Income Tax Returns: ದೇಶದಾದ್ಯಂತ ಇರುವ ಯಾವುದೇ ಪೋಸ್ಟ್​ ಆಫೀಸ್​ನಲ್ಲಿ ಐಟಿಆರ್ ಫೈಲಿಂಗ್​ಗೆ ಅವಕಾಶ

ಆದಾಯ ತೆರಿಗೆ ಪಾವತಿದಾರರು ಐಟಿಆರ್ ಫೈಲಿಂಗ್ ಅನ್ನು ತಮಗೆ ಹತ್ತಿರದ ಪೋಸ್ಟ್​ ಆಫೀಸ್​ನ ಕಾಮನ್ ಸರ್ವೀಸ್ ಸೆಂಟರ್​ನಲ್ಲಿ (CSC) ಮಾಡಬಹುದು. ಈ ಬೆಳವಣಿಗೆಯಿಂದ ದೊಡ್ಡ ಅನುಕೂಲ ಆಗಿದೆ ಎಂದು ಇಂಡಿಯಾ ಪೋಸ್ಟ್ ಘೋಷಣೆ ಮಾಡಿದೆ.

Income Tax Returns: ದೇಶದಾದ್ಯಂತ ಇರುವ ಯಾವುದೇ ಪೋಸ್ಟ್​ ಆಫೀಸ್​ನಲ್ಲಿ ಐಟಿಆರ್ ಫೈಲಿಂಗ್​ಗೆ ಅವಕಾಶ
ಸಾಂದರ್ಭಿಕ ಚಿತ್ರ
TV9kannada Web Team

| Edited By: Srinivas Mata

Jul 17, 2021 | 6:15 PM

ಆದಾಯ ತೆರಿಗೆ ಇಲಾಖೆಯಿಂದ ಆದಾಯ ತೆರಿಗೆ ರಿಟರ್ನ್ಸ್ ಫೈಲಿಂಗ್ ಮಾಡುವುದಕ್ಕೆ ಅನುಕೂಲವಾಗುವಂತೆ ಮಾಡಲಾಗಿದೆ. ಆದಾಯ ತೆರಿಗೆ ಪಾವತಿದಾರರು ಐಟಿಆರ್ ಫೈಲಿಂಗ್ ಅನ್ನು ತಮಗೆ ಹತ್ತಿರದ ಪೋಸ್ಟ್​ ಆಫೀಸ್​ನ ಕಾಮನ್ ಸರ್ವೀಸ್ ಸೆಂಟರ್​ನಲ್ಲಿ (CSC) ಮಾಡಬಹುದು. ಈ ಬೆಳವಣಿಗೆಯಿಂದ ದೊಡ್ಡ ಅನುಕೂಲ ಆಗಿದೆ ಎಂದು ಇಂಡಿಯಾ ಪೋಸ್ಟ್ ಘೋಷಣೆ ಮಾಡಿದೆ. ಜುಲೈ 14ನೇ ತಾರೀಕಿನಂದು ಅದರ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್​ನಿಂದಲೂ ಈ ಬಗ್ಗೆ ಘೋಷಣೆ ಮಾಡಿದ್ದು, ಆದಾಯ ತೆರಿಗೆ ರಿಟರ್ನ್ಸ್ ಫೈಲಿಂಗ್​ಗಾಗಿ ದೂರ ಪ್ರಯಾಣ ಮಾಡಬೇಕಾಗಿಲ್ಲ. ನಿಮ್ಮ ಹತ್ತಿರದ ಪೋಸ್ಟ್ ಆಫೀಸ್ ಸಿಎಸ್​ಸಿ ಕೌಂಟರ್​ನಲ್ಲಿ ಆದಾಯ ತೆರಿಗೆ ರಿಟರ್ನ್ಸ್​ ಸೇವೆಯನ್ನು ಸುಲಭವಾಗಿ ಪಡೆಯಬಹುದು ಎಂದು ಹೇಳಲಾಗಿದೆ.

ಪೋಸ್ಟ್​ ಆಫೀಸ್​ನ ಕಾಮನ್​ ಸರ್ವೀಸ್ ಸೆಂಟರ್​ ಕೌಂಟರ್​ಗಳು ದೇಶದಾದ್ಯಂತ ಇವೆ. ಅಲ್ಲಿ ಪೋಸ್ಟಲ್, ಬ್ಯಾಂಕಿಂಗ್, ಇನ್ಷೂರೆನ್ಸ್ ಸೇವೆಗಳನ್ನು ಜನರಿಗೆ ಒಂದೇ ಕಡೆಯಲ್ಲಿ ಒದಗಿಸಲಾಗುತ್ತಿದೆ. ಈ ಸಿಎಸ್​ಸಿ ಕೌಂಟರ್​ಗಳಲ್ಲಿ ಸರ್ಕಾರದ ಸೇವೆಗಳು ಮತ್ತು ಮಾಹಿತಿಗಳು ಹಲವಾರು ಸಿಗುತ್ತವೆ. ಡಿಜಿಟಲ್ ಇಂಡಿಯಾ ಕಾರ್ಯಕ್ರಮದ ಅಡಿಯಲ್ಲಿ ಇತರ ಹಲವು ಡಿಜಿಟಲ್ ಸೇವೆಗಳನ್ನು ಜನರಿಗೆ ಒದಗಿಸಲಾಗುತ್ತದೆ. ಆದಾಯ ತೆರಿಗೆ ವೆಬ್​ಸೈಟ್​ ಆದ https://www.incometax.gov.in./ ಹೊರತುಪಡಿಸಿ ತೆರಿಗೆ ಪಾವತಿದಾರರು ಪೋಸ್ಟ್​ ಆಫೀಸ್​ನ ಕಾಮನ್ ಸರ್ವೀಸ್ ಸೆಂಟರ್​ಗಳನ್ನು ಬಳಸಿಕೊಳ್ಳಬಹುದು.

ಹಲವರಿಗೆ ಆನ್​ಲೈನ್ ಮೂಲಕ ಫೈಲಿಂಗ್ ಮಾಡುವುದು ಸಲೀಸು ಎನಿಸುತ್ತದೆ. ಆದರೆ ಕೆಲವು ತಾಂತ್ರಿಕವಾಗಿ ತಿಳಿವಳಿಕೆ ಇದ್ದರೂ ಪೋಸ್ಟ್ ಆಫೀಸ್ ಸಿಎಸ್​ಸಿ ಬಳಸಿಕೊಂಡು ಐಟಿಆರ್ ಫೈಲಿಂಗ್ ಮಾಡುತ್ತಾರೆ. ಹೊಸ ಆದಾಯ ತೆರಿಗೆ ಪೋರ್ಟಲ್ ಆದ https://www.incometax.gov.in./ ಅನ್ನು ಜೂನ್ 7ನೇ ತಾರೀಕಿನಂದು ಆರಂಭಸಲಾಯಿತು. ಆದರೆ ಅದರಲ್ಲಿ ಹಲವು ತಾಂತ್ರಿಕ ಸಮಸ್ಯೆಗಳು ಕಾಣಿಸಿಕೊಂಡ ಬಗ್ಗೆ ವರದಿ ಆಯಿತು. ಆ ನಂತರ ಜೂನ್ 22ನೇ ತಾರೀಕಿನಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ವೆಬ್​ಸೈಟ್ ಅಭಿವೃದ್ಧಿ ಪಡಿಸಿದ್ದ ಇನ್ಫೋಸಿಸ್ ಅಧಿಕಾರಿಗಳ ಸಭೆಯನ್ನು ಕರೆದು, ಸಮಸ್ಯೆಯನ್ನು ಸರಿಪಡಿಸುವಂತೆ ಕೇಳಿದ್ದರು.

ಇದನ್ನೂ ಓದಿ: Income Tax Returns: ಆದಾಯ ತೆರಿಗೆ ಬಾರದಿದ್ದರೂ ಐಟಿಆರ್ ಫೈಲ್ ಮಾಡುವುದರಿಂದ ಸಿಗುವ 6 ಅನುಕೂಲಗಳಿವು

(Income tax return (ITR) can filed in any nearest post office. Here is the details)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada