ಓದಿಗೆ ಟೈಮ್ ಕಮ್ಮಿ; ನಗರದವರಿಗಿಂತ ಗ್ರಾಮೀಣದವರಿಂದಲೇ ಓದಿಗೆ ಹೆಚ್ಚು ಸಮಯ ಮೀಸಲು

ನವದೆಹಲಿ, ಫೆಬ್ರುವರಿ 27: ಐದು ವರ್ಷಗಳ ಹಿಂದೆಗೆ ಹೋಲಿಸಿದರೆ ವಿದ್ಯಾರ್ಥಿಗಳು ಕಲಿಕೆಗೆ ನೀಡುತ್ತಿರುವ ಸಮಯದಲ್ಲಿ ಇಳಿಮುಖವಾಗಿದೆ. 2019ರಲ್ಲಿ ವಿದ್ಯಾರ್ಥಿಗಳು ದಿನಕ್ಕೆ 93-94 ನಿಮಿಷ ಕಾಲವನ್ನು ಕಲಿಕೆಗಾಗಿ ವ್ಯಯಿಸುತ್ತಿದ್ದರು. 2024ರಲ್ಲಿ ಇದು 88-89 ನಿಮಿಷಗಳಿಗೆ ಇಳಿದಿದೆ. ಕೇಂದ್ರ ಸಾಂಖ್ಯಿಕ ಮತ್ತು ಯೋಜನಾ ಅನುಷ್ಠಾನ ಸಚಿವಾಲಯ ಇತ್ತೀಚೆಗೆ (ಫೆ. 25) ಬಿಡುಗಡೆ ಮಾಡಿದ ಸಮಯ ಬಳಕೆ ಸಮೀಕ್ಷೆಯಲ್ಲಿ (ಟಿಯುಎಸ್- Time Use Survey) ಈ ಅಂಶಗಳು ಬೆಳಕಿಗೆ ಬಂದಿವೆ. ಕಳೆದ ಐದು ವರ್ಷದಲ್ಲಿ ಕಲಿಕಾ ಚಟುವಟಿಕೆಗಳಿಗೆ (learning activities) ಮಕ್ಕಳ ಕಾಲವ್ಯಯ ಕಡಿಮೆ ಆಗಿರುವುದು ಒಂದೆಡೆಯಾದರೆ, ಹುಡುಗಿಯರು ಮತ್ತು ಹುಡುಗರ ನಡುವಿನ ಅಂತರ ತಗ್ಗಿದೆ. ಗ್ರಾಮೀಣ ಭಾಗದವರು ನಗರದವರಿಗಿಂತ ಹೆಚ್ಚು ಸಮಯವನ್ನು ಕಲಿಕೆಗೆ ವಿನಿಯೋಗಿಸುತ್ತಿದ್ದಾರೆ.

ಕಲಿಕಾ ಚಟುವಟಿಕೆ ಎಂದರೆ ಏನು?

ಶಾಲೆ-ಕಾಲೇಜು ಹಾಜರಾತಿ, ಶಾಲೆಗೆ ಹೋಗಲು ಪ್ರಯಾಣಿಸುವ ಅವಧಿ, ಪಾಠೇತರ ಚಟುವಟಿಕೆ, ಹೋಮ್ ವರ್ಕ್ ಇತ್ಯಾದಿ ಕಲಿಕೆಗೆ ಪೂರಕವಾದ ಚಟುವಟಿಕೆಗಳನ್ನೂ ಪರಿಗಣಿಸಲಾಗಿದೆ. ದೇಶಾದ್ಯಂತ ಮಾಡಲಾದ ಈ ಸಮೀಕ್ಷೆಯಲ್ಲಿ 6 ವರ್ಷಕ್ಕಿಂತ ಹೆಚ್ಚು ವಯಸ್ಸಿನ ವ್ಯಕ್ತಿಗಳನ್ನು ಬಳಸಲಾಗಿದೆ. ಇದರಲ್ಲಿ ವಿದ್ಯಾರ್ಥಿಗಳು, ಉದ್ಯೋಗಿಗಳು ಮತ್ತಿತರರೂ ಸೇರಿದ್ದಾರೆ.

ಇದನ್ನೂ ಓದಿ: ಭಾರತದ ಷೇರುಮಾರುಕಟ್ಟೆ ಮತ್ತು ಆರ್ಥಿಕತೆ ಬಗ್ಗೆ ಅಂತಾರಾಷ್ಟ್ರೀಯ ಸಂಸ್ಥೆಗಳಿಂದ ಹೆಚ್ಚಿನ ನಿರೀಕ್ಷೆ

ಇದನ್ನೂ ಓದಿ

ಭಾರತದ ಬಗ್ಗೆ ಸಕಾರಾತ್ಮಕವಾಗಿರುವ ವಿಶ್ವಬ್ಯಾಂಕ್, ಸಿಟಿ, ಜೆಫರೀಸ್

ಭಾರತ, ಅಮೆರಿಕ ಆರ್ಥಿಕತೆಗಳಲ್ಲಿ ಇರುವ ಸಾಮ್ಯತೆಗಳಿವು...

ಮದ್ದುಗುಂಡುಗಳ ತಯಾರಿಕೆಯಲ್ಲಿ ಭಾರತದ ಸ್ವಾವಲಂಬನೆ

ಅಮೆರಿಕದಲ್ಲಿ ಪೆನ್ನಿ ನಾಣ್ಯ ತಯಾರಿಕೆ ಇನ್ನಿಲ್ಲ

ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿದ ದತ್ತಾಂಶದ ಪ್ರಕಾರ, ನಗರದವರ ಕಲಿಕಾ ಚಟುವಟಿಕೆ ಅವಧಿ ಗಣನೀಯವಾಗಿ ತಗ್ಗಿದೆ. 2019ರಲ್ಲಿ 95 ನಿಮಿಷವನ್ನು ಕಲಿಕಾ ಚಟುವಟಿಕೆಗೆ ತೊಡಗಿಸುತ್ತಿದ್ದ ನಗರವಾಸಿ ಮಕ್ಕಳು 2024ರಲ್ಲಿ ದಿನಕ್ಕೆ ವ್ಯಯಿಸುತ್ತಿರುವುದು 87 ನಿಮಿಷಕ್ಕೆ ಇಳಿದಿದೆ. ಇದಕ್ಕೆ ಹೋಲಿಸಿದರೆ ಗ್ರಾಮೀಣ ಭಾಗದವರು 90 ನಿಮಿಷ ವ್ಯಯಿಸುತ್ತಿದ್ದಾರೆ.

2019ರಲ್ಲಿ ಗ್ರಾಮೀಣ ಭಾಗದ ಮಕ್ಕಳು ಕಲಿಕಾ ಚಟುವಟಿಕೆಗಳಿಗೆ ದಿನಕ್ಕೆ 92 ನಿಮಿಷ ವ್ಯಯಿಸುತ್ತಿದ್ದರು. ಈಗ ಅದು 90 ನಿಮಿಷಕ್ಕೆ ಇಳಿದಿದೆಯಾದರೂ, ನಗರವಾಸಿಗಳಿಗೆ ಹೋಲಿಸಿದರೆ ಹೆಚ್ಚು ಸಮಯವನ್ನು ಕಲಿಕೆಗೆ ವಿನಿಯೋಗಿಸುತ್ತಿದ್ದಾರೆ.

ಇದನ್ನೂ ಓದಿ: ಮದ್ದುಗುಂಡುಗಳ ತಯಾರಿಕೆಯಲ್ಲಿ ಭಾರತ ಶೇ. 88ರಷ್ಟು ಸ್ವಾವಲಂಬನೆ: ರಕ್ಷಣಾ ಸಚಿವರ ಮಾಹಿತಿ

ಹುಡುಗ ಮತ್ತು ಹುಡುಗಿಯರ ನಡುವೆ ತಗ್ಗಿದ ಅಂತರ…

ಹುಡುಗರು ಕಲಿಕೆಗೆ ವಿನಿಯೋಗಿಸುತ್ತಿರುವ ಸಮಯದಲ್ಲಿ ಐದು ವರ್ಷದಲ್ಲಿ 102 ನಿಮಿಷದಿಂದ 94 ನಿಮಿಷಗಳಿಗೆ ಇಳಿದಿದೆ. 2019ರಲ್ಲಿ ಹುಡುಗಿಯರ ಕಲಿಕಾ ಅವಧಿ 84 ನಿಮಿಷ ಇತ್ತು. ಆಗ ಹುಡುಗಿಯರಿಗಿಂತ ಹುಡುಗರ ಕಲಿಕಾ ಅವಧಿ 18 ನಿಮಿಷ ಹೆಚ್ಚಿತ್ತು. 2024ರಲ್ಲಿ ಹುಡುಗರ ಅವಧಿ 94 ನಿಮಿಷಕ್ಕೆ ಇಳಿದಿದೆ. ಹುಡುಗಿಯರದ್ದು 84 ನಿಮಿಷವೇ ಇದೆ. ಇಬ್ಬರ ನಡುವೆ ಅಂತರ 18 ನಿಮಿಷ ಇದ್ದದ್ದು 10 ನಿಮಿಷಕ್ಕೆ ಇಳಿದಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ