Home Loan: ಭಾರತದ ಯಾವ ಬ್ಯಾಂಕ್ನಲ್ಲಿ ಹೋಮ್ ಲೋನ್ ಬಡ್ಡಿ ಬಲು ಅಗ್ಗ? ಇಲ್ಲಿದೆ ಇಎಂಐ ಸಹಿತ ಲೆಕ್ಕಾಚಾರ

ಭಾರತದ ಪ್ರಮುಖ ಬ್ಯಾಂಕ್ಗಳಲ್ಲಿ ಹೋಮ್ ಲೋನ್ ಮೇಲಿನ ಬಡ್ಡಿ ದರ ಎಷ್ಟಿದೆ? ಈ ಪ್ರಶ್ನೆಗೆ ಉತ್ತರ ಇಲ್ಲಿದೆ. ಅಷ್ಟೇ ಅಲ್ಲ, ಉದಾಹರಣೆಯೊಂದಿಗೆ ವಿವರಿಸಲಾಗಿದೆ.

ಸಾಂದರ್ಭಿಕ ಚಿತ್ರ

Srinivas Mata |
Updated on:May 31, 2021 | 8:06 PM

ಬಹಳ ದೀರ್ಘ ಕಾಲದ, ದೊಡ್ಡ ಮೊತ್ತದ ಸಾಲ ಅಂತ ಬಹುತೇಕರ ಜೀವನದಲ್ಲಿ ಅಂದುಕೊಳ್ಳುವುದಾದರೆ ಅದು ಗೃಹ ಸಾಲವೇ ಆಗಿರುತ್ತದೆ. ಹೋಮ್ ಲೋನ್ ಎಂದು ಪಡೆದುಕೊಂಡಿದ್ದಕ್ಕಿಂತ ಬಹುತೇಕರು ದುಪ್ಪಟ್ಟು ಮೊತ್ತವನ್ನು ಹಿಂತಿರುಗಿಸುತ್ತಾರೆ. ಆದರೆ ನಿಮಗೆ ಗೊತ್ತಿರಲಿ, ಇದ್ದುದರಲ್ಲೇ ಬಹಳ ಅಗ್ಗದ ಬಡ್ಡಿ ದರದಲ್ಲಿ ಸಿಗುವ ಸಾಲ ಅಂದರೆ ಅದು ಹೋಮ್ ಲೋನ್. ಇನ್ನು ಮನೆ ಖರೀದಿಗಾಗಿ ಯಾವುದೇ ವ್ಯಕ್ತಿಗೆ ಇರುವ ಅತ್ಯುತ್ತಮ ಆಯ್ಕೆ ಕೂಡ ಹೋಮ್ ಲೋನ್. ಜತೆಗೆ ಸಾಲ ಪಡೆದು, ಮನೆ ಕಟ್ಟಿದರೂ, ಖರೀದಿಸಿದರೂ ಆಸ್ತಿ ಮೌಲ್ಯ ಹೆಚ್ಚಾಗುತ್ತಾ ಒಂದು ಬಗೆಯ ಸಾರ್ಥಕ್ಯ ಭಾವವನ್ನು ಮೂಡಿಸುತ್ತದೆ. ಆದರೆ ರೆಡಿ ಟು ಮೂವ್, ವಾಸಕ್ಕೆ ಸಿದ್ಧವಿರುವ ಮನೆಗಳನ್ನೇ ಅಥವಾ ಫ್ಲ್ಯಾಟ್ಗಳನ್ನೇ ಆರಿಸಿಕೊಳ್ಳಿ ಎಂದು ಆರ್ಥಿಕ ಸಲಹೆಗಾರರು ಹೇಳುತ್ತಾರೆ.

ಸದ್ಯದ ಮಟ್ಟಿಗೆ ಭಾರತದಲ್ಲಿ ಹೋಮ್ ಲೋನ್ ಬಡ್ಡಿ ದರ ಬಹಳ ಕಡಿಮೆ ಇದೆ. 30 ಲಕ್ಷ ರೂಪಾಯಿ ಮೊತ್ತವನ್ನು 20 ವರ್ಷದ ಅವಧಿಗೆ ಸಾಲ ತೆಗೆದುಕೊಂಡರೆ ಬಡ್ಡಿ ದರ ಎಷ್ಟಿರುತ್ತದೆ ಮತ್ತು ಇಎಂಐ ಎಷ್ಟು ಬರುತ್ತದೆ ಎಂಬ ವಿವರ ಇಲ್ಲಿದೆ. ಪ್ರೊಸೆಸಿಂಗ್ ಫೀ, ಅವಧಿಗೆ ಪೂರ್ವವಾಗಿ ಹಣ ಚುಕ್ತಾ ಅಥವಾ ಭಾಗಶಃ ಮರುಪಾವತಿ ಇಂಥ ವಿಚಾರಗಳಿಗೆ ಆಯಾ ಬ್ಯಾಂಕ್ಗಳಲ್ಲಿ ಸಾಲ ಪಡೆದುಕೊಳ್ಳುವ ಮುಂಚೆ ವಿಚಾರಿಸಿಕೊಳ್ಳಬೇಕು. ಇಲ್ಲಿರುವ ಮಾಹಿತಿಯು ಮೇ 27, 2021ಕ್ಕೆ ಅನ್ವಯ ಆಗುವಂತೆ ಆಯಾ ಬ್ಯಾಂಕ್ ವೆಬ್ಸೈಟ್ನಲ್ಲಿ ದೊರೆತಿರುವುದು.

ಕೊಟಕ್ ಮಹೀಂದ್ರಾ ಬ್ಯಾಂಕ್= ಶೇ 6.65- 7.30; 22,633- 23,802 ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ= ಶೇ 6.75- 8.05; 22,811- 25,187 ಬ್ಯಾಂಕ್ ಆಫ್ ಬರೋಡ= ಶೇ 6.75- 8.60; 22,811-26,225 ಐಸಿಐಸಿಐ ಬ್ಯಾಂಕ್= ಶೇ 6.75- 7.55; 22,811- 24,260 ಎಚ್ಡಿಎಫ್ಸಿ= ಶೇ 6.75- 7.65; 22,811- 24,444 ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ= ಶೇ 6.80- 7.40; 22,900- 23,802 ಪಂಜಾಬ್ ನ್ಯಾಷನಲ್ ಬ್ಯಾಂಕ್= ಶೇ 6.80- 9.00; 22,900-26,992 ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ= ಶೇ 6.85- 7.30; 22,990- 23,802 ಪಂಜಾಬ್ ಅಂಡ್ ಸಿಂದ್ ಬ್ಯಾಂಕ್ = ಶೇ 6.85- 7.60; 22,990- 24,352 ಬ್ಯಾಂಕ್ ಆಫ್ ಇಂಡಿಯಾ= ಶೇ 6.85- 8.85; 22,990- 26,703 ಇಂಡಿಯನ್ ಬ್ಯಾಂಕ್= ಶೇ 6.85- 8.00; 22,990- 25,093 ಐಡಿಎಫ್ಸಿ ಬ್ಯಾಂಕ್= ಶೇ 6.90- 8.50; 23,079- 26,035 ಕೆನರಾ ಬ್ಯಾಂಕ್= ಶೇ 6.90- 8.90; 23,079- 26,799 ಬ್ಯಾಂಕ್ ಆಫ್ ಮಹಾರಾಷ್ಟ್ರ= ಶೇ 6.90- 9.65; 23,079- 28,258 ಆಕ್ಸಿಸ್ ಬ್ಯಾಂಕ್= ಶೇ 6.90- 8.40; 23,079- 25,845

ಇದನ್ನೂ ಓದಿ: Housing loan: ಹೋಮ್ ಲೋನ್ ಪ್ರಮಾಣದಲ್ಲಿ ಹೆಚ್ಚಳ, ಅಲ್ಪಾವಧಿಗೆ ಸಾಲ ತೆಗೆದುಕೊಳ್ಳೋರು ಜಾಸ್ತಿ ಇದ್ಯಾಕೆ ಹೀಗೆ?

ಇದನ್ನೂ ಓದಿ: Home loan: ಗೃಹ ಸಾಲ ಪಡೆಯುವಾಗ ಈ 5 ತಪ್ಪುಗಳನ್ನು ಮಾಡದಿರಿ