ಎನ್​ಎಸ್​ಇಯಲ್ಲಿ ಟಿ+0 ಸೆಟಲ್ಮೆಂಟ್ ಸಿಸ್ಟಂ ಜಾರಿ ಮುಂದೂಡಿಕೆ; ಶನಿವಾರ, ಭಾನುವಾರ ಪ್ರಾಯೋಗಿಕ ಲೈವ್ ಟ್ರೇಡಿಂಗ್

ಮುಂಬೈ, ಸೆಪ್ಟೆಂಬರ್ 27: ನ್ಯಾಷನಲ್ ಸ್ಟಾಕ್ ಎಕ್ಸ್​ಚೇಂಜ್ ಟಿ+0 ಸೆಟಲ್ಮೆಂಟ್ ಸಿಸ್ಟಂನಲ್ಲಿ ಟ್ರೇಡಿಂಗ್ ಮಾಡುವುದನ್ನು ಮುಂದಕ್ಕೆ ಹಾಕಿದೆ. ಎನ್​ಎಸ್​ಇ ಇಂದು ಶುಕ್ರವಾರ ಟಿ+0 ವ್ಯವಸ್ಥೆ ಮುಂದೂಡಲಾಗಿರುವುದನ್ನು ತಿಳಿಸಿ ಸುತ್ತೋಲೆ ಹೊರಡಿಸಿದೆ. ‘ಕ್ಯಾಪಿಟಲ್ ಮಾರ್ಕೆಟ್ ಸೆಗ್ಮೆಂಟ್ ಗೋ ಲೈವ್​ನಲ್ಲಿ ಟಿ+0 ಸೆಟಲ್ಮೆಂಟ್ ಸೈಕಲ್​ನಲ್ಲಿ ಟ್ರೇಡಿಂಗ್ ಮಾಡುವುದನ್ನು ಮುಂದೂಡಲಾಗಿದೆ’ ಎಂದು ಎನ್​ಎಸ್​ಇ ತನ್ನ ಹೊಸ ಸರ್ಕ್ಯುಲಾರ್​ನಲ್ಲಿ ತಿಳಿಸಿದೆ. ಇದರೊಂದಿಗೆ, ಟ್ರೇಡಿಂಗ್ ಮಾಡಿದ ದಿನವೇ ಹಣ ಪಡೆಯುವ ಟಿ+0 ಸೆಟಲ್ಮೆಂಟ್ ಅವಕಾಶವನ್ನು ಎನ್​ಎಸ್​​ಐ ತಾತ್ಕಾಲಿಕವಾಗಿ ಕೈಬಿಟ್ಟಿದೆ. ಮುಂದಿನ ಸೂಚನೆ ಬರುವವರೆಗೂ ಟಿ+0 ಇರಲ್ಲ.

ಏನಿದು ಟಿ+0 ಸಿಸ್ಟಂ?

ಟಿ+0 ಸಿಸ್ಟಂನಲ್ಲಿ ಟಿ ಎಂದರೆ ಟ್ರೇಡಿಂಗ್. ನೀವು ಷೇರನ್ನು ಖರೀದಿಸಿದಾಗ ಅದೇ ದಿನ ನಿಮ್ಮ ಡೀಮ್ಯಾಟ್ ಖಾತೆಗೆ ಷೇರು ವರ್ಗಾವಣೆ ಆಗುತ್ತದೆ. ನೀವು ಷೇರು ಮಾರಿದಾಗ ಅದರ ಹಣವು ನಿಮ್ಮ ಖಾತೆಗೆ ಅದೇ ದಿನದಂದು ತಲುಪುತ್ತದೆ.

ಇದನ್ನೂ ಓದಿ: ಹುರುನ್ ಅಂಡರ್ 35 ಉದ್ಯಮಿಗಳ ಪಟ್ಟಿಯಲ್ಲಿ ಪಲ್ಲೋನ್ ಮಿಸ್ತ್ರಿ, ಅಲಖ್ ಪಾಂಡೆ ಮತ್ತಿತರರು; ಚಿಕ್ಕ ವಯಸ್ಸಿನ ಉದ್ಯಮಿಗಳು ಬೆಂಗಳೂರಲ್ಲೇ ಹೆಚ್ಚು

ಷೇರು ವಿನಿಮಯ ಕೇಂದ್ರಗಳಲ್ಲಿ ಮೊದಮೊದಲು ಟಿ+5 ಸೆಟಲ್ಮೆಂಟ್ ವ್ಯವಸ್ಥೆ ಇತ್ತು. ಅಂದರೆ, ಇವತ್ತು ನೀವು ಷೇರು ಮಾರಿದರೆ ಅದರ ಹಣ ಸಿಗಲು ಐದು ದಿನ ಕಾಯಬೇಕಿತ್ತು. 2002ರಲ್ಲಿ ಟಿ+3 ಸಿಸ್ಟಂಗೆ ಬದಲಾಯಿಸಲಾಯಿತು. 2003ರಲ್ಲಿ ಟಿ+2 ಸಿಸ್ಟಂ ಬಂದಿತು. 2023ರಲ್ಲಿ ಟಿ+1 ಸಿಸ್ಟಂ ಚಾಲೂ ಇದೆ.

ಟಿ+0 ಸಿಸ್ಟಂ ಅನ್ನು ಮಾರ್ಚ್ ತಿಂಗಳಲ್ಲಿ ಪ್ರಾಯೋಗಿಕವಾಗಿ ಆರಂಭಿಸಲಾಯಿತು. ಬಿಎಸ್​ಇ ಮತ್ತು ಎನ್​ಎಸ್​ಇ ಆಯ್ದ 25 ಷೇರುಗಳಿಗೆ ಟಿ+0 ಸೆಟಲ್ಮೆಂಟ್ ಸೌಲಭ್ಯ ತರಲಾಯಿತು. ಎಸ್​ಬಿಐ, ಎಂಆರ್​ಎಫ್, ಹಿಂಡಾಲ್ಕೋ, ವೇದಾಂತ, ಅಂಬುಜಾ ಸಿಮೆಂಟ್ಸ್, ಅಶೋಕ್ ಲೀಲ್ಯಾಂಡ್, ಬಜಾಜ್ ಆಟೊ, ಬ್ಯಾಂಕ್ ಆಫ್ ಬರೋಡಾ, ನೆಸ್ಲೆ, ಬಿಪಿಸಿಎಲ್ ಇತ್ಯಾದಿ ಷೇರುಗಳಿಗೆ ಟಿ+0 ಸೆಟಲ್ಮೆಂಟ್ ಸಿಸ್ಟಂ ಅಳವಡಿಸಲಾಗಿತ್ತು.

ಇದನ್ನೂ ಓದಿ: 15,000 ಕೋಟಿ ರೂ ಮೊತ್ತದ ಸಾಲವನ್ನೇ ಮಾರಿಬಿಟ್ಟ ಎಚ್​​ಡಿಎಫ್​ಸಿ ಬ್ಯಾಂಕ್; ಏನು ಕಾರಣ?

ನಾಳೆಯಿಂದ ಪ್ರಾಯೋಗಿಕ ಟ್ರೇಡಿಂಗ್ ಸೆಷನ್ಸ್

ನ್ಯಾಷನಲ್ ಸ್ಟಾಕ್ ಎಕ್ಸ್​ಚೇಂಜ್ ತನ್ನ ಡಿಸಾಸ್ಟರ್ ರಿಕವರಿ ಸೈಟ್​ನಿಂದ (ವಿಪತ್ತು ಪರಿಹಾರ ತಾಣ) ಲೈವ್ ಟ್ರೇಡಿಂಗ್ ಮಾಡಲಿದೆ. ಸೆಪ್ಟೆಂಬರ್ 30ಕ್ಕೆ ಆರಂಭವಾಗಿ ಅಕ್ಟೋಬರ್ 1ರವರೆಗೆ, ಎರಡು ದಿನ, ಅಂದರೆ ಶನಿವಾರ ಮತ್ತು ಭಾನುವಾರ ಪ್ರಾಯೋಗಿಕ ಲೈವ್ ಟ್ರೇಡಿಂಗ್ ಸೆಷನ್ಸ್ ನಡೆಯಲಿವೆ.

ಶನಿವಾರ ಮಧ್ಯಾಹ್ನದ 12ಗಂಟೆಯಿಂದ 1 ಗಂಟೆಯವರೆಗೆ ಎಕ್ಸ್​ಚೇಂಜ್ ಕಂಟಿಜೆನ್ಸಿ ಟೆಸ್ಟ್​ಗಳು ನಡೆಯಲಿವೆ ಎಂದು ಎನ್​ಎಸ್​ಇ ಹೇಳಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ