LIC Jeevan Labh policy : ಎಲ್​ಐಸಿ ಜೀವನ್​ ಲಾಭ್​ ಪಾಲಿಸಿ ಬಗ್ಗೆ ನಿಮಗೆ ಗೊತ್ತಿರಲೇಬೇಕಾದ ಮಾಹಿತಿಗಳಿವು

ಲೈಫ್ ಇನ್ಷೂರೆನ್ಸ್ ಕಾರ್ಪೊರೇಷನ್ (ಎಲ್​ಐಸಿ- ಜೀವ ವಿಮಾ ನಿಗಮ) ಬ್ರ್ಯಾಂಡ್​ ವ್ಯಾಲ್ಯೂ ಬಗ್ಗೆ ಹೊಸದಾಗಿ ಹೇಳುವ ಅಗತ್ಯ ಇಲ್ಲ. ಅದೇ ಸಂಸ್ಥೆಯ ಜೀವನ್ ಲಾಭ್ ಪಾಲಿಸಿ ಬಗ್ಗೆ ನಿಮಗೆ ಇಂದು ತಿಳಿಸಲಾಗುತ್ತಿದೆ. ಇದು ಎಂಡೋಮೆಂಟ್ ಪಾಲಿಸಿ. ಅವಧಿ ಪೂರ್ಣವಾದ ಮೇಲೆ ಮೆಚ್ಯೂರಿಟಿ ಮೊತ್ತ ಒಂದೇ ಇಂಡಿಗಂಟು ಪಾಲಿಸಿದಾರರಿಗೆ ಸಿಗುತ್ತದೆ. ಮೆಚ್ಯೂರಿಟಿಗೂ ಮುಂಚೆಯೇ ಒಂದು ವೇಳೆ ಪಾಲಿಸಿದಾರರು ಸಾವನ್ನಪ್ಪಿದರೆ ಕುಟುಂಬಕ್ಕೆ ಹಣಕಾಸಿನ ಬೆಂಬಲ ದೊರೆಯುತ್ತದೆ ಎಂದು ಎಲ್​ಐಸಿ ತಿಳಿಸಿದೆ. ಅಂದ ಹಾಗೆ ಎಲ್​ಐಸಿಯಿಂದ ನಾನಾ ಬಗೆಯ ವಿಮೆಗಳನ್ನು ಒದಗಿಸಲಾಗುತ್ತದೆ. ಟರ್ಮ್ ಇನ್ಷೂರೆನ್ಸ್, ಮನಿಬ್ಯಾಕ್, ಪೆನ್ಷನ್ ಪ್ಲಾನ್, ಹೆಲ್ತ್ ಇನ್ಷೂರೆನ್ಸ್ ಹೀಗೆ.

ಎಂಡೋಮೆಂಟ್ ಇನ್ಷೂರೆನ್ಸ್ ಪ್ಲಾನ್​ಗಳಿವೆಯಲ್ಲಾ, ಅದು ಸುರಕ್ಷತೆ ಮತ್ತು ಉಳಿತಾಯ ಎರಡರ ಕಾಂಬಿನೇಷನ್. ಇದೀಗ ನಿಮಗೆ ತಿಳಿಸುತ್ತಿರುವ ಜೀವನ ಲಾಭ್ ಪಾಲಿಸಿಯು ಎಲ್​ಐಸಿ ಒದಗಿಸುತ್ತಿರುವ ಎಂಡೋಮೆಂಟ್ ಇನ್ಷೂರೆನ್ಸ್ ಪಾಲಿಸಿಗಳಲ್ಲಿ ಒಂದು. ಈಗ ನಿರ್ದಿಷ್ಟವಾಗಿ ಜೀವನ್ ಲಾಭ್ ಇನ್ಷೂರೆನ್ಸ್ ಪಾಲಿಸಿ ಬಗ್ಗೆಯೇ ತಿಳಿದುಕೊಳ್ಳೋಣ.

* ಒಂದು ವೇಳೆ ಪಾಲಿಸಿ ಅವಧಿಯು 16 ವರ್ಷಗಳಾಗಿದ್ದಲ್ಲಿ 8ರಿಂದ 59 ವರ್ಷದವರೆಗೆ ಯಾವುದೇ ವ್ಯಕ್ತಿ ಇದನ್ನು ಖರೀದಿಸಬಹುದು. ಕನಿಷ್ಠ ಸಮ್ ಅಶ್ಯೂರ್ಡ್ 2 ಲಕ್ಷ ರೂಪಾಯಿ. ಇನ್ನು ಗರಿಷ್ಠ ಮೊತ್ತ ಅಂತ ಯಾವುದೇ ಮಿತಿ ನಿಗದಿ ಆಗಿಲ್ಲ.

* ಈ ಪಾಲಿಸಿಯ ಪ್ರೀಮಿಯಂ ಮಾಸಿಕ, ತ್ರೈಮಾಸಿಕ, ಅರ್ಧವಾರ್ಷಿಕ ಅಥವಾ ವಾರ್ಷಿಕವಾಗಿ ಪಾವತಿ ಮಾಡಬಹುದು.

* ಎಲ್ಐಸಿಯಿಂದ ಮೂರು ಬೇರೆ ಬೇರೆ ಪಾಲಿಸಿ/ಪ್ರೀಮಿಯಂ ಪಾವತಿ ಅವಧಿಗಳಿವೆ. 16 ವರ್ಷ ಪಾಲಿಸಿ ಅವಧಿಗೆ 10 ವರ್ಷ ಪ್ರೀಮಿಯಂ ಪಾವತಿ, 21 ವರ್ಷ ಪಾಲಿಸಿ ಅವಧಿಗೆ 15 ವರ್ಷ ಪ್ರೀಮಿಯಂ ಪಾವತಿ ಮತ್ತು 25 ವರ್ಷದ ಪಾಲಿಸಿ ಅವಧಿಗೆ 16 ವರ್ಷ ಪ್ರೀಮಿಯಂ ಪಾವತಿ ಅವಕಾಶಗಳಿವೆ.

* ಚಂದಾದಾರರು 21 ವರ್ಷದ ಅವಧಿಗೆ ಪಾಲಿಸಿಯನ್ನು ಆಯ್ಕೆ ಮಾಡಿಕೊಂಡರೆ ಗರಿಷ್ಠ ವಯೋಮಿತಿ 54 ವರ್ಷ. ಇನ್ನು 25 ವರ್ಷಗಳ ಪಾಲಿಸಿ ಅವಧಿಯನ್ನು ಆಯ್ಕೆ ಮಾಡಿಕೊಂಡಲ್ಲಿ ಗರಿಷ್ಠ ವಯಸ್ಸು 50 ವರ್ಷ (ಮೆಚ್ಯೂರಿಟಿ 75ನೇ ವಯಸ್ಸಿಗೆ) ಆಗಿರುತ್ತದೆ ಎಂದು ಎಲ್​ಐಸಿ ತಿಳಿಸಿದೆ.

* ಎಲ್​ಐಸಿ ಜೀವನ್​ ಲಾಭ್ ಪಾಲಿಸಿಗೆ ಆದಾಯ ತೆರಿಗೆ ಕಾಯ್ದೆ ಸೆಕ್ಷನ್ 80 (C) ಅಡಿಯಲ್ಲಿ ತೆರಿಗೆ ಅನುಕೂಲಗಳು ಸಹ ದೊರೆಯುತ್ತವೆ.

ಇದನ್ನೂ ಓದಿ: LIC Jeevan Saathi: ಗಂಡ- ಹೆಂಡತಿಗೆ ಇನ್ಷೂರೆನ್ಸ್ ಪಾಲಿಸಿ; ದಿನಕ್ಕೆ 120ರಂತೆ ಪಾವತಿಸಿ, 27 ಲಕ್ಷ ಉಳಿಸಿ

ಇದನ್ನೂ ಓದಿ: LIC ಕಾರ್ಯ ನಿರ್ವಹಣೆ ಮೇ 10ನೇ ತಾರೀಕಿನಿಂದ ವಾರದಲ್ಲಿ 5 ದಿನ ಮಾತ್ರ

(LIC’s endowment policy Jeevan Labh. Here is the must know information about this policy in Kannada)

Published On - 11:13 am, Fri, 7 May 21