Japan-India: ಮೋದಿ ಭೇಟಿ ವೇಳೆ 6 ಲಕ್ಷ ಕೋಟಿ ರೂ ಹೂಡಿಕೆ ಪ್ರಕಟಿಸಲಿದೆ ಜಪಾನ್
Narendra Modi's Japan Visit on Aug 29-31: ಆಗಸ್ಟ್ 29ರಿಂದ ಜಪಾನ್ಗೆ ನರೇಂದ್ರ ಮೋದಿ ಅವರು 3 ದಿನಗಳ ಭೇಟಿ ಮಾಡುತ್ತಿದ್ದಾರೆ. ಭಾರತ ಮತ್ತು ಜಪಾನ್ ನಡುವಿನ ವಾರ್ಷಿಕ ಸಭೆಯ ಬಳಿಕ ಎರಡೂ ದೇಶಗಳ ಪ್ರಧಾನಿಗಳು ಜಂಟಿ ಹೇಳಿಕೆ ಬಿಡುಗಡೆ ಮಾಡಲಿದ್ದಾರೆ. ಈ ವೇಳೆ ಬುಲೆಟ್ ಟ್ರೈನ್ ಪ್ರಾಜೆಕ್ಟ್ಗಳು ಸೇರಿದಂತೆ ಜಪಾನ್ ಸರ್ಕಾರ 68 ಬಿಲಿಯನ್ ಡಾಲರ್ ಮೊತ್ತದ ಹೂಡಿಕೆಗಳನ್ನು ಪ್ರಕಟಿಸಬಹುದು.
Updated on: Aug 22, 2025 | 4:13 PM
ಟೋಕಿಯೋ, ಆಗಸ್ಟ್ 22: ಪ್ರಧಾನಿ ನರೇಂದ್ರ ಮೋದಿ ಅವರ ಜಪಾನ್ ಭೇಟಿ ವೇಳೆ ಮಹತ್ವದ ಘೋಷಣೆ ಆಗುವ ಸಾಧ್ಯತೆ ಇದೆ. ಕ್ಯೂಡೋ ನ್ಯೂಸ್ ಪ್ರಕಟಿಸಿದ ವರದಿ ಪ್ರಕಾರ ನರೇಂದ್ರ ಮೋದಿ (Narendra Modi) ಅವರು ಜಪಾನ್ಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಜಪಾನ್ ಸರ್ಕಾರ 10 ಟ್ರಿಲಿಯನ್ ಯೆನ್ (ಸುಮಾರು 68 ಬಿಲಿಯನ್ ಡಾಲರ್) ಮೊತ್ತದ ಹೂಡಿಕೆಗಳನ್ನು (Investment) ಪ್ರಕಟಿಸುವ ಸಾಧ್ಯತೆ ಇದೆ. ಭಾರತದಲ್ಲಿ ಮುಂದಿನ ಕೆಲ ವರ್ಷಗಳಲ್ಲಿ ಜಪಾನ್ 6 ಲಕ್ಷ ಕೋಟಿ ರೂ ಮೌಲ್ಯದಷ್ಟು ಹೂಡಿಕೆ ಮಾಡಲು ಯೋಜಿಸಿರುವುದು ತಿಳಿದುಬಂದಿದೆ.
ಜಪಾನ್ ಪ್ರಧಾನಿ ಫುಮಿಯೋ ಕಿಶಿದಾ ಅವರು 2022ರ ಮಾರ್ಚ್ ತಿಂಗಳಲ್ಲಿ ಭಾರತಕ್ಕೆ ಬಂದಿದ್ದಾಗ ಮುಂದಿನ ಐದು ವರ್ಷದಲ್ಲಿ ಜಪಾನ್ನಿಂದ 5 ಟ್ರಿಲಿಯನ್ ಯೆನ್ ಮೊತ್ತದಷ್ಟು ಹೂಡಿಕೆ ಮಾಡಲಾಗಿತ್ತು. ಈಗ ಅದನ್ನೂ ಒಳಗೊಂಡಂತೆ ಹೂಡಿಕೆಯನ್ನು 10 ಟ್ರಿಲಿಯನ್ ಯೆನ್ಗೆ ಹೆಚ್ಚಿಸುವ ಘೋಷಣೆ ಆಗಬಹುದು.
ಇದನ್ನೂ ಓದಿ: ಚೀನಾ ನೇತೃತ್ವದ ಆರ್ಸಿಇಪಿಗೆ ಸೇರಲು ಭಾರತ ಯೋಜನೆ; ಆರು ವರ್ಷದ ಹಿಂದೆ ತೊರೆದಿದ್ದ ಗುಂಪಿಗೆ ಮತ್ತೆ ಸೇರ ಹೊರಟಿರುವುದು ಯಾಕೆ?
ಭಾರತದ ಪ್ರಧಾನಿ ನರೇಂದ್ರ ಮೋದಿ ಆಗಸ್ಟ್ 29ಕ್ಕೆ ಜಪಾನ್ಗೆ ಹೋಗಲಿದ್ದಾರೆ. ಮೂರು ದಿನಗವರೆಗೆ ಅವರು ಇರಲಿದ್ದು, ಜಪಾನ್-ಭಾರತ ಸಮಿಟ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ಸಭೆ ಬಳಿಕ ಎರಡೂ ದೇಶಗಳ ಪ್ರಧಾನಿಗಳಿಂದ ಜಂಟಿ ಹೇಳಿಕೆ ಹೊರಡಬಹುದು.
ನರೇಂದ್ರ ಮೋದಿ ಅವರು ಎರಡು ವರ್ಷದ ಬಳಿಕ ಜಪಾನ್ಗೆ ಹೋಗುತ್ತಿದ್ದಾರೆ. 2023ರ ಮೇನಲ್ಲಿ ಹೋದಾಗ ಜಪಾನ್ ಪ್ರಧಾನಿಯಾಗಿದ್ದವರು ಫುಮಿಯೋ ಕಿಶಿದಾ. ಆಗ ಗ್ರೂಪ್ ಆಫ್ ಸೆವೆನ್ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲು ಹೋಗಿದ್ದರು. ಈ ಬಾರಿ ಶಿಗೆರು ಇಶಿಬಾ ಅವರು ಪ್ರಧಾನಿಯಾಗಿದ್ದಾರೆ. ದ್ವಿಪಕ್ಷೀಯ ಸಭೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ ಮೋದಿ.
ಇದನ್ನೂ ಓದಿ: ಆನ್ಲೈನ್ ಗೇಮಿಂಗ್ ಬಿಲ್ 2025; ಡ್ರೀಮ್11ನಂತಹ ಆ್ಯಪ್ಗಳ ಕತೆ ಏನು? ಇಲ್ಲಿದೆ ಈ ಮಸೂದೆಯ ಮುಖ್ಯಾಂಶಗಳು
ಅತ್ಯಾಧುನಿಕ ಶಿಂಕನ್ಸೆನ್ ಟ್ರೈನ್ ಪ್ರಾಜೆಕ್ಟ್
ನರೇಂದ್ರ ಮೋದಿ ಅವರ ಜಪಾನ್ ಭೇಟಿ ವೇಳೆ ಮುಖ್ಯ ಗಮನ ಇರುವುದು ಮುಂಬೈ ಅಹ್ಮದಾಬಾದ್ ಬುಲೆಟ್ ಟ್ರೈನ್ ಪ್ರಾಜೆಕ್ಟ್ ಅನ್ನು ಬೇಗ ಮುಗಿಸುವುದರ ಕುರಿತಾಗಿ. ಹೊಸ ತಲೆಮಾರಿನ ಟ್ರೈನ್ ಮಾಡಲ್ ಎನಿಸಿದ ಇ10 ಸರಣಿಯ ಶಿಂಕನ್ಸೆನ್ ಅನ್ನು ಭಾರತಕ್ಕೆ ನೀಡಲಿದೆ ಜಪಾನ್. ಈ ಅಡ್ವಾನ್ಸ್ಡ್ ರೈಲು ಎರಡೂ ದೇಶಗಳಲ್ಲಿ ಏಕಕಾಲಕ್ಕೆ ಬಿಡುಗಡೆ ಆಗಬಹುದು. ಭಾರತ ಮತ್ತು ಚೀನಾ ನಡುವಿನ ವ್ಯಾಪಾರ ಬಾಂಧವ್ಯದ ಗಟ್ಟಿತನಕ್ಕೆ ಇದು ಕನ್ನಡಿ ಹಿಡಿದಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
