ಕಡಿಮೆ ಬೆಲೆಗೆ ಐಫೋನ್ 16 ಖರೀದಿಸಬೇಕಾ? ಹಳೆಯ ಸ್ಮಾರ್ಟ್​ಫೋನ್ ಮರಳಿಸಿದರೆ 67,500 ರೂವರೆಗೂ ಡಿಸ್ಕೌಂಟ್

ನವದೆಹಲಿ, ಸೆಪ್ಟೆಂಬರ್ 15: ಆ್ಯಪಲ್​ನ ಐಫೋನ್ 16 ಸರಣಿಯ ಸ್ಮಾರ್ಟ್​ಫೋನ್​ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಿವೆ. ಆ್ಯಪಲ್​ನ ಆನ್ಲೈನ್ ಸ್ಟೋರ್​ನಲ್ಲಿ ಈ ಫೋನ್​ಗಳನ್ನು ಪ್ರೀ ಆರ್ಡರ್ ಮೂಲಕ ಬುಕಿಂಗ್ ಮಾಡಬಹುದು. ಐಫೋನ್ 16, ಐಫೋನ್ 16 ಪ್ಲಸ್, ಐಫೋನ್ 16 ಪ್ರೋ ಮತ್ತು ಐಫೋನ್ 16 ಪ್ರೋ ಮ್ಯಾಕ್ಸ್ ಫೋನ್​ಗಳು ಬಿಡುಗಡೆ ಆಗಿವೆ. ಇವು 79,900 ರೂನಿಂದ ಹಿಡಿದು 1,84,900 ರೂವರೆಗೂ ಬೆಲೆ ಹೊಂದಿವೆ. ನಿಮ್ಮ ಬಳಿ ಇರುವ ಯಾವುದಾದರೂ ಹಳೆಯ ಸ್ಮಾರ್ಟ್​ಫೋನ್​ವೊಂದನ್ನು ನೀಡಿದರೆ 67,500 ರೂವರೆಗೂ ರಿಯಾಯಿತಿ ಪಡೆಯುವ ಅವಕಾಶ ಇದೆ. ಅ್ಯಪಲ್​ನ ಆನ್​ಲೈನ್ ಸ್ಟೋರ್​ನಲ್ಲಿ ಹಳೆಯ ಸ್ಮಾರ್ಟ್​ಫೋನ್​ಗಳ ಎಕ್ಸ್​ಚೇಂಜ್ ರೇಟ್ ಅನ್ನು ನಿಗದಿ ಮಾಡಲಾಗಿದೆ. ಆ್ಯಪಲ್​ನದ್ದೇ ಹಳೆಯ ಐಫೋನ್ ಮತ್ತು ಬೇರೆ ಆಂಡ್ರಾಯ್ಡ್ ಫೋನ್​ಗಳಾದರೂ ಎಕ್ಸ್​ಚೇಂಜ್ ಮಾಡಬಹುದು.

ಐಫೋನ್ 6ಎಸ್ ಪ್ಲಸ್ ಅನ್ನು ಎಕ್ಸ್​ಚೇಂಜ್ ಮಾಡಿದರೆ 4,650 ರೂ ಸಿಗುತ್ತದೆ. ಐಫೋನ್ 15 ಪ್ರೋ ಮ್ಯಾಕ್ಸ್ ಫೋನ್ ಮರಳಿಸಿದರೆ 67,500 ರೂ ಸಿಗುತ್ತದೆ. ಇದರ ನಡುವಿನ ವಿವಿಧ ಶ್ರೇಣಿಯ ಐಫೋನ್​ಗಳಿಗೆ ಬೇರೆ ಬೇರೆ ದರ ಪಟ್ಟಿ ಇದೆ.

ಆಂಡ್ರಾಯ್ಡ್ ಫೋನ್​ಗಳ ಪೈಕಿ ಸ್ಯಾಮ್ಸುಂಗ್ ಗೆಲಾಕ್ಸಿ ಝಡ್ ಫೋಲ್ಡ್5ಗೆ ಗರಿಷ್ಠ ಎಕ್ಸ್​ಚೇಂಜ್ ರೇಟ್ ಇದೆ. 46,800 ರೂವರೆಗೂ ಹಣ ಸಿಗುತ್ತದೆ. ಸ್ಯಾಮ್ಸುಂಗ್ ಗೆಲಾಕ್ಸಿ ಎಸ್23 ಅಲ್​ಟ್ರಾಗೆ 41,000 ರೂವರೆಗೂ ಹಣ ಸಿಗುತ್ತದೆ. ಸ್ಯಾಮ್ಸುಂಗ್ ಗೆಲಾಕ್ಸಿ ಎಂ31 ಫೋನ್​ಗೆ 2,110 ರೂವರೆಗೂ ಎಕ್ಸ್​ಚೇಂಜ್ ಆಫರ್ ಇದೆ. ರೆಡ್​ಮಿ ನೋಟ್ 11ಗೆ 3,100 ರೂ.

ಇದನ್ನೂ ಓದಿ: iPhone 15 : ಐಫೋನ್ 15 ಮೇಲೆ ₹10,000 ದರ ಕಡಿತ ಘೋಷಿಸಿದ ಆ್ಯಪಲ್!

ಒಟ್ಟಾರೆ ನಿಮ್ಮ ಹಳೆಯ ಸ್ಮಾರ್ಟ್​ಫೋನ್​ನ ವರ್ಕಿಂಗ್ ಕಂಡಿಶನ್ ಹೇಗಿದೆ, ಎಷ್ಟು ಮೆಮೋರಿಯ ಫೋನ್ ಇತ್ಯಾದಿ ಅಂಶಗಳ ಆಧಾರದ ಮೇಲೆ ಬೆಲೆ ನಿಗದಿ ಮಾಡಲಾಗಿದೆ.

ಐಫೋನ್ 16 ಸರಣಿಯ ಫೋನ್​ಗಳ ಬೆಲೆ ಎಷ್ಟು?

ಐಫೋನ್ 16: 128ಜಿಬಿ, 256ಜಿಬಿ ಮತ್ತು 512 ಜಿಬಿ ಶ್ರೇಣಿಯಲ್ಲಿ ಲಭ್ಯ ಇದೆ. 79,900 ರೂ, 89,900 ರೂ, ಮತ್ತು 1,09,900 ರೂ ಬೆಲೆ ಇದೆ.

ಐಫೋನ್ 16 ಪ್ಲಸ್ ಫೋನ್ ಬೆಲೆ

128 ಜಿಬಿ: 89,900 ರೂ

256 ಜಿಬಿ: 99,900 ರೂ

512 ಜಿಬಿ: 1,11,900 ರೂ

ಐಫೋನ್ 16 ಪ್ರೋ

128 ಜಿಬಿ: 1,19,900 ರೂ

256 ಜಿಬಿ: 1,29,900 ರೂ

512 ಜಿಬಿ: 1,49,900 ರೂ

1 ಟಿಬಿ: 1,69,900 ರೂ

ಐಫೋನ್ 16 ಪ್ರೋ ಮ್ಯಾಕ್ಸ್

256 ಜಿಬಿ: 1,44,900 ರೂ

512 ಜಿಬಿ: 1,64,900 ರೂ

1 ಟಿಬಿ: 1,84,900 ರೂ

ಆ್ಯಪಲ್ ಆನ್​ಲೈನ್ ಸ್ಟೋರ್​ನಲ್ಲಿ ನೀವು ಪ್ರೀ ಆರ್ಡರ್ ಮಾಡಬಹುದು. ಥರ್ಡ್ ಪಾರ್ಟಿ ಪ್ಲಾಟ್​ಫಾರ್ಮ್​ಗಳಾದ ಅಮೇಜಾನ್, ಫ್ಲಿಪ್​ಕಾರ್ಟ್, ವಿಜಯ್ ಸೇಲ್ಸ್ ಇತ್ಯಾದಿಯಲ್ಲೂ ಐಫೋನ್ ಬುಕ್ ಮಾಡಬಹುದು. ಫ್ಲಿಪ್​ಕಾರ್ಟ್​​ನಲ್ಲಿ ನೀವು ಎಕ್ಸಿಸ್ ಅಥವಾ ಐಸಿಐಸಿಐ ಕಾರ್ಡ್ ಮೂಲಕ ಐಫೋನ್ 16 ಫೋನ್ ಖರೀದಿಸಿದರೆ ನೇರ 5,000 ರೂ ರಿಯಾಯಿತಿ ಲಭ್ಯ ಇದೆ.

ಇದನ್ನೂ ಓದಿ: iPhone 16: ಆ್ಯಪಲ್ ಲೇಟೆಸ್ಟ್ ಐಫೋನ್ 16 ರಿಲೀಸ್ ಆಯ್ತು, ರೇಟ್ ಎಷ್ಟು ಗೊತ್ತಾ?

8,000 ರೂ ಒಳಗೆ ಐಫೋನ್ 16 ಸಿಗುತ್ತಾ?

ನೀವು ಹಳೆಯ ಸ್ಮಾರ್ಟ್​ಫೋನ್ ಎಕ್ಸ್​ಚೇಂಜ್ ಮತ್ತು ಫ್ಲಿಪ್​ಕಾರ್ಟ್ ಡಿಸ್ಕೌಂಟ್ ಬಳಸಿದರೆ ಹೊಸ ಐಫೋನ್ 16 ಅನ್ನು 8,000 ರೂಗೆ ಖರೀದಿಸಬಹುದು. ಫ್ಲಿಪ್​ಕಾರ್ಟ್​ನಲ್ಲಿ ಎಕ್ಸಿಸ್ ಮತ್ತು ಐಸಿಐಸಿಐ ಕಾರ್ಡ್​ನಿಂದ ಫೋನ್ ಖರೀದಿಸಿದರೆ 5,000 ರೂ ಡಿಸ್ಕೌಂಟ್ ಸಿಗುತ್ತದೆ. ಐಫೋನ್ 15 ಪ್ರೋ ಮ್ಯಾಕ್ಸ್ ಫೋನ್ ನಿಮ್ಮಲ್ಲಿದ್ದು ಅದನ್ನು ಮರಳಿಸಿದರೆ 67,500 ರೂ ಡಿಸ್ಕೌಂಟ್ ಸಿಗುತ್ತದೆ. ಒಟ್ಟು 72,500 ರೂ ಡಿಸ್ಕೌಂಟ್ ಆಗುತ್ತದೆ. ಐಫೋನ್ 16ನ ಬೆಲೆ 79,900 ರೂನಿಂದ ಆರಂಭವಾಗುತ್ತದೆ. ಈ ಡಿಸ್ಕೌಂಟ್ ಸಿಕ್ಕರೆ ಅದು 7,400 ರೂಗೆ ಲಭ್ಯ ಆಗಬಹುದು.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ