Muhurat trading 2021: ನವೆಂಬರ್​ 4ಕ್ಕೆ ಷೇರುಪೇಟೆಯಲ್ಲಿ ಮುಹೂರ್ತ ವಹಿವಾಟು; ಅವಧಿ, ಮಹತ್ವ, ವಿಶೇಷ ಮತ್ತಿತರ ವಿವರ

ನವೆಂಬರ್ 4, 2021ರಂದು ‘ಮುಹೂರ್ತ’ ಟ್ರೇಡಿಂಗ್ ಸೆಷನ್‌ಗಾಗಿ ಈ ದೀಪಾವಳಿಯಲ್ಲಿ ಸ್ಟಾಕ್ ಎಕ್ಸ್‌ಚೇಂಜ್‌ಗಳು ಒಂದು ಗಂಟೆ ತೆರೆದಿರುತ್ತವೆ. BSE ಮತ್ತು NSE ಹೂಡಿಕೆದಾರರಿಗೆ ಸಂಜೆ 6:15ರಿಂದ ರಾತ್ರಿ 7:15 ರವರೆಗೆ ದೀಪಾವಳಿಯಂದು ಷೇರುಗಳನ್ನು ಖರೀದಿಸಲು ಮತ್ತು ಮಾರಾಟ ಮಾಡಲು ಅವಕಾಶ ನೀಡುತ್ತವೆ. ಮುಹೂರ್ತದ ವಹಿವಾಟು ಪ್ರತಿ ವರ್ಷ ದೀಪಾವಳಿಯ ಸಂದರ್ಭದಲ್ಲಿ ಒಂದು ಗಂಟೆ ನಡೆಯುತ್ತದೆ. ಬ್ರೋಕಿಂಗ್ ಸಮುದಾಯವು ಈ ಅವಧಿಯಲ್ಲಿ ಲಕ್ಷ್ಮಿ ಪೂಜೆ ಮತ್ತು ವ್ಯಾಪಾರವನ್ನು ನಡೆಸುತ್ತದೆ. ಮುಹೂರ್ತದ ವ್ಯಾಪಾರದ ಅವಧಿಯು ಸಾಮಾನ್ಯ ವ್ಯಾಪಾರಕ್ಕೆ ಮುಂಚಿತವಾಗಿ ಒಂದು ಬ್ಲಾಕ್ ಡೀಲ್ ಸೆಷನ್ ಅನ್ನು ಹೊಂದಿದೆ ಮತ್ತು ಮುಕ್ತಾಯದ ಅವಧಿಯನ್ನು ಅನುಸರಿಸುತ್ತದೆ. ಕಳೆದ ವರ್ಷ ಬಿಎಸ್‌ಇ ಸೆನ್ಸೆಕ್ಸ್ 145 ಪಾಯಿಂಟ್‌ಗಳನ್ನು ಗಳಿಸಿ, ಆ ಸಮಯದಲ್ಲಿ ಅದರ ಗರಿಷ್ಠ ಮುಕ್ತಾಯದ ಮೊತ್ತಕ್ಕೆ ಕೊನೆಗೊಂಡಿತು ಮತ್ತು ಎನ್‌ಎಸ್‌ಇ ನಿಫ್ಟಿ- 50 ಸೂಚ್ಯಂಕವು 12,800ಕ್ಕಿಂತ ಕಡಿಮೆಗೆ ವ್ಯವಹಾರ ಚುಕ್ತಾ ಮಾಡಿತ್ತು.

ಮುಹೂರ್ತ ವಹಿವಾಟು ಯಾವಾಗ? NSE ಅಧಿಸೂಚನೆಯ ಪ್ರಕಾರ, ಬ್ಲಾಕ್ ಡೀಲ್ ಸೆಷನ್ ನವೆಂಬರ್ 4ರಂದು ಸಂಜೆ 5:45ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಸಂಜೆ 6 ಗಂಟೆಗೆ ಮುಕ್ತಾಯಗೊಳ್ಳುತ್ತದೆ. ಇದರ ನಂತರ ಸಂಜೆ 6 ಮತ್ತು 6:08ರ ನಡುವೆ ಪ್ರೀ- ಓಪನ್ ಸೆಷನ್ ನಡೆಯಲಿದೆ. ಸಾಮಾನ್ಯ ಮಾರ್ಕೆಟ್ ಸಂಜೆ 6:15ರಿಂದ ರಾತ್ರಿ 7:15ರ ವರೆಗೆ ಇರುತ್ತದೆ. ಆ ನಂತರ ಕಾಲ್ ಆಕ್ಷನ್ ಇಲಿಕ್ವಿಡ್ ಸೆಷನ್ ಮತ್ತು ಮುಕ್ತಾಯದ ಅವಧಿ ಇರುತ್ತದೆ. ಈ ದೀಪಾವಳಿ ಮುಹೂರ್ತದ ಟ್ರೇಡಿಂಗ್ ಸೆಷನ್‌ನಲ್ಲಿ ಕಾರ್ಯಗತಗೊಳಿಸಲಾದ ಎಲ್ಲ ವಹಿವಾಟುಗಳು ತೀರುವಳಿ (ಸೆಟ್ಲ್​ಮೆಂಟ್) ಬಾಧ್ಯತೆಗಳಿಗೆ ಬದ್ಧವಾಗುತ್ತವೆ.

ಮುಹೂರ್ತ ವಹಿವಾಟು ಏಕೆ ಮಾಡಲಾಗುತ್ತದೆ? ಮುಹೂರ್ತದ ವಹಿವಾಟು ಹೊಸ ವರ್ಷ ಅಥವಾ ‘ಸಂವತ್’ ಆರಂಭವನ್ನು ಗುರುತಿಸುವುದರಿಂದ ವಿಶೇಷ ಪ್ರಾಮುಖ್ಯವನ್ನು ಹೊಂದಿದೆ. ಹೂಡಿಕೆದಾರರು ಮುಹೂರ್ತದ ವಹಿವಾಟು ಮುಂಬರುವ ವರ್ಷದಲ್ಲಿ ಸಂಪತ್ತು ಮತ್ತು ಸಮೃದ್ಧಿಯನ್ನು ತರುತ್ತದೆ ಎಂದು ನಂಬುತ್ತಾರೆ. ಈ ಅಭ್ಯಾಸವನ್ನು 1957ರಲ್ಲಿ BSE ಮತ್ತು 1992ರಲ್ಲಿ NSEನಲ್ಲಿ ಪ್ರಾರಂಭಿಸಲಾಯಿತು. ಮುಹೂರ್ತದ ವಹಿವಾಟಿನ ಇತ್ತೀಚಿನ ಮಾರುಕಟ್ಟೆಯ ಚಲನೆಯನ್ನು ಗಮನಿಸಿದರೆ, ಈ ವಿಶೇಷ ವಹಿವಾಟಿನ ಅವಧಿಯಲ್ಲಿ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸಾಮಾನ್ಯವಾಗಿ ಏರಿಕೆಯಲ್ಲೇ ಕೊನೆಗೊಳ್ಳುತ್ತವೆ. ಈ ಮುಹೂರ್ತ ವಹಿವಾಟು ಸಂವತ್ 2078ರ ಆರಂಭವನ್ನು ಸೂಚಿಸುತ್ತದೆ.

ಇದನ್ನೂ ಓದಿ: 20 ವರ್ಷದ ಹಿಂದೆ ರಾಯಲ್ ಎನ್​ಫೀಲ್ಡ್​ ಬೈಕ್ ಬದಲಿಗೆ ಈ ಕಂಪೆನಿ ಷೇರು ಖರೀದಿಸಿದ್ದರೆ ಇವತ್ತಿಗೆ ಎಷ್ಟು ಕೋಟಿ ಗೊತ್ತೆ?

Published On - 11:16 pm, Tue, 26 October 21