ಭಾರತದ ಫಾರ್ಮಾ ಸೆಕ್ಟರ್ ಆದಾಯ ಶೇ. 7.8 ಬೆಳೆಯುವ ಸಾಧ್ಯತೆ: ಫಿಚ್ ಗ್ರೂಪ್ ಅಂದಾಜು
India's pharma sector: ಭಾರತದ ಔಷಧ ವಲಯದ ಬೆಳವಣಿಗೆ ಏಪ್ರಿಲ್ ತಿಂಗಳಲ್ಲಿ ಶೇ. 7.8ರ ವಾರ್ಷಿಕ ದರದಷ್ಟು ಇರಲಿದೆ ಎಂದು ಫಿಚ್ ಗ್ರೂಪ್ನ ತಜ್ಞರು ಅಂದಾಜಿಸಿದ್ದಾರೆ. 2014ರಿಂದ ಈಚೆಗೆ ಭಾರತದ ಫಾರ್ಮಾ ಸೆಕ್ಟರ್ ಬಹಳ ಅಮೋಘವಾಗಿ ಬೆಳೆದಿದ್ದು ಇದರ ಗಾತ್ರ ಈಗ ನಾಲ್ಕು ಲಕ್ಷ ಕೋಟಿ ರೂಗಿಂತ ಹೆಚ್ಚಿದೆ. ವಿಶ್ವಕ್ಕೆ ಬೇಕಾದ ಅತಿಹೆಚ್ಚು ಲಸಿಕೆ ಮತ್ತು ಜೆನೆರಿಕ್ ಔಷಧವನ್ನು ಭಾರತ ತಯಾರಿಸುತ್ತದೆ.
ನವದೆಹಲಿ, ಮೇ 18: ಭಾರತ ಇಲ್ಲದಿದ್ದರೆ ಇವತ್ತು ಜಗತ್ತಿನಾದ್ಯಂತ ಅಗ್ಗದ ದರದಲ್ಲಿ ಗುಣಮಟ್ಟದ ಔಷಧಗಳು ಸಿಗುವ ಅವಕಾಶ ಕಡಿಮೆ ಇತ್ತು. ವಿಶ್ವದ ಶೇ. 20ರಷ್ಟು ಜೆನೆರಿಕ್ ಔಷಧಗಳು (generic medicines) ಭಾರತದಲ್ಲೇ ತಯಾರಾಗುತ್ತವೆ. ಭಾರತದ ಫಾರ್ಮಾ ಕ್ಷೇತ್ರ ದಿನೇ ದಿನೇ ಬಲಗೊಳ್ಳುತ್ತಿದೆ. ಫಿಚ್ ಗ್ರೂಪ್ನ ಇಂಡಿಯಾ ರೇಟಿಂಗ್ಸ್ ಪ್ರಕಾರ ಭಾರತದ ಫಾರ್ಮಾ ಸೆಕ್ಟರ್ (pharma sector) 2025ರ ಏಪ್ರಿಲ್ನಲ್ಲಿ ಶೇ. 7.8ರ ವಾರ್ಷಿಕ ದರದಲ್ಲಿ ಆದಾಯ ಹೆಚ್ಚಿಸಿಕೊಳ್ಳಬಹುದು.
ಭಾರತದ ಔಷಧ ಉದ್ಯಮ ಬೃಹತ್ ಗಾತ್ರದ್ದಾಗಿದೆ. 2023-24ರಲ್ಲಿ ಈ ವಲಯದ ಬ್ಯುಸಿನೆಸ್ ಟರ್ನೋವರ್ 4.17 ಲಕ್ಷ ಕೋಟಿ ರೂ ಇತ್ತು. ಕಳೆದ ಐದು ವರ್ಷಗಳಿಂದ ಶೇ. 10ರ ವಾರ್ಷಿಕ ದರದಲ್ಲಿ ಇದು ಬೆಳೆಯುತ್ತಿದೆ. ಅತಿಹೆಚ್ಚು ಔಷಧ ತಯಾರಿಸುವುದರಲ್ಲಿ ಭಾರತ ಮೂರನೇ ಸ್ಥಾನ ಪಡೆಯುತ್ತದೆ. ತಯಾರಾಗುವ ಔಷಧದ ಒಟ್ಟು ಮೌಲ್ಯದಲ್ಲಿ ಭಾರತ ನಂಬರ್ 14 ಆಗಿದೆ.
ಇದನ್ನೂ ಓದಿ: ಪಾಶ್ಚಿಮಾತ್ಯ ದೇಶಗಳನ್ನು ರಿಮೋಟ್ ಕಂಟ್ರೋಲ್ನಿಂದ ಅಲುಗಾಡಿಸಲಿದೆಯಾ ಚೀನಾ? ಇಲ್ಲಿದೆ ಸೋಲಾರ್ ಕಿಲ್ ಸ್ವಿಚ್ ತಂತ್ರ
ಯುನಿಸೆಫ್ನ ಲಸಿಕೆ ಯೋಜನೆಗಳಿಗೆ ಬೇಕಾದ ಶೇ. 55-60ರಷ್ಟು ವ್ಯಾಕ್ಸಿನ್ಗಳನ್ನು ಭಾರತೀಯ ಕಂಪನಿಗಳು ಸರಬರಾಜು ಮಾಡುತ್ತವೆ. ಡಬ್ಲ್ಯುಎಚ್ಒದ ಶೇ. 99ರಷ್ಟು ಡಿಪಿಟಿ ವ್ಯಾಕ್ಸಿನ್ಗಳು ಭಾರತದಿಂದಲೇ ಹೋಗುತ್ತವೆ. ಟಿಬಿ ಮತ್ತಿತರ ರೋಗಗಳು ಬಾರದಂತೆ ನೀಡುವ ಹೆಚ್ಚಿನ ಲಸಿಕೆಗಳು ಭಾರತದಲ್ಲೇ ತಯಾರಾಗುತ್ತದೆ. ಭಾರತವು ಜಾಗತಿಕ ಲಸಿಕೆ ಕೇಂದ್ರ ಎಂದೇ ಪರಿಗಣಿತವಾಗಿದೆ.
ಭಾರತದಲ್ಲಿ ತಯಾರಾದ ಲಸಿಕೆಗಳು ವಿಶ್ವಾದ್ಯಂತ ಕೋಟ್ಯಂತರ ಜನರ ಜೀವ ಉಳಿಸಿದೆ. ರೋಗಗಳು ಬಾರದಂತೆ ನಿಯಂತ್ರಿಸಲು ಸಹಕಾರಿಯಾಗಿವೆ. ಲಸಿಕೆ ಮಾತ್ರವಲ್ಲ, ಜೆನೆರಿಕ್ ಔಷಧಗಳ ತಯಾರಿಕೆಯಲ್ಲೂ ಭಾರತೀಯ ಕಂಪನಿಗಳು ಮುಂದಿವೆ.
ಇದನ್ನೂ ಓದಿ: ಅಮೆರಿಕಕ್ಕೆ ಕ್ರೆಡಿಟ್ ರೇಟಿಂಗ್ AAAನಿಂದ AA1ಗೆ ಇಳಿಸಿದ ಮೂಡೀಸ್; ಭಾರತಕ್ಕೆಷ್ಟಿದೆ ರೇಟಿಂಗ್? ಏನಿದರ ಅರ್ಥ?
500 ರೂ ಬೆಲೆ ಬಾಳುವ ಹೃದಯ ರೋಗದ ಔಷಧವೊಂದು ಈಗ ಕೇವಲ 100 ರೂಗೆ ಲಭ್ಯ ಇದೆ. ಅಷ್ಟು ಮಟ್ಟಕ್ಕೆ ಅಗ್ಗದ ಔಷಧಗಳನ್ನು ಭಾರತೀಯ ಕಂಪನಿಗಳು ನೀಡಲು ಸಫಲವಾಗಿವೆ. ಇದರಿಂದ ಜನಸಾಮಾನ್ಯರ ಔಷಧ ವೆಚ್ಚ ಗಣನೀಯವಾಗಿ ತಗ್ಗುವಂತಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ