Flight to Ayodhya: ರಾಮಮಂದಿರ ಅನಾವರಣ: ಅಯೋಧ್ಯೆಗೆ ಹೋಗುವ ವಿಮಾನಗಳ ಟಿಕೆಟ್ ಬೆಲೆ ಗಗನಕ್ಕೆ
Ayodhya Flight Ticket Price: ಜನವರಿ 22ರಂದು ನಡೆಯಲಿರುವ ರಾಮ ಮಂದಿರ ಉದ್ಘಾಟನೆ ವೀಕ್ಷಿಸಲು ಸಾಗರೋಪಾದಿಯಲ್ಲಿ ಜನರು ಅಯೋಧ್ಯೆಗೆ ತೆರಳುತ್ತಿದ್ದಾರೆ. ಜನವರಿ 21ರಂದು ಅಯೋಧ್ಯೆಗೆ ಹೋಗುವ ಎಲ್ಲಾ ವಿಮಾನಗಳಿಗೂ ಬೇಡಿಕೆ ಶುರುವಾಗಿದೆ. ಅಂದು ಫ್ಲೈಟ್ ಟಿಕೆಟ್ ಬೆಲೆ ಎರಡು, ಮೂರು ಪಟ್ಟು ಹೆಚ್ಚಿದೆ. ಬೆಂಗಳೂರಿನಿಂದ ಅಯೋಧ್ಯೆಗೆ ಟಿಕೆಟ್ ಬೆಲೆ 22 ಸಾವಿರ ರೂ ಆಗಿದೆ.
Updated on:Dec 28, 2023 | 11:13 AM
ನವದೆಹಲಿ, ಡಿಸೆಂಬರ್ 19: ಅಯೋಧ್ಯೆಯಲ್ಲಿ ನಿರ್ಮಿಸಲಾಗಿರುವ ರಾಮ ಮಂದಿರದ ರಾಮಲಲ್ಲಾ ವಿಗ್ರಹ ಪ್ರತಿಷ್ಠಾಪನೆ (Ram Temple consecration) ಕಾರ್ಯಕ್ರಮ 2024ರ ಜನವರಿ 22ರಂದು ನಡೆಯಲಿದೆ. ಅಂದು ದೇಶದ ವಿವಿಧೆಡೆಯಿಂದ ಲಕ್ಷಾಂತರ ಜನರು ಅಯೋಧ್ಯೆಗೆ ತೆರಳಲಿದ್ದಾರೆ. ಅಂತೆಯೇ, ಮರ್ಯಾದ ಪುರುಷೋತ್ತಮ ಶ್ರೀ ರಾಮ್ ಇಂಟರ್ನ್ಯಾಷನಲ್ ಏರ್ಪೋರ್ಟ್ ಎಂದು ನಾಮಾಂಕಿತವಾಗಿರುವ ಅಯೋಧ್ಯೆ ವಿಮಾನ ನಿಲ್ದಾಣಕ್ಕೆ (Ayodhya Airport) ಹೋಗುವ ವಿಮಾನಗಳಿಗೆ ಭಾರೀ ಬೇಡಿಕೆ ಶುರುವಾಗಿವೆ. ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಿಂದ ಅಯೋಧ್ಯೆಗೆ ಹೋಗುವ ವಿಮಾನಗಳ ಟಿಕೆಟ್ ಬೆಲೆ ಗಗನಕ್ಕೇರಿದೆ.
ದೇಶದ ಒಳಗೆ ವಿವಿಧ ನಗರಗಳಿಂದ ಅಯೋಧ್ಯೆಗೆ ಇಂಡಿಗೋ ಏರ್ಲೈನ್ಸ್ ವಿಮಾನಗಳು ಸಂಚಾರ ನಡೆಸುತ್ತವೆ. ರಾಮಮಂದಿರ ಉದ್ಘಾಟನಾ ಸಮಾರಂಭ ಇರುವ ಜನವರಿ 21ರಂದು ಹಾಗೂ ಸುತ್ತಮುತ್ತಲ ಕೆಲ ದಿನ ಅಲ್ಲಿಗೆ ಹೋಗುವ ವಿಮಾನಗಳ ಟಿಕೆಟ್ ಬೆಲೆ ಹೆಚ್ಚಿದೆ. ಬಹುತೇಕ ಮಾರ್ಗಗಳಲ್ಲಿ ಟಿಕೆಟ್ ಬೆಲೆ ಡಬಲ್ ಇದೆ. ದೆಹಲಿಯಲ್ಲಿ ಟಿಕೆಟ್ ಬೆಲೆ ಮೂರು ಪಟ್ಟು ಹೆಚ್ಚಿದೆ. ಜೈಪುರದಿಂದ ಅಯೋಧ್ಯೆಗೆ ಹೋಗುವ ವಿಮಾನಗಳ ಟಿಕೆಟ್ ಬೆಲೆ 10,000 ರೂಗಿಂತ ಕಡಿಮೆ ಇರುತ್ತದೆ. ಆದರೆ, ಜನವರಿ 21ರಂದು ಟಿಕೆಟ್ ಬೆಲೆ 19,000 ರೂ ಇದೆ. ಜನವರಿ 23ರಂದು 30,000 ರೂ ಆಗಿದೆ.
ಇದನ್ನೂ ಓದಿ: ದಿವಾಳಿ ಎದ್ದ ಗೋಫಸ್ಟ್ ಏರ್ಲೈನ್ ಸಂಸ್ಥೆಯ ಖರೀದಿಗೆ ಮುಂದಾದ ಸ್ಪೈಸ್ ಜೆಟ್; ಸ್ಕೈ ಒನ್, ಸಾಫ್ರಿಕ್ನಿಂದಲೂ ಆಸಕ್ತಿ
ಜನವರಿ 21ರಂದು ಅಯೋಧ್ಯೆಗೆ ಹೋಗುವ ವಿಮಾನಗಳ ಟಿಕೆಟ್ ಬೆಲೆ (ಎಕನಾಮಿ ಕ್ಲಾಸ್)
- ಮುಂಬೈನಿಂದ: 19,000 ರೂನಿಂದ 20,000 ರೂ; ಬೇರೆ ದಿನಗಳಲ್ಲಿ ಸುಮಾರು 10,000 ರೂ
- ಬೆಂಗಳೂರಿನಿಂದ: 22,000 ರೂ; ಬೇರೆ ದಿನಗಳಲ್ಲಿ 12,000 ರೂ
- ಚೆನ್ನೈನಿಂದ: 20,000 ರೂ; ಬೇರೆ ದಿನಗಳಲ್ಲಿ 13,000 ರೂ
- ದೆಹಲಿಯಿಂದ: 10,199 ರೂ; ಬೇರೆ ದಿನಗಳಲ್ಲಿ 3,500 ರೂ
- ಕೋಲ್ಕತಾದಿಂದ: 20,768 ರೂ; ಬೇರೆ ದಿನಗಳಲ್ಲಿ 10,000 ರೂ
- ಜೈಪುರದಿಂದ: ಜನವರಿ 21ಕ್ಕೆ ಟಿಕೆಟ್ ಬೆಲೆ 19,000 ರೂ ಇದೆ. ಜನವರಿ 23ಕ್ಕೆ 30,000 ರೂ ಇದೆ. ಬೇರೆ ದಿನಗಳಲ್ಲಿ ಫ್ಲೈಟ್ ಟಿಕೆಟ್ 10,000 ರೂಗಿಂತ ಕಡಿಮೆ ಇರುತ್ತದೆ.
ಇದನ್ನೂ ಓದಿ: ಪೇಟೆಂಟ್ ವ್ಯಾಜ್ಯ; ಆ್ಯಪಲ್ನ ಸ್ಮಾರ್ಟ್ವಾಚ್ಗಳಿಗೆ ಅಮೆರಿಕದಲ್ಲಿ ನಿಷೇಧ ಸಾಧ್ಯತೆ; ಏನಿದು ಬಿಕ್ಕಟ್ಟು?
ರಾಮ ಮಂದಿರ ಉದ್ಘಾಟನೆ
ಶ್ರೀರಾಮನ ಜನ್ಮಸ್ಥಾನವೆಂದು ಭಾವಿಸಲಾಗಿರುವ ಅಯೋಧ್ಯೆಯ ರಾಮಜನ್ಮಭೂಮಿ ಸ್ಥಳದಲ್ಲಿ ಭವ್ಯವಾಗಿ ರಾಮ ಮಂದಿರ ನಿರ್ಮಾಣ ಮಾಡಲಾಗಿದೆ. ಜನವರಿ 22ರಂದು ಮಂದಿರದಲ್ಲಿ ರಾಮ ಲಲ್ಲಾ ವಿಗ್ರಹ ಪ್ರತಿಷ್ಠಾಪನೆ ಹಾಗೂ ಮಂದಿರ ಉದ್ಘಾಟನಾ ಸಮಾರಂಭ ನಡೆಯಲಿದೆ.
ಪ್ರಧಾನಿ ನರೇಂದ್ರ ಮೋದಿ, ಆರೆಸ್ಸೆಸ್ ಸರಸಂಘಚಾಲಕರಾದ ಮೋಹನ್ ಭಾಗವತ್ ಸೇರಿದಂತೆ ಬಹಳಷ್ಟು ಗಣ್ಯರು ಈ ಕಾರ್ಯಕ್ರಮಕ್ಕೆ ತೆರಳುತ್ತಿದ್ದಾರೆ. ಕ್ರೀಡೆ, ಉದ್ಯಮ ಹೀಗೆ ವಿವಿಧ ರಂಗಗಳ ಗಣ್ಯರಿಗೆ ಆಹ್ವಾನ ಕೊಡಲಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 4:44 pm, Tue, 19 December 23
