Toll Rates: ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಟೋಲ್ ತೆರಿಗೆಗಳ ಬಗ್ಗೆ ನೀವು ತಿಳಿದುಕೊಳ್ಳಬೇಕಾ? ಇಲ್ಲಿದೆ ಮಾಹಿತಿ
NHAI Hikes Toll Rates by 10% : ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ಸಂಗ್ರಹಿಸಲಾದ ಟೋಲ್ ತೆರಿಗೆಗಳ ಬಗ್ಗೆ ತಿಳಿದುಕೊಳ್ಳಬೇಕಾ? ಪ್ರದೇಶದಿಂದ ಪ್ರದೇಶಕ್ಕೆ ಹೇಗೆ ಭಿನ್ನವಾಗಿದೆ ಎಂಬುವುದನ್ನು ತಿಳಯಬೇಕಾ? ಇಲ್ಲಿದೆ ಮಾಹಿತಿ.
Updated on: Apr 05, 2023 | 4:02 PM
ಬೆಂಗಳೂರು: ಭಾರತದ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು (NHAI- National Highway Authority of India) ದೇಶದಾದ್ಯಂತ 10% ಕ್ಕಿಂತ ಹೆಚ್ಚು ಟೋಲ್ ತೆರಿಗೆಯನ್ನು ಹೆಚ್ಚಿಸಿದೆ. ರಾಷ್ಟ್ರೀಯ ಹೆದ್ದಾರಿ ಶುಲ್ಕ (ರೇಟಿಂಗ್ ಮತ್ತು ಸಂಗ್ರಹಣೆಯ ನಿರ್ಣಯ) ನಿಯಮಗಳು, 2008 ರ ಅಡಿಯಲ್ಲಿ ತೆರಿಗೆಯನ್ನು ಹೆಚ್ಚಿಸಲಾಗಿದೆ. FY23 ರಲ್ಲಿ ಭಾರತದ ಟೋಲ್ ದರಗಳು ಸರಾಸರಿ 10.5% ರಷ್ಟು ಹೆಚ್ಚಾಗಿದೆ. ಟೋಲ್ ಶುಲ್ಕದ ಬೆಲೆ ಪರಿಷ್ಕರಣೆಯು ಪ್ರದೇಶದಿಂದ ಪ್ರದೇಶಕ್ಕೆ ಭಿನ್ನವಾಗಿರುತ್ತದೆ. ಭಾರತದಲ್ಲಿ ಪ್ರಸ್ತುತ 599 ರಾಷ್ಟ್ರೀಯ ಹೆದ್ದಾರಿಗಳಿದ್ದು ಮುಂಬೈ–ಪುಣೆ ಹೆದ್ದಾರಿಯಲ್ಲಿ ಟೋಲ್ ದರಗಳು ಅತ್ಯಧಿಕವಾಗಿದ್ದು, 18% ರಷ್ಟು ಹೆಚ್ಚಾಗುತ್ತದೆ. ಮುಂಬೈ–ಪುಣೆ ಎಕ್ಸ್‌ಪ್ರೆಸ್‌ವೇ ಅನ್ನು ಬಳಸಲು ಕಾರುಗಳು ಈಗ 270 ರೂ. ಬದಲಿಗೆ 320 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ.
ಪ್ರತಿ ಮೂರು ವರ್ಷಗಳಿಗೊಮ್ಮೆ, ಮಾರ್ಗದ ಟೋಲ್‌ಗಳನ್ನು ದರವನ್ನು ಬದಲಾಯಿಸಲಾಗುತ್ತದೆ. ಹಾಗಾಗಿ ಈ ಬಾರಿ ಸಾರ್ವಜನಿಕ ರಸ್ತೆಗಳಲ್ಲಿ ನಾಲ್ಕು ಚಕ್ರದ ವಾಹನಗಳ ನಿರ್ವಹಣಾ ವೆಚ್ಚವು 14% ಹೆಚ್ಚಾಗುವ ನಿರೀಕ್ಷೆಯಿದೆ. ಕ್ರಿಸಿಲ್ ಅಧ್ಯಯನದ ಪ್ರಕಾರ FY23 ರಲ್ಲಿ ಟೋಲ್ ಆದಾಯವು 16-18% ರಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ.
ಇದನ್ನೂ ಓದಿ: Amazon Layoffs: ಅಮೇಜಾನ್ನಲ್ಲಿ ಮತ್ತೆ ಉದ್ಯೋಗಕಡಿತ; ಗೇಮಿಂಗ್ ವಿಭಾಗಗಳಿಂದ ಹಲವು ಮಂದಿ ಮನೆಗೆ
ಟೋಲ್ ತೆರಿಗೆ ಏಕೆ ವಿಧಿಸಲಾಗುತ್ತದೆ? ಟೋಲ್ ತೆರಿಗೆ ಮತ್ತು ರಸ್ತೆ ತೆರಿಗೆ ಬೇರೆ ಬೇರೆಯಾ?
ಟೋಲ್ ರಸ್ತೆಗಳು ಎಂದು ಕರೆಯಲ್ಪಡುವ ಈ ರಸ್ತೆಮಾರ್ಗಗಳ ಉಸ್ತುವಾರಿಯನ್ನು ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (NHAI) ಹೊಂದಿದ್ದು ಚಾಲಕರು ಅಂತರರಾಜ್ಯ ಎಕ್ಸ್‌ಪ್ರೆಸ್‌ವೇಗಳು, ಸುರಂಗಗಳು, ಸೇತುವೆ ಮತ್ತು ಇತರ ರಾಜ್ಯ ಮತ್ತು ಸ್ಥಳೀಯ ರಸ್ತೆಗಳಲ್ಲಿ ಸಂಚರಿಸಲು ಟೋಲ್ ತೆರಿಗೆಯನ್ನು ಪಾವತಿಸಬೇಕು. ಟೋಲ್ ತೆರಿಗೆ ಮೌಲ್ಯವನ್ನು ಕ್ರಮಿಸುವ ದೂರದಿಂದ ನಿರ್ಧರಿಸಲಾಗುತ್ತದೆ. ಎರಡು ಟೋಲ್ ಕೇಂದ್ರಗಳು ಸಾಮಾನ್ಯವಾಗಿ 60 ಕಿಮೀ ದೂರದಲ್ಲಿರುತ್ತವೆ. ಈ ಹಿಂದೆ, ಟೋಲ್ ಪ್ಲಾಜಾಗಳು ತೆರಿಗೆಗಳನ್ನು ಸಂಗ್ರಹಿಸಲು ಕಾರ್ಯ ನಿರ್ವಹಿಸುತ್ತಿದ್ದವು ಆದರೆ ಈಗ ಸರ್ಕಾರವು ಫಾಸ್ಟ್ಯಾಗ್ ಅನ್ನು ಕಡ್ಡಾಯಗೊಳಿಸಿದೆ.
ರಸ್ತೆ ತೆರಿಗೆ: ರಸ್ತೆ ಮೂಲಸೌಕರ್ಯವನ್ನು ಕಾಪಾಡಿಕೊಳ್ಳಲು, ಭಾರತ ಸರ್ಕಾರವು ಹೊಸ ಕಾರನ್ನು ಖರೀದಿಸಿದವರಿಗೆ ತೆರಿಗೆ ವಿಧಿಸುತ್ತದೆ. ಇದು ರಸ್ತೆಮಾರ್ಗಗಳಲ್ಲಿ ವಿವಿಧ ಕಾರ್ಯಗಳಿಗಾಗಿ ಬಳಸಿದ ಹಣವನ್ನು ಹಿಂಪಡೆಯುವ ಮಾರ್ಗವಾಗಿದೆ.
ಕೇಂದ್ರ ರಸ್ತೆ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಮಾಹಿತಿ ನೀಡಿದಂತೆ, ಶೀಘ್ರದಲ್ಲೇ ದೇಶಾದ್ಯಂತ ಟೋಲ್ ಬೂತ್‌ಗಳನ್ನು ತೆಗೆದುಹಾಕಿ ಜಿಪಿಎಸ್ ಸಾಧನವನ್ನು ಬಳಸಿಕೊಂಡು ವಾಹನ ಟೋಲ್‌ಗಳನ್ನು ಸಂಗ್ರಹಿಸಲಾಗುತ್ತದೆ. ಇದು ಕಾರು ಯಾವ ಮಾರ್ಗದಲ್ಲಿ ಎಷ್ಟು ದೂರ ಪ್ರಯಾಣಿಸಿತು ಎಂಬುದನ್ನು ನಿಖರವಾಗಿ ನಿರ್ಣಯಿಸುತ್ತದೆ. ನೀವು ಟೋಲ್ ರಸ್ತೆಯನ್ನು ನಮೂದಿಸಿದ ತಕ್ಷಣ, ಜಿಪಿಎಸ್ ನೆರವಿನಿಂದ, ಆ ಮೀಟರ್ ಪ್ರಯಾಣಿಸಿದ ದೂರವನ್ನು ಲೆಕ್ಕಹಾಕುತ್ತದೆ ಮತ್ತು ಅದೇ ಪ್ರಕಾರದಲ್ಲಿ ನಿಮ್ಮ ಖಾತೆಯಿಂದ ಹಣವನ್ನು ಕಡಿತಗೊಳಿಸಲಾಗುತ್ತದೆ.
ಇದನ್ನೂ ಓದಿ: REPO Rate: ಬಡ್ಡಿ ದರ ಏರಿಕೆ ಸಾಕು, ನಿಲ್ಲಿಸಿ ಎನ್ನುತ್ತಿರುವ ತಜ್ಞರು; ಏ. 6ರ ಎಂಪಿಸಿ ಸಭೆಯಲ್ಲಿ ಏನಾಗಬಹುದು?
ಟೋಲ್ ಬಗ್ಗೆ ನಿಮಗಿದು ಗೊತ್ತಾ?
- ಭಾರತದಲ್ಲಿ ಸುಮಾರು 1000 ಟೋಲ್ ಗೇಟ್‌ಗಳಿವೆ.
- ಭಾರತದಲ್ಲಿ ಅತಿ ಹೆಚ್ಚು ಟೋಲ್ ರಸ್ತೆಗಳನ್ನು ಹೊಂದಿರುವ ರಾಜ್ಯ ತಮಿಳುನಾಡು.
- ದೆಹಲಿ–ಗುರ್‌ಗಾಂವ್ ಎಕ್ಸ್‌ಪ್ರೆಸ್‌ವೇ ಟೋಲ್ ಪ್ಲಾಜಾ ಒಟ್ಟು 32 ಟೋಲ್ ಲೇನ್‌ಗಳು ಮತ್ತು 4 ರಿವರ್ಸಿಬಲ್ ಟೋಲ್ ಲೇನ್‌ಗಳನ್ನು ಹೊಂದಿರುವ ಭಾರತದ ಅತಿದೊಡ್ಡ ಅಥವಾ ಬಹುಶಃ ಏಷ್ಯಾದ ಅತಿದೊಡ್ಡ ಟೋಲ್ ಪ್ಲಾಜಾ ಆಗಿದೆ.
- ಹೊಸೂರು ರಸ್ತೆಯಲ್ಲಿನ ಎಲಿವೇಟೆಡ್ ಎಕ್ಸ್‌ಪ್ರೆಸ್‌ವೇಯಲ್ಲಿ ಅತಿ ಹೆಚ್ಚು ಟೋಲ್ ಸಂಗ್ರಹಿಸಲಾಗುತ್ತದೆ.
