PM Kisan eKYC: ಪಿಎಂ ಕಿಸಾನ್ ಸ್ಕೀಮ್: ಇಕೆವೈಸಿ ಅಪ್ಡೇಟ್ ಬಹಳ ಸುಲಭ; ಇಲ್ಲಿವೆ ವಿವಿಧ ವಿಧಾನಗಳು
How to Update eKYC For PM Kisan Scheme: ಪಿಎಂ ಕಿಸಾನ್ ಸ್ಕೀಮ್ನಲ್ಲಿ ನೊಂದಾಯಿಸಿದವರೆಲ್ಲರೂ ಕೆವೈಸಿ ಅಪ್ಡೇಟ್ ಮಾಡುವುದು ಕಡ್ಡಾಯ. ಕೆವೈಸಿ ಪರಿಷ್ಕರಿಸದಿದ್ದವರಿಗೆ 13ನೇ ಕಂತಿನ ಹಣ ಸಿಕ್ಕಿರಲಿಲ್ಲ. ಈಗಲೂ ಅಂಥವರಿಗೆ 14ನೇ ಕಂತಿನ ಹಣ ಬರುವುವುದಿಲ್ಲ. ಆನ್ಲೈನ್ನಲ್ಲೇ ಇಕೆವೈಸಿ ಅಪ್ಡೇಟ್ ಮಾಡುವ ಸುಲಭ ವಿಧಾನಗಳು ಇಲ್ಲಿವೆ.
ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯಲ್ಲಿ (PM Kisan Samman Nidhi Yojana) ಕೇಂದ್ರದ 14ನೇ ಕಂತಿನ ಹಣ ಬಿಡುಗಡೆಗೆ ದಿನಗಣನೆ ನಡೆದಿದೆ. ಯಾವಾಗ ಬೇಕಾದರೂ ಕಂತಿನ ಹಣ ಬಿಡುಗಡೆ ಆಗಬಹುದು. ಈ ವಾರವೇ 2,000 ರೂ ಬಿಡುಗಡೆ ಆಗುವ ಸಾಧ್ಯತೆ ಇಲ್ಲದಿಲ್ಲ. ಆದರೆ, 13ನೇ ಕಂತಿನ ಹಣ ಲಕ್ಷಾಂತರ ರೈತರಿಗೆ ಸಿಕ್ಕಿರಲಿಲ್ಲ. 13ನೇ ಕಂತು ಬಿಡುಗಡೆಗೂ ಮುನ್ನ ಸರ್ಕಾರ ಪಿಎಂ ಕಿಸಾನ್ ಯೋಜನೆಯ ಫಲಾನುಭವಿಗಳಿಗೆ ಇಕೆವೈಸಿ ಅಪ್ಡೇಟ್ ಮಾಡಲು ಹೇಳಿತ್ತು. ಇದನ್ನು ಮಾಡದವರಿಗೆ 13ನೇ ಕಂತಿನ ಹಣ ಸಿಕ್ಕಿರಲಿಲ್ಲ. ಅದಾದ ಬಳಿಕ ಇಕೆವೈಸಿ ಅಪ್ಡೇಟ್ (eKYC updation) ಮಾಡಿದವರಿಗೆ 14ನೇ ಕಂತಿನ ಹಣ ಲಭ್ಯವಾಗುತ್ತದೆ. ಇಲ್ಲದಿದ್ದರೆ ಸಿಗುವುದಿಲ್ಲ.
ನೀವು ಪಿಎಂ ಕಿಸಾನ್ ಯೋಜನೆಗೆ ನೊಂದಾಯಿಸಿದ್ದರೂ ಇ–ಕೆವೈಸಿ ಮಾಡಿರಲೇಬೇಕು. ಕೆವೈಸಿ ಎಂದರೆ ನೋ ಯುವರ್ ಕಸ್ಟಮರ್ ಎಂದು. ಬ್ಯಾಂಕ್ ಮತ್ತಿತರ ಸೇವಾ ಸಂಸ್ಥೆಗಳು ಕೆವೈಸಿ ಮೂಲಕ ಕಾಲಕಾಲಕ್ಕೆ ಗ್ರಾಹಕರಿಂದ ದಾಖಲೆಗಳನ್ನು ಪರಿಷ್ಕರಿಸುತ್ತವೆ. ಅಂತೆಯೇ, ಪಿಎಂ ಕಿಸಾನ್ ಸ್ಕೀಮ್ನಲ್ಲೂ ಕೆವೈಸಿ ಕಡ್ಡಾಯಪಡಿಸಲಾಗಿದೆ. ಆನ್ಲೈನ್ನಲ್ಲೇ ಕೆವೈಸಿ ಅಪ್ಡೇಟ್ ಮಾಡಲು ಸರ್ಕಾರ ಹಲವು ಅವಕಾಶ ಕೊಟ್ಟಿದೆ. ಈ ವಿಧಾನಗಳ ಬಗ್ಗೆ ಒಂದು ಮಾಹಿತಿ…
ಪಿಎಂ ಕಿಸಾನ್: ಓಟಿಪಿ ಮೂಲಕ ಇ–ಕೆವೈಸಿ ಅಪ್ಡೇಟ್
ಪಿಎಂ ಕಿಸಾನ್ ವೆಬ್ಸೈಟ್ಗೆ ಹೋದರೆ ಅಲ್ಲಿ ಫಾರ್ಮರ್ಸ್ ಕಾರ್ನರ್ ಬಾಕ್ಸ್ ಒಳಗೆ ಇ–ಕೆವೈಸಿ ಆಪ್ಷನ್ ಕಾಣುತ್ತದೆ. ಅದನ್ನು ಕ್ಲಿಕ್ ಮಾಡಿ ನಿಮ್ಮ ಆಧಾರ್ ನಂಬರ್ ಅನ್ನು ಒದಗಿಸಿ ಸರ್ಚ್ ಕೊಡಿ.
ಇದನ್ನೂ ಓದಿ: Blocking Debit Card: ಎಸ್ಬಿಐ ಡೆಬಿಟ್ ಕಾರ್ಡ್ ಕಳೆದುಹೋಗಿದೆಯೇ? ಬ್ಲಾಕ್ ಮಾಡುವ ಸುಲಭ ವಿಧಾನಗಳಿವು
ಆಧಾರ್ಗೆ ಜೋಡಿತವಾದ ನಿಮ್ಮ ಮೊಬೈಲ್ ನಂಬರ್ಗೆ ಒಟಿಪಿ ಬರುತ್ತದೆ. ಅದನ್ನು ನಮೂದಿಸಿ ಸಬ್ಮಿಟ್ ಒಪಿಟಿ ಕ್ಲಿಕ್ ಮಾಡಿ. ಈಗ ನಿಮ್ಮ ಇಕೆವೈಸಿ ಪೂರ್ಣವಾದಂತೆ.
ಮುಖದ ಸ್ಕ್ಯಾನ್ ಮಾಡಿ ಪಿಎಂ ಕಿಸಾನ್ ಇಕೆವೈಸಿ ಅಪ್ಡೇಟ್ ಮಾಡಿ
ಪಿಎಂ ಕಿಸಾನ್ ಆ್ಯಪ್ ಡೌನ್ಲೋಡ್ ಮಾಡಿ. ನೀವು ಇಕೆವೈಸಿ ಅಪ್ಡೇಟ್ ಮಾಡಿರದಿದ್ದರೆ ನೋ ಯೂಸರ್ ಸ್ಟೇಟಸ್ ಮಾಡ್ಯೂಲ್ ಅನ್ನು ಬಳಸಿ. ಅದರಲ್ಲಿ ಫೇಸ್ ಅಥೆಂಟಿಕೇಶನ್ ಫೀಚರ್ ಇರುತ್ತದೆ. ಅದರಲ್ಲಿ ಸ್ಕ್ಯಾನರ್ ಮೂಲಕ ಮುಖದ ಸ್ಕ್ಯಾನ್ ಮಾಡಿ ಸಬ್ಮಿಟ್ ಮಾಡಬೇಕು. ಆಗ ಇ–ಕೆವೈಸಿ ಪೂರ್ಣಗೊಳ್ಳುತ್ತದೆ.
ಸರ್ವಿಸ್ ಸೆಂಟರ್ಗೆ ಹೋಗಿ ಬಯೋಮೆಟ್ರಿಕ್ ಆಧಾರಿತವಾಗಿ ಇಕೆವೈಸಿ ಮಾಡಿ
ನಿಮಗೆ ಆನ್ಲೈನ್ನಲ್ಲಿ ಪಿಎಂ ಕಿಸಾನ್ ಯೋಜನೆಗೆ ಇಕೆವೈಸಿ ಅಪ್ಡೇಟ್ ಮಾಡಲು ಹಿಂಜರಿಕೆಯಾದರೆ ಸಮೀಪದ ಕಾಮನ್ ಸರ್ವಿಸ್ ಸೆಂಟರ್ಗೆ ಹೋಗಿಯೂ ಇಕೆವೈಸಿ ಅಪ್ಡೇಟ್ ಮಾಡಬಹುದು. ಇದಕ್ಕಾಗಿ ನಿಮ್ಮ ಆಧಾರ್ ಕಾರ್ಡ್ ತೆಗೆದುಕೊಂಡು ಹೋಗಬೇಕು.
ಇದನ್ನೂ ಓದಿ: Aadhaar PAN: ನಿಮ್ಮ ಪ್ಯಾನ್ ನಂಬರ್ ಬೇರೆಯವರ ಆಧಾರ್ಗೆ ಲಿಂಕ್ ಆಗಿದೆಯಾ? ಸರಿಪಡಿಸಲು ಹೀಗೆ ಮಾಡಿ
ಸರ್ವಿಸ್ ಸೆಂಟರ್ನಲ್ಲಿ ಆಪರೇಟರ್ಗೆ ನಿಮ್ಮ ಆಧಾರ್ ಕಾರ್ಡ್ ಕೊಟ್ಟರೆ ಅವರು ನಿಮ್ಮ ಬೆರಳ ಅಚ್ಚು ಸೇರಿದಂತೆ ಬಯೋಮೆಟ್ರಿಕ್ ಮಾಹಿತಿ ಪಡೆಯುತ್ತಾರೆ. ಇದು ಹೊಂದಿಕೆ ಆದಲ್ಲಿ ನಿಮ್ಮ ಇಕೆವೈಸಿ ಅಪ್ಡೇಟ್ ಆಗುತ್ತದೆ.
ನಿಮ್ಮ ಇಕೆವೈಸಿ ಅಪ್ಡೇಟ್ ಯಶಸ್ವಿಯಾಗಿದ್ದರೆ ಮೊಬೈಲ್ ನಂಬರ್ಗೆ ದೃಢಪಡಿಸುವ ಮೆಸೇಜ್ವೊಂದು ಬಂದಿರುತ್ತದೆ. ನಿಮಗೆ ಆ ಮೆಸೇಜ್ ಬಂದಿಲ್ಲದಿದ್ದರೆ, ಇಕೆವೈಸಿ ಆಗಿರುವುದನ್ನು ಖಾತ್ರಿಪಡಿಸಿಕೊಳ್ಳಲು ಪಿಎಂ ಕಿಸಾನ್ ವೆಬ್ಸೈಟ್ಗೆ ಹೋಗಿ ಪರಿಶೀಲಿಸಬಹುದು. ಆ ಪೋರ್ಟಲ್ನಲ್ಲಿ ಫಾರ್ಮರ್ಸ್ ಕಾರ್ನರ್ನಲ್ಲಿ ಬೆನಿಫಿಷಿಯರಿ ಸ್ಟೇಟಸ್ ಕ್ಲಿಕ್ ಮಾಡಿ ನಿಮ್ಮ ನೊಂದಾಯಿತ ಮೊಬೈಲ್ ನಂಬರ್ ಅಥವಾ ಪಿಎಂ ಕಿಸಾನ್ ನೊಂದಣಿ ನಂಬರ್ ಮೂಲಕ ಸರ್ಚ್ ಮಾಡಿ ತಿಳಿದುಕೊಳ್ಳಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ