ಭಾರತದ ವಿದೇಶ ವಿನಿಮಯ ಮೀಸಲು ನಿಧಿ 591 ಬಿಲಿಯನ್ ಡಾಲರ್ಗೆ ಏರಿಕೆ
India's Forex Reserves: ಭಾರತದ ವಿದೇಶ ವಿನಿಮಯ ಮೀಸಲು ನಿಧಿ ನವೆಂಬರ್ 3ರಂದು ಅಂತ್ಯಗೊಂಡ ವಾರದಲ್ಲಿ 4.672 ಬಿಲಿಯನ್ ಡಾಲರ್ (39,000 ಕೋಟಿ ರೂ) ನಷ್ಟು ಹೆಚ್ಚಾಗಿದೆ. ಇದರೊಂದಿಗೆ, ರಿಸರ್ವ್ ಬ್ಯಾಂಕ್ ಹೊಂದಿರುವ ಫಾರೆಕ್ಸ್ ರಿಸರ್ವ್ಸ್ ಮೊತ್ತ 590.783 ಬಿಲಿಯನ್ ಡಾಲರ್ಗೆ (49.21 ಲಕ್ಷ ಕೋಟಿ ರೂ) ಹೆಚ್ಚಾಗಿದೆ. ಫಾರೆಕ್ಸ್ ರಿಸರ್ವ್ಸ್ನ ಪ್ರಮುಖ ಭಾಗವಾದ ಫಾರೀನ್ ಕರೆನ್ಸಿ ಆಸ್ತಿಗಳೇ 4.392 ಬಿಲಿಯನ್ ಡಾಲರ್ನಷ್ಟು ಏರಿಕೆ ಆಗಿದೆ.
Updated on: Nov 12, 2023 | 5:36 PM
ನವದೆಹಲಿ, ನವೆಂಬರ್ 12: ಭಾರತದ ವಿದೇಶ ವಿನಿಮಯ ಮೀಸಲು ನಿಧಿ ನವೆಂಬರ್ 3ರಂದು ಅಂತ್ಯಗೊಂಡ ವಾರದಲ್ಲಿ 4.672 ಬಿಲಿಯನ್ ಡಾಲರ್ (39,000 ಕೋಟಿ ರೂ) ನಷ್ಟು ಹೆಚ್ಚಾಗಿದೆ. ಇದರೊಂದಿಗೆ, ರಿಸರ್ವ್ ಬ್ಯಾಂಕ್ ಹೊಂದಿರುವ ಫಾರೆಕ್ಸ್ ರಿಸರ್ವ್ಸ್ (forex reserves) ಮೊತ್ತ 590.783 ಬಿಲಿಯನ್ ಡಾಲರ್ಗೆ (49.21 ಲಕ್ಷ ಕೋಟಿ ರೂ) ಹೆಚ್ಚಾಗಿದೆ. ಆರ್ಬಿಐ ಬಿಡುಗಡೆ ಮಾಡಿದ ಮಾಹಿತಿ ಪ್ರಕಾರ, ಆ ವಾರದಂದು ಫಾರೆಕ್ಸ್ ರಿಸರ್ವ್ಸ್ನ ಎಲ್ಲಾ ಭಾಗಗಳ ಆಸ್ತಿ ಹೆಚ್ಚಾಗಿದೆ.
ಫಾರೆಕ್ಸ್ ರಿಸರ್ವ್ಸ್ನ ಪ್ರಮುಖ ಭಾಗವಾದ ಫಾರೀನ್ ಕರೆನ್ಸಿ ಆಸ್ತಿಗಳೇ 4.392 ಬಿಲಿಯನ್ ಡಾಲರ್ನಷ್ಟು ಏರಿಕೆ ಆಗಿದೆ. ಇನ್ನು, ಚಿನ್ನದ ಸಂಗ್ರಹ 200 ಮಿಲಿಯನ್ ಡಾಲರ್ನಷ್ಟು ಹೆಚ್ಚಾಗಿದೆ. ಇನ್ನು, ಎಸ್ಡಿಆರ್, ಅಥವಾ ಸ್ಪೆಷಲ್ ಡ್ರಾಯಿಂಗ್ ರೈಟ್ಸ್ 64 ಮಿಲಿಯನ್ ಡಾಲರ್ನಷ್ಟು ಹೆಚ್ಚಾಗಿ 17.975 ಬಿಲಿಯನ್ ಡಾಲರ್ ತಲುಪಿದೆ. ಹಾಗೆಯೇ, ಐಎಂಎಫ್ ಜೊತೆಗಿನ ಮೀಸಲು ಪಾಲು 16 ಮಿಲಿಯನ್ ಏರಿಕೆಯಾಗಿ 4.789 ಬಿಲಿಯನ್ ಡಾಲರ್ ಆಗಿರುವುದು ಗೊತ್ತಾಗಿದೆ.
ಇದನ್ನೂ ಓದಿ: ಚೀನಾ ತರಹ ಬೇಡ; ನಿಯಂತ್ರಣ ಬಿಟ್ಟರೆ ಹಣ ಹರಿದುಬರುತ್ತೆ: ಭಾರತಕ್ಕೆ ಖ್ಯಾತ ಹೂಡಿಕೆದಾರ ಮಾರ್ಕ್ ಮೋಬಿಯಸ್ ಸಲಹೆ
ಹಿಂದಿನ ವಾರದಲ್ಲಿ, ಅಂದರೆ ಅಕ್ಟೋಬರ್ 27ರಂದು ಅಂತ್ಯಗೊಂಡ ವಾರದಲ್ಲಿ ಫಾರೆಕ್ಸ್ ರಿಸರ್ವ್ಸ್ 2.6 ಬಿಲಿಯನ್ ಡಾಲರ್ನಷ್ಟು ಏರಿಕೆ ಆಗಿತ್ತು. ಸತತ ಎರಡು ಬಾರಿ ಮೀಸಲು ನಿಧಿ ಹೆಚ್ಚಳ ಕಂಡಿದೆ.
2021ರ ಅಕ್ಟೋಬರ್ ತಿಂಗಳಲ್ಲಿ ಭಾರತದ ಫಾರೆಕ್ಸ್ ಸಂಪತ್ತು 645 ಬಿಲಿಯನ್ ಡಾಲರ್ ತಲುಪಿತ್ತು. ಇದೂವರೆಗಿನ ಗರಿಷ್ಠ ಮೊತ್ತ ಅದು. ಅಲ್ಲಿಂದೀಚೆ ರೂಪಾಯಿ ಮೌಲ್ಯ ಕುಸಿತ ತಡೆಯಲು ಆರ್ಬಿಐ ಫಾರೆಕ್ಸ್ ಸಂಪತ್ತಿನ ಭಾಗವನ್ನು ಮಾರುತ್ತಾ ಬಂದಿತ್ತು. ಆದರೆ, ಈಗಿರುವ ಫಾರೆಕ್ಸ್ ರಿಸರ್ವ್ಸ್ ಭಾರತದ ಹಣಕಾಸು ವ್ಯವಹಾರಕ್ಕೆ ಭಂಗವಾಗದಷ್ಟು ಇದೆ.
ಇದನ್ನೂ ಓದಿ: ಬೈಜೂಸ್ನ ಒಂದು ಭಾಗದ ಸಾಲ ತೀರಿಸಿದ ಮಣಿಪಾಲ್ ಸಂಸ್ಥೆಯ ರಂಜನ್ ಪೈ; ಅದಕ್ಕೆ ಬದಲಾಗಿ ಆಕಾಶ್ ಬೋರ್ಡ್ನಲ್ಲಿ ಸದಸ್ಯತ್ವ
ವಿಶ್ವದಲ್ಲಿ ಅತಿಹೆಚ್ಚು ವಿದೇಶ ವಿನಿಮಯ ಮೀಸಲು ನಿಧಿ ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಭಾರತ ನಾಲ್ಕನೇ ಸ್ಥಾನದಲ್ಲಿದೆ. ಚೀನಾ, ಜಪಾನ್, ಸ್ವಿಟ್ಜರ್ಲ್ಯಾಂಡ್ ಟಾಪ್ 3 ಸ್ಥಾನದಲ್ಲಿವೆ. ಈ ಮೂರೂ ದೇಶಗಳ ಫಾರೆಕ್ಸ್ ರಿಸರ್ವ್ಸ್ ಕಡಿಮೆಗೊಂಡಿವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
