ಹುರುನ್ ಅಂಡರ್ 35 ಉದ್ಯಮಿಗಳ ಪಟ್ಟಿಯಲ್ಲಿ ಪಲ್ಲೋನ್ ಮಿಸ್ತ್ರಿ, ಅಲಖ್ ಪಾಂಡೆ ಮತ್ತಿತರರು; ಚಿಕ್ಕ ವಯಸ್ಸಿನ ಉದ್ಯಮಿಗಳು ಬೆಂಗಳೂರಲ್ಲೇ ಹೆಚ್ಚು
Hurun India U-35 entrepreneurs list 2024: ಹುರುನ್ ಇಂಡಿಯಾ 35 ವರ್ಷದೊಳಗಿನ ಯುವ ಉದ್ಯಮಿಗಳ ಪಟ್ಟಿ ಬಿಡುಗಡೆ ಆಗಿದೆ. ಇಶಾ ಅಂಬಾನಿ, ಆಕಾಶ್ ಅಂಬಾನಿ, ಪಲ್ಲೋನ್ ಮಿಸ್ಟ್ರಿ, ಪಾರ್ಥ್ ಜಿಂದಾಲ್ ಮೊದಲಾದ ಕುಟುಂಬ ದತ್ತವಾಗಿ ಬಿಸಿನೆಸ್ ಮುಂದುವರಿಸುತ್ತಿರುವವರು ಪಟ್ಟಿಯಲ್ಲಿದ್ದಾರೆ. ಹಾಗೆಯೇ, ಶೇರ್ಚ್ಯಾಟ್ನ ಅಂಕುಶ್ ಸಚ್ದೇವ, ಅನ್ ಅಕಾಡೆಮಿಯ ರೋಮನ್ ಸೈನಿ, ಫಿಸಿಕ್ಸ್ ವಾಲಾದ ಅಲಖ್ ಪಾಂಡೆ ಮೊದಲಾದ ಅನೇಕ ಸ್ವನಿರ್ಮಿತ ಉದ್ಯಮಿಗಳೂ ಇದ್ದಾರೆ.
Updated on: Sep 26, 2024 | 6:28 PM
ನವದೆಹಲಿ, ಸೆಪ್ಟೆಂಬರ್ 26: ಪ್ರಸಕ್ತ ವರ್ಷದ ಹುರುನ್ ಇಂಡಿಯಾ ಅಂಡರ್-35 ಆಂಟ್ರಪ್ರನ್ಯೂರ್ಗಳ ಪಟ್ಟಿ ಬಿಡುಗಡೆ ಆಗಿದೆ. ದೇಶದ 150 ಅಗ್ರಮಾನ್ಯ ಯುವ ಉದ್ಯಮಿಗಳನ್ನು ಗುರುತಿಸಿ ಪಟ್ಟಿಗೆ ಸೇರಿಸಲಾಗಿದೆ. ಹಿಂದಿನ ತಲೆಮಾರಿನಿಂದ ಕಂಪನಿಯ ಆಡಳಿತವನ್ನು ಪಡೆದವರು, ಹೊಸದಾಗಿ ಉದ್ದಿಮೆ ಕಟ್ಟಿದವರು ಮೊದಲಾದವರು ಈ ಪಟ್ಟಿಯಲ್ಲಿದ್ದಾರೆ. ನಿರೀಕ್ಷೆಯಂತೆ ಅಂಬಾನಿಯ ಇಬ್ಬರು ಮಕ್ಕಳಿದ್ದಾರೆ. ಅಂಬಾನಿ ಜೊತೆಗೆ, ಮಿಸ್ಟ್ರಿ, ಜಿಂದಾಲ್ ಕುಟುಂಬದ ಹೊಸ ತಲೆಮಾರಿನವರು ಇದರಲ್ಲಿದ್ದಾರೆ. ಫಿಸಿಕ್ಸ್ ವಾಲಾ ಸ್ಥಾಪಕ ಅಲಖ್ ಪಾಂಡೆ ಮೊದಲಾದ ಸ್ವಂತವಾಗಿ ಉದ್ಯಮಿಗಳಾದವರೂ ಇದ್ದಾರೆ.
ಶೇರ್ಚ್ಯಾಟ್ ಸಂಸ್ಥೆಯ 31 ವರ್ಷದ ಅಂಕುಶ್ ಸಚ್ದೇವ ಈ ಹುರುನ್ ಅಂಡರ್ 35 ಉದ್ಯಮಿಗಳ ಪಟ್ಟಿಯಲ್ಲಿರುವ ಅತ್ಯಂತ ಕಿರಿಯ ವ್ಯಕ್ತಿ ಎನಿಸಿದ್ದಾರೆ. ಒಟ್ಟು 150 ಮಂದಿ ಇರುವ ಈ ಪಟ್ಟಿಯಲ್ಲಿರುವವರ ಸರಾಸರಿ ವಯಸ್ಸು ಕೇವಲ 33 ವರ್ಷವಾಗಿದೆ.
ಆದರೆ, ಯುವ ಮಹಿಳಾ ಆಂಟ್ರನ್ಯೂರ್ಗಳ ಸಂಖ್ಯೆ ಮಾತ್ರ ಶೋಚನೀಯ ಎನಿಸುತ್ತದೆ. 150 ಜನರ ಪೈಕಿ ಮಹಿಳೆಯರ ಸಂಖ್ಯೆ ಕೇವಲ ಏಳು ಮಾತ್ರ. ಅದರಲ್ಲಿ ಕುಟುಂಬದತ್ತವಾಗಿ ಬಂದ ಉದ್ದಿಮೆ ಹೊಂದಿರವ ಮಹಿಳೆಯರೇ ನಾಲ್ವರಿದ್ದಾರೆ.
ಇದನ್ನೂ ಓದಿ: ಹೆಣ್ಮಕ್ಕಳ ಹಣಕಾಸು ಸುರಕ್ಷತೆ ತರುವ ಸುಕನ್ಯ ಸಮೃದ್ಧಿ ಸ್ಕೀಮ್; ಈ ಯೋಜನೆಯ ಲಭ ಇತ್ಯಾದಿ ಮುಖ್ಯಾಂಶಗಳಿವು
ಹುರುನ್ ಯುವ ಉದ್ಯಮಿಗಳ ಪಟ್ಟಿಯಲ್ಲಿ ಬೆಂಗಳೂರಿಗರೇ ಹೆಚ್ಚು…
ಹುರುನ್ ಅಂಡರ್-35 ಉದ್ಯಮಿಗಳ ಪಟ್ಟಿಯಲ್ಲಿ ದೇಶದ ವಿವಿಧ 41 ನಗರಗಳ ವ್ಯಕ್ತಿಗಳಾಗಿದ್ದಾರೆ. ಈ ಪೈಕಿ ಬೆಂಗಳೂರು, ಮುಂಬೈ ಮತ್ತು ದೆಹಲಿ ನಗರವಾಸಿಗಳ ಸಂಖ್ಯೆಯೇ ಹೆಚ್ಚು. ಅದರಲ್ಲೂ ಬೆಂಗಳೂರು ನಂಬರ್ ಒನ್ ಎನಿಸಿದೆ. ಈ ಪಟ್ಟಿಯಲ್ಲಿ 29 ಆಂಟ್ರಪ್ರನ್ಯೂರ್ಗಳು ಬೆಂಗಳೂರಿನವರೇ ಆಗಿದ್ದಾರೆ. ಮುಂಬೈನ 26 ಮಂದಿ ಇದ್ದಾರೆ.
ರೋಮನ್ ಸೈನಿ ನಂಬರ್ ಒನ್
ಹುರುನ್ ಪಟ್ಟಿಯಲ್ಲಿ ಅನ್ಅಕಾಡೆಮಿ ಸಂಸ್ಥೆಯ ರೋಮನ್ ಸೈನಿ ಟಾಪ್ನಲ್ಲಿದ್ದಾರೆ. ಅದೇ ಸಂಸ್ಥೆಯ ಹೇಮೇಶ್ ಸಿಂಗ್ ನಂತರದ ಸ್ಥಾನದಲ್ಲಿದ್ದಾರೆ. ಮೀಶೋ ಸಂಸ್ಥೆಯ ವಿದಿತ್ ಆತ್ರೆ ಮೂರನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ: ಟಾಟಾ ಗ್ರೂಪ್ನಿಂದ ಭಾರತದ ಮೊದಲ ಸೆಮಿಕಂಡಕ್ಟರ್ ತಯಾರಿಕೆ ಘಟಕ ಸ್ಥಾಪನೆ ನಿಶ್ಚಿತ; ತೈವಾನ್ನ ಪಿಎಸ್ಎಂಸಿ ಜೊತೆ ಒಪ್ಪಂದ
ರಿಲಾಯನ್ಸ್ ರೀಟೇಲ್ ನೋಡಿಕೊಳ್ಳುವ ಇಶಾ ಅಂಬಾನಿ, ರಿಲಾಯನ್ಸ್ ಜಿಯೋ ಜವಾಬ್ದಾರಿ ಹೊಂದಿರುವ ಆಕಾಶ್ ಅಂಬಾನಿ, ಜೆಎಸ್ಡಬ್ಲ್ಯು ಸಿಮೆಂಟ್ನ ಪಾರ್ಥ್ ಜಿಂದಾಲ್, ಶಾಪೂರ್ಜಿ ಪಲ್ಲೋನ್ಜಿ ಗ್ರೂಪ್ನ ಪಲ್ಲೋನ್ ಮಿಸ್ತ್ರಿ ಅವರು ನಿರೀಕ್ಷೆಯಂತೆ ಈ ಪಟ್ಟಿಯಲ್ಲಿದ್ದಾರೆ.
ಮಮಾ ಅರ್ಥ್ ಸಂಸ್ಥೆಯ ಘಜಲ್ ಅಲಘ್, ಫಿಸಿಕ್ಸ್ ವಾಲಾ ಸಂಸ್ಥೆಯ ಅಲಖ್ ಪಾಂಡೆ ಮತ್ತಿತರರೂ ಕೂಡ ಇದ್ದಾರೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
