AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Google vs PhonePe: ಗೂಗಲ್​ಗೆ ಸೆಡ್ಡುಹೊಡೆಯುತ್ತಿರುವ ಫೋನ್​ಪೆ; ಪ್ಲೇಸ್ಟೋರ್​ಗೆ ಪ್ರತಿಯಾಗಿ ಬರಲಿದೆ ಹೊಸ ಆ್ಯಪ್ ಸ್ಟೋರ್

Android App Store Market: ಆಂಡ್ರಾಯ್ಡ್ ಮೊಬೈಲ್​ಗಳಲ್ಲಿ ಗೂಗಲ್ ಪ್ಲೇ ಸ್ಟೋರ್ ಜೊತೆಗೆ ಫೋನ್ ಪೇಯ ಹೊಸ ಆ್ಯಪ್ ಸ್ಟೋರ್​ವೊಂದನ್ನು ಮುಂದಿನ ದಿನಗಳಲ್ಲಿ ಕಾಣಬಹುದು. ಭಾರತೀಯರ ಸ್ಥಳೀಯ ಅಗತ್ಯಗಳಿಗೆ ತಕ್ಕಂತೆ ಆ್ಯಪ್ ಸ್ಟೋರ್ ಅನ್ನು ಫೋನ್ ಪೇ ರೂಪಿಸುತ್ತಿದೆ.

Google vs PhonePe: ಗೂಗಲ್​ಗೆ ಸೆಡ್ಡುಹೊಡೆಯುತ್ತಿರುವ ಫೋನ್​ಪೆ; ಪ್ಲೇಸ್ಟೋರ್​ಗೆ ಪ್ರತಿಯಾಗಿ ಬರಲಿದೆ ಹೊಸ ಆ್ಯಪ್ ಸ್ಟೋರ್
ಫೋನ್​ಪೇ
ಸುಗ್ಗನಹಳ್ಳಿ ವಿಜಯಸಾರಥಿ
|

Updated on:Apr 24, 2023 | 7:02 PM

Share

ನವದೆಹಲಿ: ಗೂಗಲ್ ಪ್ರಾಬಲ್ಯದ ಆಂಡ್ರಾಯ್ಡ್ ಮಾರುಕಟ್ಟೆಯಲ್ಲಿ (Android Market) ನೆಲೆಯೂರಲು ಫೋನ್​ಪೇ ಯತ್ನಿಸುತ್ತಿದೆ. ಆಂಡ್ರಾಯ್ಡ್ ಮೊಬೈಲ್​ಗಳಲ್ಲಿ ಇರುವ ಪ್ಲೇ ಸ್ಟೋರ್​ಗೆ ಪ್ರತಿಯಾಗಿ ಫೋನ್ ಪೇ (PhonePe) ಹೊಸ ಆ್ಯಪ್ ಸ್ಟೋರ್ ಸ್ಥಾಪಿಸಲು ಹೊರಟಿದೆ. ಇದು ಸಾಕಾರವಾದರೆ ಭಾರತೀಯ ಮಾರುಕಟ್ಟೆಗೆ ಅಗತ್ಯ ಇರುವ ಆ್ಯಪ್​ಗಳ ಸಂಗ್ರಹವನ್ನು ಫೋನ್ ಪೇನ ಆ್ಯಪ್ ಸ್ಟೋರ್​ನಲ್ಲಿ ಕಾಣಬಹುದಾಗಿದೆ. ಫೋನ್ ಪೇ ಸ್ಥಳೀಯ ಮಾರುಕಟ್ಟೆಗೆ ಅನುಗುಣವಾಗಿರುವ ಆ್ಯಪ್​ಗಳ ಸ್ಟೋರ್ (Localized App Store) ನಿರ್ಮಾಣಕ್ಕೆ ಪ್ರಯತ್ನ ನಡೆಸಿದೆ. ಈ ಸುದ್ದಿಯನ್ನು ಫೋನ್ ಪೇ ಖಚಿತಡಿಸಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ವ್ಯಾಲಟ್ ಆ್ಯಪ್ ಆಗಿ ಭಾರತೀಯರಿಂದ ಸ್ಥಾಪನೆಯಾದ ಫೋನ್ ಪೇ ಕಂಪನಿಯನ್ನು ಅಮೆರಿಕದ ವಾಲ್ಮಾರ್ಟ್ ಗ್ರೂಪ್ (Walmart Group) ಖರೀದಿಸಿದೆ. ಇದಾದ ಬಳಿಕ ಫೋನ್ ಪೇ ಹೊಸ ಹೊಸ ಪ್ರಯೋಗಗಳನ್ನು ಕೈಗೊಳ್ಳುತ್ತಿದೆ. ಇದೀಗ ಗೂಗಲ್ ಪ್ರಾಬಲ್ಯದ ಕ್ಷೇತ್ರಕ್ಕೆ ಹೋಗಿ ನೆಲೆಯೂರಲು ಯತ್ನಿಸುತ್ತಿರುವುದು ಗಮನಾರ್ಹ.

ವರದಿಗಳ ಪ್ರಕಾರ ಫೋನ್ ಪೇನ ಆ್ಯಪ್ ಸ್ಟೋರ್​ನಲ್ಲಿ 12 ಭಾರತೀಯ ಭಾಷೆಗಳಿಗೆ ನೆರವು ಇರಲಿದೆಯಂತೆ. ದಿನದ 24 ಗಂಟೆಯೂ ಗ್ರಾಹಕರು ಲೈವ್ ಚ್ಯಾಟ್ ನಡೆಸಿ ತಮ್ಮ ಸಮಸ್ಯೆಗಳನ್ನು ನಿವಾರಿಸಿಕೊಳ್ಳುವ ಸೌಲಭ್ಯ ಒದಗಿಸಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿAkriti Chopra: ಈಕೆ ಆಕೃತಿ ಚೋಪ್ರಾ; ಉದ್ಯೋಗಿಯಾದವಳಿಗೆ ಸಿಕ್ತು ಸಹ-ಸಂಸ್ಥಾಪಕಿ ಪಟ್ಟ; ಗಂಡನ ಸಂಸ್ಥೆಯನ್ನೇ ಖರೀದಿಸಿತು ಈಕೆಯ ಕಂಪನಿ

ಗೂಗಲ್​ನ ಪ್ಲೇ ಸ್ಟೋರ್​ಗೆ ಪರ್ಯಾಯವಾಗಿರುವ, ಭಾಷೆಯ ವಿಚಾರದಲ್ಲಿ ಮತ್ತು ಗ್ರಾಹಕ ಅಸಕ್ತಿ ವಿಚಾರದಲ್ಲಿ ಹೆಚ್ಚು ಸ್ಥಳೀಕೃತವಾದ ಆ್ಯಪ್ ಅನ್ನು ನಿರ್ಮಿಸಲಾಗುತ್ತಿದೆ ಎಂದು ಫೋನ್ ಪೇ ಅಧಿಕಾರಿಯೊಬ್ಬರು ಹೇಳಿದ್ದಾಗಿ ಟೆಕ್​ಕ್ರಂಚ್​ನ ವರದಿಯಲ್ಲಿ ತಿಳಿಸಲಾಗಿದೆ.

ಗೂಗಲ್​ನಿಂದ ಫೋನ್​ಪೇ ಆ್ಯಪ್ ಸ್ಟೋರ್​ಗೆ ಅಡ್ಡಿಯಾಗುವುದಿಲ್ಲವಾ?

ಆಂಡ್ರಾಯ್ಡ್ ತಂತ್ರಾಂಶ ಗೂಗಲ್​ಗೆ ಸೇರಿದ್ದಾಗಿದೆ. ಹೀಗಾಗಿ ಆಂಡ್ರಾಯ್ಡ್ ಮೊಬೈಲ್​ಗಳಲ್ಲಿ ಗೂಗಲ್ ಆಡಿದ್ದೇ ಆಟ. ಆದರೆ, ಈ ಆಟಕ್ಕೆ ಭಾರತದ ಸಿಸಿಐ ಬ್ರೇಕ್ ಹಾಕಿದೆ. ಆಂಡ್ರಾಯ್ಡ್ ಮೊಬೈಲ್ ಮತ್ತು ಪ್ಲೇ ಸ್ಟೋರ್​ನಲ್ಲಿ ತನ್ನ ಉತ್ಪನ್ನಗಳು ಹಾಗೂ ತನಗೆ ಬೇಕಾದವರ ಉತ್ಪನ್ನಗಳಿಗೆ ಗೂಗಲ್ ಆದ್ಯತೆ ಕೊಡುತ್ತಿದೆ. ಮೊಬೈಲ್ ಉಪಕರಣ ತಯಾರಕರ ಮೇಲೂ ಒತ್ತಡ ಹಾಕುತ್ತಿದೆ ಎಂಬ ಆರೋಪ ಇದೆ. ಇದೇ ಕಾರಣಕ್ಕೆ ಕಾಂಪಿಟೀಶನ್ ಕಮಿಷನ್ ಆಫ್ ಇಂಡಿಯಾ ಸಂಸ್ಥೆ ಗೂಗಲ್​ಗೆ ದಂಡ ವಿಧಿಸಿದ್ದು, ಆಂಡ್ರಾಯ್ಡ್ ಪ್ಲಾಟ್​ಫಾರ್ಮ್​ನಲ್ಲಿ ಸ್ಪರ್ಧೆಗಳಿಗೆ ಅನುವು ಮಾಡಿಕೊಡಬೇಕೆಂದು ಗೂಗಲ್​ಗೆ ಆದೇಶಿಸಿದೆ.

ಇದನ್ನೂ ಓದಿGold Prediction: ಇನ್ನೊಂದು ವರ್ಷದಲ್ಲಿ ಚಿನ್ನದ ಬೆಲೆ ಎಷ್ಟು ಹೆಚ್ಚಾಗುತ್ತದೆ? ನಿಮ್ಮ ಹಣ ಎಷ್ಟು ಬೆಳೆಯುತ್ತದೆ? ಇಲ್ಲಿದೆ ಡೀಟೇಲ್ಸ್

ಈ ಕಾರಣಕ್ಕೆ ಗೂಗಲ್ ಸಂಸ್ಥೆ ಫೋನ್​ಪೇಯ ಆ್ಯಪ್ ಸ್ಟೋರ್​ಗೆ ಅಡ್ಡಿಪಡಿಸುವಂತಿಲ್ಲ. ಫೋನ್ ಪೇ ಈಗಾಗಲೆ ಒಇಎಂಗಳನ್ನು (ಮೊಬೈಲ್ ತಯಾರಕರು) ಸಂಪರ್ಕಿಸಿ ತನ್ನ ಆ್ಯಪ್ ಸ್ಟೋರ್ ಸ್ಥಾಪನೆ ಬಗ್ಗೆ ಮಾತುಕತೆ ನಡೆಸಿದೆ. ಒಂದು ಒಇಎಂ ಜೊತೆ ಫೋನ್ ಪೇ ನಡೆಸಿದ ಮಾತುಕತಡೆ ಫಲಪ್ರದ ಕೂಡ ಆಗಿದೆ ಎಂದು ತಿಳಿದುಬಂದಿದೆ. ಬಹುತೇಕ ಎಲ್ಲಾ ಒಇಎಂಗಳು ಫೋನ್ ಪೇಯ ಹೊಸ ಆ್ಯಪ್ ಸ್ಟೋರ್ ಬಗ್ಗೆ ಅತೀವ ಕುತೂಹಲ ವ್ಯಕ್ತಪಡಿಸಿವೆಯಂತೆ.

ಇನ್ನಷ್ಟು ವ್ಯವಹಾರ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 7:02 pm, Mon, 24 April 23

ಐಶ್ವರ್ಯ ರೈ ಹೇಗೆ ಸಹಿಸ್ಕೊಳ್ತಾಳೋ? ಟ್ರೋಲ್ ಆದ ಜಯಾ ಬಚ್ಚನ್
ಐಶ್ವರ್ಯ ರೈ ಹೇಗೆ ಸಹಿಸ್ಕೊಳ್ತಾಳೋ? ಟ್ರೋಲ್ ಆದ ಜಯಾ ಬಚ್ಚನ್
ನಾನು ದರ್ಶನ್ ಪರ, ಪ್ರಥಮ್​ದು ತುಸು ಹೆಚ್ಚಾಯ್ತು: ಧ್ರುವ ಸರ್ಜಾ
ನಾನು ದರ್ಶನ್ ಪರ, ಪ್ರಥಮ್​ದು ತುಸು ಹೆಚ್ಚಾಯ್ತು: ಧ್ರುವ ಸರ್ಜಾ
ಸರ್ಕಾರಿ ಶಾಲೆಯ ನೀರಿನ ಟ್ಯಾಂಕ್​​ ವಿಷ : ತಪ್ಪಿದ ಅನಾಹುತ!
ಸರ್ಕಾರಿ ಶಾಲೆಯ ನೀರಿನ ಟ್ಯಾಂಕ್​​ ವಿಷ : ತಪ್ಪಿದ ಅನಾಹುತ!
ನನಗೂ ಕಹಿ ಅನುಭವ ಆಗಿತ್ತು: ಅಭಿಮಾನಿಗಳ ಅತಿರೇಕದ ಬಗ್ಗೆ ಯೋಗಿ ಮಾತು
ನನಗೂ ಕಹಿ ಅನುಭವ ಆಗಿತ್ತು: ಅಭಿಮಾನಿಗಳ ಅತಿರೇಕದ ಬಗ್ಗೆ ಯೋಗಿ ಮಾತು
ಮತಗಳ್ಳತನ ಬಗ್ಗೆ ರಾಹುಲ್ ಗಾಂಧಿ ಬಳಿ ಎಲ್ಲಾ ದಾಖಲೆಗಳಿವೆ: ಸಿದ್ದರಾಮಯ್ಯ
ಮತಗಳ್ಳತನ ಬಗ್ಗೆ ರಾಹುಲ್ ಗಾಂಧಿ ಬಳಿ ಎಲ್ಲಾ ದಾಖಲೆಗಳಿವೆ: ಸಿದ್ದರಾಮಯ್ಯ
ದೊಡ್ಡಬಳ್ಳಾಪುರ: ಕಾರು ಚಾಲಕನ ಮೇಲೆ ಟೋಲ್​ ಸಿಬ್ಬಂದಿ ಮಾರಣಾಂತಿಕ ಹಲ್ಲೆ
ದೊಡ್ಡಬಳ್ಳಾಪುರ: ಕಾರು ಚಾಲಕನ ಮೇಲೆ ಟೋಲ್​ ಸಿಬ್ಬಂದಿ ಮಾರಣಾಂತಿಕ ಹಲ್ಲೆ
W,W,W,W,W,W: ಇಂಗ್ಲೆಂಡ್​ನಲ್ಲಿ ಯುಜ್ವೇಂದ್ರ ಚಹಲ್ ಸ್ಪಿನ್ ಮೋಡಿ
W,W,W,W,W,W: ಇಂಗ್ಲೆಂಡ್​ನಲ್ಲಿ ಯುಜ್ವೇಂದ್ರ ಚಹಲ್ ಸ್ಪಿನ್ ಮೋಡಿ
ಆಗಸ್ಟ್ ಕೊನೆಯಲ್ಲಿ ಮತ್ತೆ ಟೋಯಿಂಗ್ ಶುರು: ಗೃಹ ಸಚಿವ ಪರಮೇಶ್ವರ್ ಘೋಷಣೆ
ಆಗಸ್ಟ್ ಕೊನೆಯಲ್ಲಿ ಮತ್ತೆ ಟೋಯಿಂಗ್ ಶುರು: ಗೃಹ ಸಚಿವ ಪರಮೇಶ್ವರ್ ಘೋಷಣೆ
‘ಅದೃಷ್ಟ ದೇವತೆ ಬಟ್ಟೆ ಬಿಚ್ಚಿಸುವವರು ದೇವರಿಗೆ ವಂದಿಸುತ್ತಾರೆ’; ಪ್ರಥಮ್
‘ಅದೃಷ್ಟ ದೇವತೆ ಬಟ್ಟೆ ಬಿಚ್ಚಿಸುವವರು ದೇವರಿಗೆ ವಂದಿಸುತ್ತಾರೆ’; ಪ್ರಥಮ್
ಜನರ ಸಮಸ್ಯೆ ಪರಿಹಾರಕ್ಕೆ ಆ್ಯಪ್​: ವಿನೂತನ ಪ್ರಯತ್ನಕ್ಕೆ ಕೈಹಾಕಿದ ಶಾಸಕ
ಜನರ ಸಮಸ್ಯೆ ಪರಿಹಾರಕ್ಕೆ ಆ್ಯಪ್​: ವಿನೂತನ ಪ್ರಯತ್ನಕ್ಕೆ ಕೈಹಾಕಿದ ಶಾಸಕ