Infosys: ನಾರಾಯಣ ಮೂರ್ತಿ ಅಳಿಯ ರಿಶಿ ಸುನಕ್​ಗೆ ಮುಜುಗರ ತಪ್ಪಿಸಲು ರಷ್ಯಾದಲ್ಲಿ ಕಾರ್ಯಾಚರಣೆ ನಿಲ್ಲಿಸಲಿದೆ ಇನ್ಫೋಸಿಸ್

Infosys: ನಾರಾಯಣ ಮೂರ್ತಿ ಅಳಿಯ ರಿಶಿ ಸುನಕ್​ಗೆ ಮುಜುಗರ ತಪ್ಪಿಸಲು ರಷ್ಯಾದಲ್ಲಿ ಕಾರ್ಯಾಚರಣೆ ನಿಲ್ಲಿಸಲಿದೆ ಇನ್ಫೋಸಿಸ್
ರಿಶಿ ಸುನಕ್​ (ಸಂಗ್ರಹ ಚಿತ್ರ)

ಎನ್​ಆರ್​ ನಾರಾಯಣ ಮೂರ್ತಿ ಅವರ ಅಳಿಯ- ಯು.ಕೆ. ಚಾನ್ಸೆಲರ್ ರಿಶಿ ಸುನಕ್​ಗೆ ಮುಜುಗರ ತಪ್ಪಿಸಲು ರಷ್ಯಾದಲ್ಲಿ ಕಾರ್ಯಾಚರಣೆಯನ್ನು ನಿಲ್ಲಿಸಲಿದೆ ಇನ್ಫೋಸಿಸ್.

TV9kannada Web Team

| Edited By: Srinivas Mata

Apr 02, 2022 | 1:13 PM

ಉಕ್ರೇನ್​ನಲ್ಲಿ ಯುದ್ಧ ನಡೆಸುತ್ತಿರುವ ಕಾರಣಕ್ಕೆ ರಷ್ಯಾದಲ್ಲಿ ಭಾರತದ ಐ-ಟಿ ಕಂಪೆನಿ ಇನ್ಫೋಸಿಸ್​ ತನ್ನ ಕಚೇರಿಯ ಬಾಗಿಲು ಹಾಕುತ್ತಿದೆ ಎಂದು ಬಿಬಿಸಿ ವರದಿ ಮಾಡಿದೆ. ಈ ಕಂಪೆನಿಯ ಸಹಸಂಸ್ಥಾಪಕರಲ್ಲಿ ಎನ್​.ಆರ್.ನಾರಾಯಣ ಮೂರ್ತಿ (NR Narayana Murthy) ಸಹ ಒಬ್ಬರು. ರಷ್ಯಾದಲ್ಲಿ ಕಾರ್ಯಾಚರಣೆ ನಿಲ್ಲಿಸುವಂತೆ ಇನ್ಫೋಸಿಸ್​ ಮೇಲೆ ಭಾರೀ ಒತ್ತಡ ಇತ್ತು ಎಂದು ವರದಿಯಲ್ಲಿ ಹೇಳಲಾಗಿದೆ. ಉಕ್ರೇನ್​ ಮೇಲೆ ಆಕ್ರಮಣ ನಡೆಸುತ್ತಿರುವ ರಷ್ಯಾದ ವಿರುದ್ಧ ಪ್ರತಿಭಟನೆ ದಾಖಲಿಸುವ ಉದ್ದೇಶದಿಂದ ಹಲವು ದೊಡ್ಡ ಉದ್ಯಮಗಳು ಆ ದೇಶವನ್ನು ಬಿಟ್ಟು ಹೊರಬರುತ್ತಿವೆ. ಮೂಲಗಳು ಬಿಬಿಸಿಗೆ ತಿಳಿಸಿರುವಂತೆ, ಮಾಸ್ಕೋದಲ್ಲಿನ ತನ್ನ ಉದ್ಯೋಗಿಗಳಿಗೆ ಬದಲಿ ಹುದ್ದೆಗಳನ್ನು ದೊರಕಿಸಲು ಹುಡುಕಾಟ ನಡೆಸುತ್ತಿದೆ.

ಯುನೈಟೆಡ್​ ಕಿಂಗ್​ಡಮ್​ನ ಚಾನ್ಸೆಲರ್ ರಿಶಿ ಸುನಕ್ ಅವರು ನಾರಾಯಣ ಮೂರ್ತಿ ಅವರ ಮಗಳು ಅಕ್ಷತಾರನ್ನು ಮದುವೆ ಆಗಿದ್ದಾರೆ. ಅಕ್ಷತಾ ಅವರ ಷೇರು ಇನ್ಫೋಸಿಸ್ ಕಂಪೆನಿಯಲ್ಲಿ ಇದೆ. ಅದರ ಮೌಲ್ಯ 40 ಕೋಟಿ ಪೌಂಡ್ಸ್ ಇದೆ. ಭಾರತದ ರೂಪಾಯಿ ಲೆಕ್ಕದಲ್ಲಿ 3,984,52,28,176 (3,984 ಕೋಟಿ ರೂಪಾಯಿ) ಆಗುತ್ತದೆ. ಈ ಬಗ್ಗೆ ಸುನಕ್ ಅವರನ್ನು ಪ್ರಶ್ನಿಸಲಾಗುತ್ತಿತ್ತು. ಏಕೆಂದರೆ ಬಹುತೇಕ ರಾಷ್ಟ್ರಗಳ ಕಂಪೆನಿಗಳು ರಷ್ಯಾದಲ್ಲಿ ಕಾರ್ಯ ನಿರ್ವಹಣೆ ನಿಲ್ಲಿಸಿವೆ. ಅಂಥದ್ದರಲ್ಲಿ ಯು.ಕೆ.ದಲ್ಲಿ ಪ್ರಮುಖ ಹುದ್ದೆಯಲ್ಲಿ ಇರುವ ರಿಷಿ ಸುನಕ್ ಅವರು ಪ್ರಮುಖ ಷೇರಿನ ಪಾಲು ಹೊಂದಿರುವ ಕಂಪೆನಿ ರಷ್ಯಾದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದುದರ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು.

ರಷ್ಯನ್ ಅಧ್ಯಕ್ಷ ವ್ಲಾಡ್ಮಿರ್ ಪುಟಿನ್ ಅವರ ಅಧಿಕಾರಾವಧಿಯಲ್ಲಿ ತನ್ನ ಕುಟುಂಬಕ್ಕೆ ಅನುಕೂಲ ಆಗಿರುವ ಆರೋಪದ ಬಗ್ಗೆ ಸುನಕ್ ನಿರಾಕರಿಸಿದ್ದಾರೆ. ತನಗೂ ಇನ್ಫೋಸಿಸ್​ಗೂ ಏನೂ ಸಂಬಂಧ ಇಲ್ಲ ಎಂದು ಹೇಳಿದ್ದಾರೆ. ಫೆಬ್ರವರಿಯಲ್ಲಿ ಉಕ್ರೇನ್ ಮೇಲೆ ಆಕ್ರಮಣ ಆರಂಭಿಸಿದ ಮೇಲೆ ಹಲವು ದೇಶಗಳು ರಷ್ಯಾದ ಮೇಲೆ ನಿರ್ಬಂಧ ಹೇರಿದವು. ವೋಡ್ಕಾದಿಂದ ಉಕ್ಕಿನ ತನಕ ರಷ್ಯಾದಿಂದ ಮಾಡಿಕೊಳ್ಳುವ ವಸ್ತುಗಳಿಗೆ ಯು.ಕೆ. ಆಮದು ಸುಂಕವನ್ನು ಹೆಚ್ಚಿಸಿದ್ದು, ರಷ್ಯಾಗೆ ವಿಲಾಸಿ ವಸ್ತುಗಳ ರಫ್ತು ನಿಷೇಧಿಸಲಾಗಿದೆ.

ಒಟ್ಟಾರೆಯಾಗಿ ಈ ಬೆಳವಣಿಗೆ ಗಮನಿಸಿದರೆ, ಯು.ಕೆ.ದಲ್ಲಿ ಪ್ರಮುಖ ಹುದ್ದೆಯಲ್ಲಿ ಇರುವ ನಾರಾಯಣ ಮೂರ್ತಿ ಅವರ ಅಳಿಯ ರಿಶಿ ಸುನಕ್​ಗೆ ಮುಜುಗರ ತಪ್ಪಿಸಲು ಇನ್ಫೋಸಿಸ್​ ರಷ್ಯಾದಲ್ಲಿ ತನ್ನ ಕಚೇರಿ ಮುಚ್ಚಿದಂತಾಗಿದೆ.

ಇದನ್ನೂ ಓದಿ: ರಷ್ಯಾದಲ್ಲಿ ಇನ್ಫೋಸಿಸ್ ಕಾರ್ಯನಿರ್ವಹಣೆ; ನಾರಾಯಣ ಮೂರ್ತಿ ಅಳಿಯ, ಬ್ರಿಟನ್​ ಹಣಕಾಸು ಸಚಿವ ರಿಷಿ ಸುನಕ್​ಗೆ ಕಠಿಣ ಪ್ರಶ್ನೆ

Follow us on

Related Stories

Most Read Stories

Click on your DTH Provider to Add TV9 Kannada