2022-23ನೇ ಸಾಲಿನಲ್ಲಿ ಹೆಚ್​​ಎಎಲ್​ಗೆ ಅತ್ಯಧಿಕ ಆದಾಯ: ಶೇ 8 ರಷ್ಟು ಏರಿಕೆ

ಬೆಂಗಳೂರು: ಹಿಂದೂಸ್ಥಾನ ಏರೋನಾಟಿಕ್ಸ್​ ಲಿಮಿಟೆಡ್​ (HAL)ನ 2022-23ನೇ ಹಣಕಾಸು ಸಾಲಿನ ಆದಾಯವು, ಕಳೆದ 2021-22ರ ಹಣಕಾಸು ವರ್ಷಕ್ಕಿಂತ ಶೇ 8ರಷ್ಟು ಜಾಸ್ತಿಯಾಗಿದೆ. ಈ ಬಗ್ಗೆ ಶುಕ್ರವಾರ (ಮಾ.31) ಮಾಧ್ಯಮ ಪ್ರಕಟಣೆ ಹೊರಡಿಸಿದ ಹೆಚ್ಎಎಲ್​​​ 2021-22ರ ಸಾಲಿನಲ್ಲಿ 26,500 ಕೋಟಿ ಆದಾಯವಾಗಿದ್ದು, 2022-23ರಲ್ಲಿ 26,620 ಕೋಟಿ ಹೆಚ್ಚಿಗೆ ಆದಾಯವಾಗಿದೆ ಎಂದು ತಿಳಿಸಿದೆ. ಸ್ಥಳೀಯ ರಾಜಕೀಯ ಅಡೆತಡೆಗಳ ಹೊರತಾಗಿಯೂ, ಕಂಪನಿಗೆ ಹೆಚ್ಚಿನ ಆದಾಯವಾಗಿದೆ. ಇದಕ್ಕೆ ಪ್ರಮುಖ ಕಾರಣ ಸ್ವದೇಶಿ ನಿರ್ಮಾಣಕ್ಕೆ ಹೆಚ್ಚಿಗೆ ಒತ್ತು ನೀಡುತ್ತಿರುವುದು ಮತ್ತು ತಯಾರಿಕೆಗೆ ಬೇಕಾದ ವಸ್ತುಗಳು ಸಮರ್ಪಕವಾಗಿ ದೊರೆಯುತ್ತಿರುವುದು ಎಂದು ಹೆಚ್‌ಎಎಲ್ ಸಿಎಂಡಿ, ಸಿ ಬಿ ಅನಂತಕೃಷ್ಣನ್ ಹೇಳಿದ್ದಾರೆ.

ಅನೇಕ ಅಡೆತಡೆಗಳ ನಂತರವೂ ಮಾರ್ಚ್​ 2023 ಅಂತ್ಯದ ವೇಳೆಗೆ ಕಂಪನಿಗೆ ಸುಮಾರು 82 ಸಾವಿರ ಕೋಟಿಗಳಷ್ಟು ರೂ. ಆರ್ಡರ್​​ ಬಂದಿವೆ. ವರ್ಷದಲ್ಲಿ, ಕಂಪನಿಯು 70 HTT -40, 6 Do-228 ಏರ್‌ಕ್ರಾಫ್ಟ್ ಮತ್ತು PSLV ಉಡಾವಣಾ ವಾಹನಗಳ ಉತ್ಪಾದನಾ ಒಪ್ಪಂದಗಳನ್ನು ಒಳಗೊಂಡಂತೆ ಸುಮಾರು 26 ಸಾವಿರ ಕೋಟಿ ರೂ. ಅಷ್ಟು ಹೊಸ ಒಪ್ಪಂದಗಳನ್ನು ಮಾಡಿಕೊಂಡಿದೆ.

2022-23ರ ಹಣಕಾಸು ವರ್ಷದಲ್ಲಿ ವಿವಿಧ ರಕ್ಷಣಾ ಗ್ರಾಹಕರಿಂದ ಸುಮಾರು 25 ಸಾವಿರ ಕೋಟಿಗಳಷ್ಟು ರೂ. ಹಣ ಹರಿದು ಬಂದಿದೆ. ಈ ವರ್ಷದಲ್ಲಿ, ಐಟಿ ಎಟಿನಿಂದ 542 ಕೋಟಿ ರೂ. ಬಡ್ಡಿ ಸೇರಿದಂತೆ 1,798 ಕೋಟಿ ರೂ. ಆದಾಯ ತೆರಿಗೆ ಮರುಪಾವತಿಯಾಗಿದೆ ಎಂದು ಹೆಚ್​ಎಎಲ್​ ಹೇಳಿದೆ.

ಮತ್ತಷ್ಟು ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 10:25 pm, Fri, 31 March 23