ICICI Bank Home Utsav: ಐಸಿಐಸಿಐ ಬ್ಯಾಂಕ್ ಹೋಮ್ ಲೋನ್ ಉತ್ಸವ ಅ.12ರಿಂದ; ಏನಿದರ ಪ್ರಯೋಜನಗಳು?

ಐಸಿಐಸಿಐ ಬ್ಯಾಂಕ್​ನಿಂದ ಇಂದಿನಿಂದ (ಅಕ್ಟೋಬರ್ 12, 2021) ಉತ್ಸವ ಶುರುವಾಗುತ್ತಿದೆ. ಇದರಿಂದ ಗೃಹ ಸಾಲ ಪಡೆಯಬೇಕು ಎಂದಿರುವವರಿಗೆ ಏನೆಲ್ಲ ಪ್ರಯೋಜನಗಳು ಎಂಬುದರ ವಿವರ ಇಲ್ಲಿದೆ.

ICICI Bank Home Utsav: ಐಸಿಐಸಿಐ ಬ್ಯಾಂಕ್ ಹೋಮ್ ಲೋನ್ ಉತ್ಸವ ಅ.12ರಿಂದ; ಏನಿದರ ಪ್ರಯೋಜನಗಳು?
ಪ್ರಾತಿನಿಧಿಕ ಚಿತ್ರ

ಐಸಿಐಸಿಐ ಬ್ಯಾಂಕ್ ಇಂದು (ಅಕ್ಟೋಬರ್ 12, 2021) ‘ಹೋಮ್ ಉತ್ಸವ್’ ಮೂಲಕ ದೇಶದ ಪ್ರಮುಖ ನಗರಗಳ ಪ್ರಖ್ಯಾತ ಡೆವಲಪರ್‌ಗಳ ರಿಯಲ್ ಎಸ್ಟೇಟ್ ಪ್ರಾಜೆಕ್ಟ್‌ಗಳನ್ನು ಡಿಜಿಟಲ್‌ನಲ್ಲಿ ಪ್ರದರ್ಶಿಸುವ ವರ್ಚುವಲ್ ಪ್ರಾಪರ್ಟಿ ಪ್ರದರ್ಶನವನ್ನು ಆರಂಭಿಸುವುದಾಗಿ ಘೋಷಣೆ ಮಾಡಿದೆ. ಇದು ಮನೆ ಖರೀದಿ ಮಾಡಬೇಕು ಎಂದಿರುವವರಿಗೆ ಹೆಚ್ಚಿನ ಅನುಕೂಲವನ್ನು ನೀಡುತ್ತದೆ. ಏಕೆಂದರೆ ತಮ್ಮ ಕನಸಿನ ಮನೆಯನ್ನು ಕೇವಲ ಪ್ರಾಜೆಕ್ಟ್‌ಗಳ ಬ್ರೌಸ್ ಮಾಡುವ ಮೂಲಕ ಆಯ್ಕೆ ಮಾಡಬಹುದು. ಇವುಗಳನ್ನು ಬ್ಯಾಂಕ್ ಅನುಮೋದಿಸಿದೆ ಮತ್ತು ಮನೆ ಹಾಗೂ ಕಚೇರಿಯ ಸೌಕರ್ಯದಿಂದ ವಿಶೇಷ ಪ್ರಯೋಜನಗಳನ್ನು ಪಡೆಯಬಹುದು. ಗೃಹ ಸಾಲದ ಮೇಲಿನ ಆಕರ್ಷಕ ಬಡ್ಡಿ ದರ, ವಿಶೇಷ ಪ್ರೊಸೆಸಿಂಗ್ ಶುಲ್ಕಗಳು, ಸಾಲಗಳ ಡಿಜಿಟಲ್ ಮಂಜೂರಾತಿ ಮತ್ತು ಡೆವಲಪರ್‌ಗಳ ವಿಶೇಷ ಕೊಡುಗೆಗಳನ್ನು ಪ್ರಯೋಜನಗಳ ಪಟ್ಟಿಯು ಒಳಗೊಂಡಿದೆ. ಐಸಿಐಸಿಐ ಬ್ಯಾಂಕ್​ನ ಗ್ರಾಹಕರಲ್ಲದವರು ಸೇರಿದಂತೆ ಯಾರಾದರೂ ಈ ಪ್ರದರ್ಶನದ ಮೂಲಕ ಆಸ್ತಿಯನ್ನು ಖರೀದಿಸಿದಾಗ ಈ ಪ್ರಯೋಜನಗಳನ್ನು ಪಡೆಯಬಹುದು. ಐಸಿಐಸಿಐ ಬ್ಯಾಂಕ್​ನ ಗ್ರಾಹಕರು ಬ್ಯಾಂಕ್​ನ ಪೂರ್ವ ಅನುಮೋದಿತ ಗೃಹ ಸಾಲದ ಕೊಡುಗೆಗಳನ್ನು ಪಡೆಯಬಹುದು.

ಕಳೆದ ವರ್ಷ ಮೊದಲ ಆವೃತ್ತಿಯು ಭರ್ಜರಿ ಯಶಸ್ಸನ್ನು ಪಡೆದ ನಂತರ ಬ್ಯಾಂಕ್ ಆಯೋಜಿಸಿರುವ ವರ್ಚುವಲ್ ಪ್ರಾಪರ್ಟಿ ಪ್ರದರ್ಶನದ ಎರಡನೇ ಆವೃತ್ತಿ ಇದು. ‘ಹೋಮ್ ಉತ್ಸವ’ 12 ನಗರಗಳ 200ಕ್ಕೂ ಹೆಚ್ಚು ಪ್ರಮುಖ ಡೆವಲಪರ್‌ಗಳ 350ಕ್ಕೂ ಹೆಚ್ಚು ಪ್ರಾಜೆಕ್ಟ್‌ಗಳನ್ನು ಪ್ರದರ್ಶಿಸುತ್ತದೆ. ಅವುಗಳಲ್ಲಿ ಮುಂಬೈ MMR, ದೆಹಲಿ NCR, ಹೈದರಾಬಾದ್, ಬೆಂಗಳೂರು, ಚೆನ್ನೈ, ಕೋಲ್ಕತ್ತಾ, ಅಹಮದಾಬಾದ್, ಪುಣೆ, ನಾಸಿಕ್, ವಡೋದರಾ, ಸೂರತ್ ಮತ್ತು ಜೈಪುರ ಸಹ ಒಳಗೊಂಡಿವೆ. ಈ ಪ್ರದರ್ಶನವು 2021ರ ಡಿಸೆಂಬರ್ ಅಂತ್ಯದವರೆಗೆ ಮುಂದುವರಿಯುತ್ತದೆ ಮತ್ತು ಇದನ್ನು www.homeutsavicici.comನಲ್ಲಿ ನೋಡಬಹುದು. ಪ್ಲಾಟ್‌ಫಾರ್ಮ್ ತನ್ನ ಹುಡುಕಾಟದ ವೈಶಿಷ್ಟ್ಯದ ಮೂಲಕ ಅನುಕೂಲಕರ ಮತ್ತು ತೊಂದರೆ ರಹಿತ ಅನುಭವವನ್ನು ಒದಗಿಸುತ್ತದೆ. ಇದರಲ್ಲಿ ಮನೆ ಖರೀದಿದಾರರು ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ, ಬಜೆಟ್, ಸ್ಥಳ, ನಿರ್ಮಾಣ ಸ್ಥಿತಿಯಂತಹ ಅಂಶಗಳನ್ನು ಆಧರಿಸಿ ಆಸ್ತಿಗಳನ್ನು ಹುಡುಕಬಹುದು.

ಈ ಉಪಕ್ರಮದ ಬಗ್ಗೆ ಮಾತನಾಡಿದ ಐಸಿಐಸಿಐ ಬ್ಯಾಂಕ್​ನ ಸೆಕ್ಯೂರ್ಡ್ ಅಸೆಟ್ಸ್​ನ ಮುಖ್ಯಸ್ಥ ಸಂಜಯ್ ಸಿಂಘ್ವಿ, “ಕಳೆದ ವರ್ಷ ಉತ್ತಮ ಪ್ರತಿಕ್ರಿಯೆ ನೀಡಿದ ನಂತರ ಈ ವರ್ಷ ಮತ್ತೆ ‘ಹೋಮ್ ಉತ್ಸವ’ವನ್ನು ಪರಿಚಯಿಸಲು ನಮಗೆ ಸಂತೋಷವಾಗಿದೆ. ನಮ್ಮ ದೇಶದ ಪ್ರಮುಖ ನಗರಗಳಿಂದ ಮನೆ ಖರೀದಿದಾರರಿಗೆ ಪ್ರಮುಖ ರಿಯಲ್ ಎಸ್ಟೇಟ್ ಆಸ್ತಿಗಳನ್ನು ಪ್ರದರ್ಶಿಸುವುದು ನಮ್ಮ ಗುರಿಯಾಗಿದೆ. ಪ್ರದರ್ಶನವು ವಿಶಾಲ ಶ್ರೇಣಿಯ ಗುಣಲಕ್ಷಣಗಳ ವಿಶಿಷ್ಟ ಮತ್ತು ವಿಶೇಷ ಪ್ರಯೋಜನಗಳನ್ನು ಒಂದೇ ಪೋರ್ಟಲ್‌ನಲ್ಲಿ ನೀಡುತ್ತದೆ. ಯಾವುದೇ ತೊಂದರೆಯಿಲ್ಲದ ಮತ್ತು ಅನುಕೂಲಕರ ರೀತಿಯಲ್ಲಿ ಕನಸಿನ ಮನೆಯನ್ನು ಖರೀದಿಸಲು ಬಯಸುವ ಎಲ್ಲರಿಗೂ ಇದು ಉತ್ತಮ ಅವಕಾಶ ಎಂದು ನಾವು ನಂಬುತ್ತೇವೆ. ಈ ಹಬ್ಬದ ಋತುವಿನಲ್ಲಿ ಐಸಿಐಸಿಐ ಬ್ಯಾಂಕ್ ಮನೆ ಖರೀದಿದಾರರನ್ನು ಅವರ ಕನಸಿನ ಮನೆಗೆ ಒಂದು ಹೆಜ್ಜೆ ಹತ್ತಿರಕ್ಕೆ ಕೊಂಡೊಯ್ಯಲು ಉದ್ದೇಶಿಸಿದೆ ಮತ್ತು ಸಂತೋಷಕರ ಹಬ್ಬದ ಮುನ್ನುಡಿಯಾಗಿದೆ,” ಎಂದಿದ್ದಾರೆ.

‘ಹೋಮ್ ಉತ್ಸವ’ದ ಕೆಲವು ಪ್ರಮುಖ ಪ್ರಯೋಜನಗಳು:
ವ್ಯಾಪಕ ಶ್ರೇಣಿ: ಪ್ರದರ್ಶನವು ಐಸಿಐಸಿಐ ಬ್ಯಾಂಕಿನ 350 ಅನುಮೋದಿತ ಆಸ್ತಿಗಳ ವ್ಯಾಪಕ ಶ್ರೇಣಿಯನ್ನು ಪ್ರದರ್ಶಿಸುತ್ತದೆ.

ಗ್ರಾಹಕರಿಗೆ ಅನುಕೂಲ: ಗ್ರಾಹಕರು ತಮ್ಮ ಮನೆ ಮತ್ತು ಕಚೇರಿಯ ಅನುಕೂಲದಿಂದ ಕ್ಯುರೇಟೆಡ್ ಆಸ್ತಿಗಳ ವಾಸ್ತವ ಪ್ರದರ್ಶನದಲ್ಲಿ ಭಾಗವಹಿಸಬಹುದು

ವಿಶೇಷ ದರಗಳು: ಪ್ರದರ್ಶನವು ಆಕರ್ಷಕವಾದ ಗೃಹ ಸಾಲದ ಬಡ್ಡಿ ದರಗಳನ್ನು 6.70*ರಿಂದ ಆರಂಭಿಸುತ್ತದೆ ಮತ್ತು ವಿಶೇಷ ಪ್ರೊಸೆಸಿಂಗ್ ಶುಲ್ಕ ಇರುತ್ತದೆ

ಡಿಜಿಟಲ್ ಪ್ರಕ್ರಿಯೆ: ಐಸಿಐಸಿಐ ಬ್ಯಾಂಕ್​ನೊಂದಿಗೆ ಯಾವುದೇ ಬ್ಯಾಂಕಿಂಗ್ ಸಂಬಂಧವಿಲ್ಲದವರು ಸೇರಿದಂತೆ ಯಾರು ಬೇಕಾದರೂ, ‘ಎಕ್ಸ್​ಪ್ರೆಸ್ ಹೋಮ್ ಲೋನ್’ ಪ್ಲಾಟ್‌ಫಾರ್ಮ್ ಮೂಲಕ ಸುಲಭ ಹಂತಗಳಲ್ಲಿ ಗೃಹ ಸಾಲಗಳಿಗೆ ಡಿಜಿಟಲ್ ಅನುಮತಿಯನ್ನು ಪಡೆಯಬಹುದು

ಡೆವಲಪರ್ ರಿಯಾಯಿತಿ: ಡೆವಲಪರ್‌ಗಳಿಂದ ಗ್ರಾಹಕರಿಗೆ ವಿಶೇಷ ನೇರ ರಿಯಾಯಿತಿಗಳನ್ನು ನೀಡಲಾಗುತ್ತದೆ

ಇದನ್ನೂ ಓದಿ: ICICI Bank: 50 ಸಾವಿರದಿಂದ 5 ಲಕ್ಷದ ತನಕ ಐಸಿಐಸಿಐ ಬ್ಯಾಂಕ್​ ಇಂಟರ್​ನೆಟ್​ ಬ್ಯಾಂಕಿಂಗ್​ನಲ್ಲಿ ಇಎಂಐ ಆಯ್ಕೆಗೆ ಅವಕಾಶ

Read Full Article

Click on your DTH Provider to Add TV9 Kannada