QS World University Rankings: ಐಐಟಿ ಡೆಲ್ಲಿ ಭಾರತದ ನಂ. 1 ಯೂನಿವರ್ಸಿಟಿ; ಎಂಐಟಿ ವಿಶ್ವದಲ್ಲೇ ಬೆಸ್ಟ್
IIT Delhi best among 54 Indian universities featuring in QS world rankings: 2025-26ರ ಸಾಲಿನ ಕ್ಯೂಎಸ್ ವರ್ಲ್ಡ್ ಯೂನಿವರ್ಸಿಟಿ ಪಟ್ಟಿ ಪ್ರಕಟವಾಗಿದ್ದು, 1,500ಕ್ಕೂ ಅಧಿಕ ಶಿಕ್ಷಣ ಸಂಸ್ಥೆಗಳು ಇದರಲ್ಲಿವೆ. 190ಕ್ಕೂ ಅಧಿಕ ಅಮೆರಿಕನ್ ವಿವಿಗಳು ಇದರಲ್ಲಿವೆ. ಭಾರತದ 54 ಯೂನಿವರ್ಸಿಟಿಗಳು ಪಟ್ಟಿಯಲ್ಲಿವೆ. ಈ ಬಾರಿ ಹೊಸದಾಗಿ ಅತಿಹೆಚ್ಚು ಸೇರ್ಪಡೆಯಾದ ವಿವಿಗಳು ಭಾರತದ್ದೇ ಆಗಿವೆ. ಭಾರತೀಯ ವಿವಿಗಳ ಪೈಕಿ ಐಐಟಿ ಡೆಲ್ಲಿ ಮೊದಲು ಬರುತ್ತದೆ.
Updated on: Jun 19, 2025 | 6:25 PM
ನವದೆಹಲಿ, ಜೂನ್ 19: ಈ ವರ್ಷದ ಸಾಲಿನ ಕ್ಯುಎಸ್ ವರ್ಲ್ಡ್ ಯೂನಿವರ್ಸಿಟಿಗಳ ಪಟ್ಟಿಯನ್ನು (Quacquarelli Symonds- QS World University Rankings 2026) ಪ್ರಕಟಿಸಲಾಗಿದೆ. ನೂರಕ್ಕೂ ಹೆಚ್ಚು ದೇಶಗಳಿಂದ 1,500ಕ್ಕೂ ಹೆಚ್ಚು ಶಿಕ್ಷಣ ಸಂಸ್ಥೆಗಳು ಈ ಪಟ್ಟಿಯಲ್ಲಿದ್ದು, ಅಮೆರಿಕದ ಮಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ತನ್ನ ಅಗ್ರಸ್ಥಾನ ಉಳಿಸಿಕೊಂಡಿದೆ. ಭಾರತದಲ್ಲಿ ಐಐಟಿ ದೆಹಲಿ (IIT Delhi) ಅಗ್ರಸ್ಥಾನಕ್ಕೇರಿದೆ. ಈ ಪಟ್ಟಿಯಲ್ಲಿ ಅನೇಕ ಭಾರತೀಯ ಯೂನಿರ್ಸಿಟಿಗಳು ಮೊದಲ ಬಾರಿಗೆ ಸ್ಥಾನ ಪಡೆದಿವೆ. ಈ ಕ್ಯುಎಸ್ ರ್ಯಾಂಕಿಂಗ್ ಪಟ್ಟಿಯಲ್ಲಿ ಬರೋಬ್ಬರಿ 54 ಭಾರತೀಯ ಶಿಕ್ಷಣ ಸಂಸ್ಥೆಗಳಿವೆ.
ಗಮನ ಸೆಳೆದ ಐಐಟಿ ಡೆಲ್ಲಿ…
ಐಐಟಿ ಡೆಲ್ಲಿ ಎರಡು ವರ್ಷಗಳ ಹಿಂದೆ ಹತ್ತಿರ ಹತ್ತಿರ 200ನೇ ಸ್ಥಾನದ ಸಮೀಪದಲ್ಲಿತ್ತು. ಎರಡು ವರ್ಷದಲ್ಲಿ 70ಕ್ಕೂ ಹೆಚ್ಚು ಸ್ಥಾನ ಮೇಲೇರಿದೆ. 2024-25ರ ಪಟ್ಟಿಯಲ್ಲಿ ಐಐಟಿ ದೆಹಲಿ 150ನೇ ಸ್ಥಾನದಲ್ಲಿತ್ತು. ಈಗ 2025-26ರ ಪಟ್ಟಿಯಲ್ಲಿ 123ನೇ ಸ್ಥಾನಕ್ಕೇರಿದೆ.
ಭಾರತೀಯ ಯೂನಿವರ್ಸಿಟಿಗಳ ಪೈಕಿ ಐಐಟಿ ಡೆಲ್ಲಿ ನಂತರದ ಸ್ಥಾನ ಐಐಟಿ ಬಾಂಬೆ ಮತ್ತು ಐಐಟಿ ಮದ್ರಾಸ್ನದ್ದಾಗಿದೆ. ಅವು ಕ್ರಮವಾಗಿ 129 ಮತ್ತು 180ನೇ ರ್ಯಾಂಕಿಂಗ್ ಹೊಂದಿವೆ. ಕಳೆದ ಬಾರಿಯ ಪಟ್ಟಿಯಲ್ಲಿ ಐಐಟಿ ಬಾಂಬೆ ಭಾರತೀಯ ಯೂನಿವರ್ಸಿಟಿಗಳಲ್ಲಿ ನಂಬರ್ ಒನ್ ಎನಿಸಿತ್ತು.
ಇದನ್ನೂ ಓದಿ: ಗ್ಲೋಬಲ್ ಸಮಿಟ್ನಲ್ಲಿ IMEC ಬಗ್ಗೆ ಚರ್ಚೆ; ಭಾರತಕ್ಕೆ ಈ ಕಾರಿಡಾರ್ ವರದಾನ ಹೇಗೆ?
ಕ್ಯುಎಸ್ ವರ್ಲ್ಡ್ ಯೂನಿವರ್ಸಿಟಿ: ಜಾಗತಿಕ ಟಾಪ್-10 ಪಟ್ಟಿ
- ಎಂಐಟಿ, ಅಮೆರಿಕ
- ಲಂಡನ್ ಇಂಪೀರಿಯಲ್ ಕಾಲೇಜ್, ಬ್ರಿಟನ್
- ಸ್ಟಾನ್ಫೋರ್ಡ್ ಯೂನಿವರ್ಸಿಟಿ, ಅಮೆರಿಕ
- ಆಕ್ಸ್ಫರ್ಡ್ ಯೂನಿವರ್ಸಿಟಿ, ಇಂಗ್ಲೆಂಡ್
- ಹಾರ್ವರ್ಡ್ ಯೂನಿವರ್ಸಿಟಿ, ಅಮೆರಿಕ
- ಕೇಂಬ್ರಿಡ್ಜ್ ಯೂನಿವರ್ಸಿಟಿ, ಇಂಗ್ಲೆಂಡ್
- ಇಟಿಎಚ್ ಜುರಿಚ್, ಸ್ವಿಟ್ಜರ್ಲ್ಯಾಂಡ್
- ನ್ಯಾಷನಲ್ ಯೂನಿವರ್ಸಿಟಿ ಆಫ್ ಸಿಂಗಾಪುರ್
- ಯುನಿವರ್ಸಿಟಿ ಕಾಲೇಜ್ ಲಂಡನ್, ಇಂಗ್ಲೆಂಡ್
- ಕ್ಯಾಲಿಫೋರ್ನಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಅಮೆರಿಕ
ಈ ಟಾಪ್ 10 ಕ್ಯುಎಸ್ ಪಟ್ಟಿಯಲ್ಲಿ ಏಷ್ಯಾದ ಒಂದೇ ಯೂನಿವರ್ಸಿಟಿ ಇರುವುದು. ಅಮೆರಿಕ ಮತ್ತು ಇಂಗ್ಲೆಂಡ್ ಆಚೆ ಎರಡು ಯೂನಿವರ್ಸಿಟಿಗಳಿಗೆ. ಸಿಂಗಾಪುರ ಬಳಿಕ ಸ್ವಿಟ್ಜರ್ಲೆಂಡ್ನಲ್ಲಿ ಒಂದು ಯೂನಿವರ್ಸಿಟಿ ಮಾತ್ರವೇ ಟಾಪ್-10ನಲ್ಲಿ ಇರುವುದು.
ಕ್ಯೂಎಸ್ ಪಟ್ಟಿಯಲ್ಲಿ ಭಾರತದ ಟಾಪ್-10 ಯೂನಿವರ್ಸಿಟಿಗಳು
- ಐಐಟಿ ಡೆಲ್ಲಿ (123ನೇ ಸ್ಥಾನ)
- ಐಐಟಿ ಬಾಂಬೆ (129ನೇ ಸ್ಥಾನ)
- ಐಐಟಿ ಮದ್ರಾಸ್ (180ನೇ ಸ್ಥಾನ)
- ಐಐಟಿ ಖರಗ್ಪುರ್ (215ನೇ ಸ್ಥಾನ)
- ಐಐಎಸ್ಸಿ ಬೆಂಗಳೂರು (219ನೇ ಸ್ಥಾನ)
- ಐಐಟಿ ಕಾನಪುರ್ (222ನೇ ಸ್ಥಾನ)
- ಡೆಲ್ಲಿ ಯೂನಿವರ್ಸಿಟಿ (328ನೇ ಸ್ಥಾನ)
- ಐಐಟಿ ಗುವಾಹತಿ (334ನೇ ಸ್ಥಾನ)
- ಐಐಟಿ ರೂರ್ಕೀ (339ನೇ ಸ್ಥಾನ)
- ಅಣ್ಣಾ ಯೂನಿವರ್ಸಿಟಿ (465ನೇ ಸ್ಥಾನ)
ಇದನ್ನೂ ಓದಿ: ಚಿನ್ನದ ಬೆಲೆ ಶೇ. 30 ಇಳಿಯುತ್ತೆ: ತಜ್ಞರ ಭವಿಷ್ಯ; ಈ ದರ ಕುಸಿತಕ್ಕೆ ಏನಿರಬಹುದು ಕಾರಣ?
ಭಾರತದ 54 ಯೂನಿವರ್ಸಿಟಿಗಳು ಈ 2026ರ ಕ್ಯುಎಸ್ ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಇವೆ. ಅತಿಹೆಚ್ಚು ಯೂನಿವರ್ಸಿಟಿಗಳನ್ನು ಪಟ್ಟಿಯಲ್ಲಿ ಹೊಂದಿರುವ ದೇಶಗಳಲ್ಲಿ ಅಮೆರಿಕ ಮೊದಲು ಬರುತ್ತದೆ. ಅಲ್ಲಿಯ 192 ಶಿಕ್ಷಣ ಸಂಸ್ಥೆಗಳು ಇದರಲ್ಲಿವೆ. ಬ್ರಿಟನ್ನ 90, ಚೀನಾದ 72 ಯೂನಿವರ್ಸಿಟಿಗಳಿವೆ. ನಾಲ್ಕನೇ ಸ್ಥಾನ ಭಾರತದ್ದಾಗಿದೆ. ಪಾಕಿಸ್ತಾನದ 13 ಯೂನಿವರ್ಸಿಟಿಗಳು ಇದರಲ್ಲಿ ಇರಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
