2024-25ನೇ ಸಾಲಿನ 4ನೇ ತ್ರೈಮಾಸಿಕ ಪೇಟಿಎಂ ಆದಾಯದಲ್ಲಿ ಭರ್ಜರಿ ಏರಿಕೆ..!

2024-25ನೇ ಸಾಲಿನ ನಾಲ್ಕನೇ ತ್ರೈಮಾಸಿಕದ ಆದಾಯದ ವರದಿಯನ್ನು ಪೇಟಿಎಂ ಪ್ರಕಟ ಮಾಡಿದ್ದು, ನಾಲ್ಕನೇ ತ್ರೈಮಾಸಿಕದಲ್ಲಿ 81 ಕೋಟಿ ರೂ. ಲಾಭವಾಗಿದೆ ಎಂದು ಪ್ರಕಟಣೆ ಮೂಲಕ ಘೋಷಿಸಿಕೊಂಡಿದೆ. ತೆರಿಗೆ ಪಾವತಿ ನಂತರವೂ (PAT) 23 ಕೋಟಿ ರೂ. ಲಭಾವಾಗಿದೆ ಎಂದು ಪೇಟಿಎಂ ತಿಳಿಸಿದೆ. ಯುಪಿಐ ಸಹಾಯಧನವಾಗಿ 70 ಕೋಟಿ ರೂ.  ಸ್ವೀಕರಿಸಿದ್ದು,  ಒಟ್ಟು 12,809 ಕೋಟಿ ರೂ. ರೋಬಸ್ಟ್​ ಕ್ಯಾಶ್ ಬ್ಯಾಲೆನ್ಸ್ ಇದೆ ಎಂದು ತಿಳಿಸಿದೆ.  ಈ  ಮೂಲಕ ಇಎಸ್​ಒಪಿಗಿಂತ ( ESOP) ಇಬಿಐಟಿಡಿಎ ( EBITDA) ಲಾಭದಾಯವಾಗಿದೆ ಎಂದು ಘೋಷಣೆ ಮಾಡಿದೆ.

2025ರ  ಜನವರಿಯಿಂದ  ಮಾರ್ಚ್​ ವರೆಗಿನ ನಾಲ್ಕನೇ ತ್ರೈಮಾಸಿಕದಲ್ಲಿ  ಇಎಸ್​ಒಪಿಗಿಂತ ಇಬಿಐಟಿಡಿಎ  81 ಕೋಟಿ ರೂ. ಲಾಭದಾಯಕವಾಗಿದೆ. ಇದರಲ್ಲಿ ಯುಪಿಐ ಪ್ರೋತ್ಸಾಹ ಧನವು ಸಹ ಸೇರಿದ್ದು, ಇದರೊಂದಿಗೆ ಇಂದಿನ ತ್ರೈಮಾಕಗಿಂತ  51 ಕೋಟಿ ರೂ. ಹೆಚ್ಚಳವಾಗಿದೆ. ಈ ಮೂಲಕ ಅದು ಒಟ್ಟು 11 ಕೋಟಿ ರೂ.ಗೆ ತಲುಪಿದೆ.

ಈ ಅಸಾಧಾರಣ ವೆಚ್ಚಗಳನ್ನು ಕಡಿಮೆ ಮಾಡಿ ತೆರಿಗೆ ಪಾವತಿ ನಂತರದ ಲಾಭ (PAT) 23 ಕೋಟಿ ರೂ.ಗಳಿಗೆ ಹೆಚ್ಚಳವಾಗಿದೆ. ಯುಪಿಐ ಪ್ರೋತ್ಸಾಹಧನ ಹಾಗೂ ಶುಲ್ಕಗಳನ್ನು ಹೊರತುಪಡಿಸಿ, ತೆರಿಗೆ ಪಾವತಿಯಲ್ಲಿ 115 ಕೋಟಿ ರೂ.ಗಳಿಂದ 93 ಕೋಟಿ ರೂ.ಗಳಿಗೆ ತಲುಪಿದೆ. ಇನ್ನು. ಫಿನ್‌ಟೆಕ್ 12,809 ಕೋಟಿ ರೂ. ನಗದು ಬಾಕಿಯನ್ನು ಘೋಷಿಸಿಕೊಂಡಿದೆ.

2025 ರ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಪೇಟಿಎಂ ತನ್ನ ಆದಾಯದಲ್ಲಿ ಶೇ. 5 ರಷ್ಟು ಬೆಳವಣಿಗೆ ದಾಖಲಿಸಿದ್ದು,, 1,911 ಕೋಟಿ ರೂ.ಗೆ ತಲುಪಿದ್ದು, ಇದರ ಲಾಭ .1,071 ಕೋಟಿರೂ.ಗೆ ಏರಿಕೆಯಾಗಿದೆ. ಈ ಮೂಲಕ 12 ತ್ರೈಮಾಸಿಕದಲ್ಲಿ ಶೇ. 545 ರಷ್ಟು ಏರಿಕೆಯಾಗಿದೆ. ಹಣಕಾಸು ಸೇವೆಗಳಿಂದ ಕಂಪನಿಯ ಆದಾಯವು ಅನುಕ್ರಮವಾಗಿ ಶೆ.9ರಷ್ಟು ಏರಿಕೆಯಾಗಿದ್ದು, 545 ಕೋಟಿ ರೂ.ಗೆ ತಲುಪಿದೆ. ಆದರೆ ವ್ಯಾಪಾರಿ ಸಾಲ ವಿತರಣೆ 4,315 ಕೋಟಿ ರೂ.ಗಳಷ್ಟಿದೆ.

ಕಂಪನಿಯ ನಿವ್ವಳ ಪಾವತಿ ರೂ. 578 ಕೋಟಿಗಳಾಗಿರುವುದರಿಂದ ಪಾವತಿಗಳು ಸ್ಥಿರ ಆದಾಯವನ್ನು ಗಳಿಸುತ್ತಲೇ ಇದೆ. ಇದರಲ್ಲಿ ಯುಪಿಐಯ 70 ಕೋಟಿ ರೂ. ಸೇರಿದೆ. ಇದರೊಂದಿಗೆ ಲಾಭವು 508 ಕೋಟಿ ರೂ.ನಷ್ಟಿದ್ದು, ತ್ರೈಮಾಸಿಕದಿಂದ ಶೇ. 4 ರಷ್ಟು ಏರಿಕೆಯಾಗಿದೆ ಎಂದು ಪೇಟಿಎಂ ತಿಳಿಸಿದೆ.

ಫಿನ್‌ಟೆಕ್ ದೈತ್ಯ ಕಂಪನಿಯು ಏರಿಕೆ ಕಂಡಿದ್ದು,ನಾಲ್ಕರ ತ್ರೈಮಾಸಿಕದಲ್ಲಿ ಒಟ್ಟು ವ್ಯಾಪಾರ ಮೌಲ್ಯ 5.1 ಲಕ್ಷ ಕೋಟಿ ರೂ.ಗಳಿಗೆ ಮತ್ತು ಸರಾಸರಿ ಮಾಸಿಕ ವಹಿವಾಟು 7.2 ಕೋಟಿಗೆ ಏರಿದೆ. ಏತನ್ಮಧ್ಯೆ, ಪೇಟಿಯಂನ ಪಾವತಿ ಸಾಧನಗಳನ್ನು ಬಳಸುವ ವ್ಯಾಪಾರಿಗಳ ಸಂಖ್ಯೆ ತ್ರೈಮಾಸಿಕದಲ್ಲಿ 8 ಲಕ್ಷದಷ್ಟು ಏರಿಕೆಯಾಗಿದ್ದು, ಅದು ಒಟ್ಟು 1.24 ಕೋಟಿಗೆ ತಲುಪಿದೆ.

ಭಾರತದ ಮೊದಲ ಸೋಲಾರ್ ಸೌಂಡ್‌ಬಾಕ್ಸ್ ಮತ್ತು ಮಹಾಕುಂಭ ಸೌಂಡ್‌ಬಾಕ್ಸ್ ಅನ್ನು ಪ್ರಾರಂಭಿಸುವುದರೊಂದಿಗೆ ಕಂಪನಿ ಬಲವಾಗಿದೆ ಈ ಹೊಸ ಉತ್ಪನ್ನಗಳು ಸೌಂಡ್‌ಬಾಕ್ಸ್ ವಿಭಾಗದಲ್ಲಿ ಪೇಟಿಯಂನ ಪ್ರಾಬಲ್ಯವನ್ನು ಬಲಪಡಿಸುವುದಲ್ಲದೆ, ವ್ಯಾಪಾರಿಗಳಲ್ಲಿ ಹಣಕಾಸು ಸೇವೆಗಳ ವಿತರಣೆಯನ್ನು ವಿಸ್ತರಿಸುವಲ್ಲಿ ಸಹಾಯಕವಾಗಿದೆ.

Published On - 10:04 pm, Tue, 6 May 25