಜನಾ (PMVVY), ಪೋಸ್ಟ್ ಆಫೀಸ್ ಮಂತ್ಲಿ ಇನ್ಕಮ್ ಸ್ಕೀಮ್ (PO MIS), ಸೀನಿಯರ್ ಸಿಟಿಜನ್ ಸೇವಿಂಗ್ಸ್ ಸ್ಕೀಮ್ಸ್ (SCSS) ಇವುಗಳನ್ನು ಸಹ ಪರಿಗಣಿಸಬಹುದು. ತಮ್ಮ ರಿಸ್ಕ್ ಪ್ರೊಫೈಲ್, ನಗದು ಮತ್ತು ತೆರಿಗೆ ಸ್ಲ್ಯಾಬ್ ಇತ್ಯಾದಿಗಳನ್ನು ಯಾವುದೇ ನಿಶ್ಚಿತ ಆದಾಯದ ಮೇಲೆ ಹೂಡಿಕೆ ಮಾಡುವ ಮೊದಲಿಗೆ ಹಿರಿಯ ನಾಗರಿಕರು ಅಳೆದು ನಿರ್ಧರಿಸಬೇಕು.
ಇದನ್ನೂ ಓದಿ: Want to retire rich? ನಿವೃತ್ತಿ ನಂತರ ಆರ್ಥಿಕವಾಗಿ ನೆಮ್ಮದಿಯಾಗಿರಲು ಇಲ್ಲಿವೆ 10 ನಿಯಮಗಳು
ಇದನ್ನೂ ಓದಿ: Payments Bank: ಪೇಮೆಂಟ್ಸ್ ಬ್ಯಾಂಕ್ಗಳ ಗ್ರಾಹಕರು 2 ಲಕ್ಷ ರೂಪಾಯಿ ತನಕ ಬ್ಯಾಲೆನ್ಸ್ ಇಡಲು ಅವಕಾಶ
(Special FD rate of interest for senior citizens extended till June 30, 2021, in these major commercial banks)
