New Year 2025: ಬ್ಯಾಂಕ್ ಹಾಗೂ ಷೇರು ಮಾರುಕಟ್ಟೆ ಜನವರಿ 1 ಕ್ಕೆ ತೆರೆದಿರುತ್ತವೆಯೇ? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್

2024ಕ್ಕೆ ವಿದಾಯ ಹೇಳಿ, 2025ರ ಹೊಸ ವರ್ಷಕ್ಕೆ ಬರ ಮಾಡಿಕೊಳ್ಳಲು ಕ್ಷಣಗಣನೆ ಆರಂಭವಾಗಿದೆ ಈಗಾಗಲೇ ಹೊಸ ವರ್ಷವನ್ನು ಬರಮಾಡಿಕೊಳ್ಳಲು ಇಡೀ ದೇಶವೇ ಕಾಯುತ್ತಿದೆ. ಈ ನಡುವೆ ವರ್ಷದ ಮೊದಲ ದಿನವೇ ಕೆಲವರು ಷೇರು ಮಾರುಕಟ್ಟೆ ವ್ಯವಹಾರ ಹಾಗೂ ಬ್ಯಾಂಕ್ ಸಂಬಂಧಿತ ಕೆಲಸಗಳನ್ನು ಮಾಡಬೇಕೆಂದುಕೊಂಡಿದ್ದಾರೆ. ಹೀಗಾಗಿ ಜನವರಿ 1 ಕ್ಕೆ ಷೇರು ಮಾರುಕಟ್ಟೆ ಹಾಗೂ ಬ್ಯಾಂಕ್ ಗಳಿಗೆ ರಜೆಯಿದೆಯೇ ಇಲ್ಲವೇ ಎಂದು ತಿಳಿದುಕೊಳ್ಳುವುದು ಸೂಕ್ತ.

ಜನವರಿ 1 ರಂದು ಷೇರು ಮಾರುಕಟ್ಟೆ ತೆರೆದಿರುತ್ತವೆಯೇ?

ನಿಫ್ಟಿ 50 ಮತ್ತು ಸೆನ್ಸೆಕ್ಸ್‌ಗೆ ಸಂಬಂಧಿಸಿದ ಭಾರತೀಯ ಷೇರು ಮಾರುಕಟ್ಟೆಗಳು ಜನವರಿ 1, 2025 ರಂದು ಎಂದಿನಂತೆ ಕಾರ್ಯನಿರ್ವಹಿಸುತ್ತವೆ. ಎನ್ ಎಸ್ ಇ ಮತ್ತು ಬಿ ಎಸ್ ಇ ಬಿಡುಗಡೆ ಮಾಡಿದ ರಜಾದಿನಗಳ ಪಟ್ಟಿಯಲ್ಲಿ ಜನವರಿ 1 ನ್ನು ಸೇರಿಸಿಲ್ಲ. ಜನವರಿ 1 ರಂದು ಷೇರು ಮಾರುಕಟ್ಟೆ ತೆರೆದಿರುತ್ತದೆ. ಈಕ್ವಿಟಿ, ಈಕ್ವಿಟಿ ಡೆರಿವೇಟಿವ್ಸ್ ವಿಭಾಗ ಮತ್ತು ಸೆಕ್ಯುರಿಟೀಸ್ ಲೆಂಡಿಂಗ್ ಹಾಗೂ ಎರವಲು ವಿಭಾಗಗಳಲ್ಲಿ ವಹಿವಾಟು ಎಂದಿನಂತೆ ಇರಲಿದೆ. ಷೇರು ಮಾರುಕಟ್ಟೆಯು ಬೆಳಿಗ್ಗೆ 9:15 ಕ್ಕೆ ತೆರೆಯುತ್ತದೆ ಮತ್ತು ಮಧ್ಯಾಹ್ನ 3:30 ಕ್ಕೆ ಮುಚ್ಚುತ್ತದೆ. ಜನವರಿ 1, 2025 ರಂದು ಷೇರು ಮಾರುಕಟ್ಟೆ ಮುಚ್ಚಿರುವುದಿಲ್ಲ ಎಂದು ಸ್ಪಷ್ಟನೆ ನೀಡಿದೆ.

ಇದನ್ನೂ ಓದಿ: ಇ-ವ್ಯಾಲಟ್, ಎಟಿಎಂ: ಇಪಿಎಫ್ ಹಣ ಹಿಂಪಡೆಯಲು ಇನ್ನಷ್ಟು ಸುಲಭ ಮಾರ್ಗಗಳು

ಜನವರಿ 1 ಕ್ಕೆ ಬ್ಯಾಂಕುಗಳಿಗೆ ರಜೆಯಿದೆಯೇ?

ಭಾರತದಲ್ಲಿನ ಬ್ಯಾಂಕುಗಳು ಜನವರಿ 1 ರಂದು ಮುಚ್ಚಿರುತ್ತದೆಯೇ ಇಲ್ಲವೇ ಎನ್ನುವ ಗೊಂದಲ ಅನೇಕರಲ್ಲಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ ಜನವರಿ 2025 ರ ಅಧಿಕೃತ ಬ್ಯಾಂಕ್ ರಜೆ ವೇಳಾಪಟ್ಟಿ ಪ್ರಕಾರ ಬ್ಯಾಂಕ್‌ ಗಳಿಗೆ 4 ಭಾನುವಾರ ಮತ್ತು 2 ಶನಿವಾರಗಳನ್ನು ಒಳಗೊಂಡಂತೆ ತಿಂಗಳಾದ್ಯಂತ 15 ರಜಾ ದಿನ ಇರಲಿದೆ. ಆರ್​ಬಿಐ ಕ್ಯಾಲೆಂಡರ್ ಪ್ರಕಾರ ಹೊಸ ವರ್ಷದ ಮೊದಲ ದಿನ ಜನವರಿ 1 ಬ್ಯಾಂಕ್‌ ರಜೆ ಇರುತ್ತದೆ. ರಾಷ್ಟ್ರೀಕೃತ ಬ್ಯಾಂಕ್‌ಗಳಿಗೆ ರಜೆಯಿದ್ದು, ಸ್ಥಳೀಯ ಬ್ಯಾಂಕ್‌ಗಳು ಅವುಗಳ ಕೆಲಸ ಕಾರ್ಯಗಳಿಗೆ ತಕ್ಕಂತೆ ರಜೆ ನೀಡಲಿದೆ. ನಿಮ್ಮ ಹತ್ತಿರದ ಬ್ಯಾಂಕ್ ಶಾಖೆಯಿಂದ ಮುಂಚಿತವಾಗಿಯೇ ರಜಾದಿನಗಳ ಬಗ್ಗೆ ಮಾಹಿತಿಯನ್ನು ಪಡೆದು, ಜನವರಿ 1 ಕ್ಕೆ ರಜೆಯಿದ್ದರೆ ಬ್ಯಾಂಕ್ ಸಂಬಂಧಿತ ಕೆಲಸವನ್ನು ಮುಂದೂಡುವುದು ಸೂಕ್ತ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ