ಯುಪಿಐನ ಹೊಸ ಫೀಚರ್ ಕ್ರೆಡಿಟ್ ಲೈನ್ ಹೇಗೆ ಬಳಸುವುದು? ಇಲ್ಲಿದೆ ಅದರ ಅನುಕೂಲತೆಗಳು

ಕಾಲಕ್ಕೆ ಮತ್ತು ಅವಶ್ಯಕತೆಗೆ ಅನುಗುಣವಾಗಿ ಯುಪಿಐನಲ್ಲಿ ಹೊಸ ಫೀಚರ್​ಗಳನ್ನು ತರಲಾಗುತ್ತಲೇ ಇದೆ. ಇತ್ತೀಚೆಗಷ್ಟೇ ಯುಪಿಐನಲ್ಲಿ ಪೂರ್ವ ಅನುಮೋದಿತ ಕ್ರೆಡಿಟ್ ಲಿಮಿಟ್ (UPI credit) ಹೊಂದುವ ಹೊಸ ಫೀಚರ್ ಅನ್ನು ಘೋಷಿಸಲಾಗಿತ್ತು. ಏಪ್ರಿಲ್ ತಿಂಗಳಲ್ಲಿ ಆರ್​ಬಿಐ ಗವರ್ನರ್ ಶಕ್ತಿಕಾಂತದಾಸ್ ಈ ಫೀಚರ್ ಬಗ್ಗೆ ಮಾಹಿತಿ ನೀಡಿದ್ದರು. ಈ ಫೀಚರ್ ಹೇಗೆ ಕೆಲಸ ಮಾಡುತ್ತದೆ ಎಂದು ಸೆಪ್ಟೆಂಬರ್ ತಿಂಗಳಲ್ಲಿ ನಡೆದ ಗ್ಲೋಬಲ್ ಫಿನ್​ಟೆಕ್ ಫೆಸ್ಟಿವಲ್​ನಲ್ಲಿ ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಶನ್ ಸಂಸ್ಥೆ ಪ್ರಾಯೋಗಿಕವಾಗಿ ತೋರಿಸಿತ್ತು. ಶೀಘ್ರದಲ್ಲೇ ಈ ಫೀಚರ್ ಅನುಷ್ಠಾನಕ್ಕೆ ಬರಲಿದೆ. ಸದ್ಯ ಯುಪಿಐ ಆ್ಯಪ್​ಗಳಿಗೆ ಸೇವಿಂಗ್ಸ್ ಬ್ಯಾಂಕ್ ಅಕೌಂಟ್, ಪ್ರೀಪೇಯ್ಡ್ ವ್ಯಾಲಟ್, ಓವರ್​ಡ್ರಾಫ್ಟ್ ಅಕೌಂಟ್ ಮತ್ತು ಕ್ರೆಡಿಟ್ ಕಾರ್ಡ್​ಗಳನ್ನು ಲಿಂಕ್ ಮಾಡಲು ಅವಕಾಶ ಇದೆ. ಈಗ ಬ್ಯಾಂಕುಗಳಿಂದ ಮೊದಲೇ ಅನುಮೋದನೆ ಪಡೆದ ಕ್ರೆಡಿಟ್ ಲೈನ್ ಅನ್ನೂ ಯುಪಿಐಗೆ ಲಿಂಕ್ ಮಾಡಬಹುದು. ಕ್ರೆಡಿಟ್ ಕಾರ್ಡ್ ರೀತಿಯಲ್ಲಿ ಯುಪಿಐನಲ್ಲಿ ಕ್ರೆಡಿಟ್ ಲೈನ್ (UPI credit line) ಅನ್ನು ಉಪಯೋಗಿಸಬಹುದು.

ಬ್ಯಾಂಕ್​ನಲ್ಲಿ ಅರ್ಜಿ ಸಲ್ಲಿಸಿ ಕ್ರೆಡಿಟ್ ಲೈನ್ ಪಡೆಯಬೇಕು

ಯುಪಿಐ ಬಳಕೆದಾರರು ತಮ್ಮ ಬ್ಯಾಂಕಿಗೆ ಹೋಗಿ ಅರ್ಜಿ ಸಲ್ಲಿಸಬೇಕು. ಜೊತೆಗೆ ನಿಮ್ಮ ಆದಾಯ ವರದಿ, ಐಡಿ ಪ್ರೂಫ್, ಅಡ್ರೆಸ್ ಪ್ರೂಫ್ ಇತ್ಯಾದಿ ದಾಖಲೆಗಳನ್ನು ಜೊತೆಗೆ ಕೊಡಬೇಕು. ಕ್ರೆಡಿಟ್ ಕಾರ್ಡ್​ಗೆ ಲಿಮಿಟ್ ನಿರ್ಧರಿಸುವಾಗ ಪರಿಗಣಿಸಲಾಗುವ ಅಂಶಗಳೇ ಬಹುತೇಕ ಯುಪಿಐ ಕ್ರೆಡಿಟ್ ಲೈನ್ ನೀಡಲು ಬಳಕೆ ಆಗುತ್ತವೆ. ಗ್ರಾಹಕರ ಹಣಕಾಸು ಸ್ಥಿತಿ, ಆದಾಯ, ಕ್ರೆಡಿಟ್ ಸ್ಕೋರ್, ಸಾಲ ಮರುಪಾವತಿಯ ಇತಿಹಾಸ ಇವೆಲ್ಲವನ್ನೂ ಬ್ಯಾಂಕು ಪರಿಶೀಲಿಸಿ ಕ್ರೆಡಿಟ್ ಲೈನ್​ ಮೊತ್ತವನ್ನು ನಿರ್ಧರಿಸುತ್ತದೆ.

ಇದನ್ನೂ ಓದಿ: ಸರ್ಕಾರ ಕಳುಹಿಸುವ ಎಮರ್ಜೆನ್ಸಿ ಅಲರ್ಟ್ ಟೆಸ್ಟ್ ಮೆಸೇಜ್ ನಿಮ್ಮ ಮೊಬೈಲ್​ಗೆ ಬಂದಿಲ್ಲವಾ? ಕಾರಣಗಳೇನಿರಬಹುದು?

ಕ್ರೆಡಿಟ್ ಲೈನ್ ಹೇಗೆ ಬಳಸಬಹುದು?

ಒಮ್ಮೆ ನಿಮ್ಮ ಬ್ಯಾಂಕ್ ನಿಮಗೆ ಕ್ರೆಡಿಟ್ ಲೈನ್​ಗೆ ಹಣವನ್ನು ಸ್ಯಾಂಕ್ಷನ್ ಮಾಡಿದರೆ, ನಿಮ್ಮ ಬ್ಯಾಂಕ್ ಖಾತೆಗೆ ಲಿಂಕ್ ಆಗಿರುವ ಯಾವುದೇ ಯುಪಿಐ ಆ್ಯಪ್​ನಲ್ಲೂ ಕ್ರೆಡಿಟ್ ಲೈನ್ ಸೌಲಭ್ಯ ಬಳಸಬಹುದು.

ನಿಮ್ಮ ಕ್ರೆಡಿಟ್ ಲೈನ್​ನ ಮಿತಿಯವರೆಗೂ ನೀವು ಹಣ ಬಳಸಬಹುದು. ಕ್ರೆಡಿಟ್ ಕಾರ್ಡ್​ನಲ್ಲಿರುವಂತೆ ನಿರ್ದಿಷ್ಟ ಅವಧಿಯವರೆಗೆ ನೀವು ಬಳಸುವ ಹಣಕ್ಕೆ ಬಡ್ಡಿ ಇರುವುದಿಲ್ಲ. ಆ ಬಳಿಕ ಬಡ್ಡಿ ಇರುತ್ತದಾದರೂ ಕ್ರೆಡಿಟ್ ಕಾರ್ಡ್​ನಲ್ಲಿರುವಷ್ಟು ಹೆಚ್ಚಿನ ಮಟ್ಟದಲ್ಲಿ ಬಡ್ಡಿ ಇರುವುದಿಲ್ಲ.

ಹಾಗೆಯೇ, ನೀವು ಕ್ರೆಡಿಟ್ ಲೈನ್ ಸೌಲಭ್ಯದಲ್ಲಿ ಬಳಸಿದ ಹಣವನ್ನು ನಿಗದಿತ ದಿನದಲ್ಲಿ ಮರುಪಾವತಿಗೆ ಅವಕಾಶ ಕೊಡಲಾಗುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ