ಗೂಗಲ್-ಜಿಯೋ ಪಾರ್ಟ್ನರ್​ಶಪ್; ಒಂದೂವರೆ ವರ್ಷ ಉಚಿತ ಎಐ ಪ್ರೋ ಕೊಡುಗೆ

ನವದೆಹಲಿ, ಅಕ್ಟೋಬರ್ 31: ಪರ್ಪ್ಲೆಕ್ಸಿಟಿ ಎಐ (Perplexity AI) ಜೊತೆ ಏರ್​ಟೆಲ್ ಸಹಭಾಗಿತ್ವ ಹೊಂದಿದ ರೀತಿಯಲ್ಲಿ ರಿಲಾಯನ್ಸ್ ಜಿಯೋ ಸಂಸ್ಥೆಯು ಗೂಗಲ್ ಜೊತೆ ಒಪ್ಪಂದ (Google and Reliance Jio partnership) ಮಾಡಿಕೊಂಡಿದೆ. ತನ್ನ ಯುವ ಬಳಕೆದಾರರಿಗೆ ಗೂಗಲ್ ಎಐ ಪ್ರೋ ಸೇವೆಯನ್ನು (Google AI Pro) ಉಚಿತವಾಗಿ ನೀಡಲಿದೆ. 18ರಿಂದ 25 ವರ್ಷದೊಳಗಿನ ವಯಸ್ಸಿನ ಜಿಯೋ ಬಳಕೆದಾರರು ಅನ್​ಲಿಮಿಟೆಡ್ 5ಜಿ ಪ್ಲಾನ್​ಗಳನ್ನು ಖರೀದಿಸಿದರೆ 18 ತಿಂಗಳ ಕಾಲ ಉಚಿತವಾಗಿ ಎಐ ಪ್ರೋ ಅನ್ನು ಬಳಸುವ ಅವಕಾಶ ಕೊಡಲಾಗುತ್ತಿದೆ

ಈ ಗೂಗಲ್ ಎಐ ಪ್ರೊ ಪ್ಯಾಕೇಜ್​ನಲ್ಲಿ ಜೆಮಿನಿ 2.5 ಪ್ರೋ, ವಿಯೋ 3.1 ವಿಡಿಯೋ ಜನರೇಶನ್, ಇಮೇಜನ್ 3 ಇಮೇಜ್ ಕ್ರಿಯೇಶನ್, ನೋಟ್​ಬುಕ್ ಎಲ್​ಎಂ ಹಾಗೂ 2ಟಿಬಿ ಕ್ಲೌಡ್ ಸ್ಟೋರೇಜ್ ಇವೆಲ್ಲವೂ ಒಳಗೊಂಡಿರುತ್ತೆ. ಇವುಗಳ ಒಟ್ಟು ಮಾರುಕಟ್ಟೆ ಮೌಲ್ಯ 35,100 ರೂ ಎಂದೆನ್ನಲಾಗುತ್ತಿದೆ. ಇದಿಷ್ಟೂ ಕೂಡ ಜಿಯೊ ಬಳಕೆದಾರರಿಗೆ ಒಂದೂವರೆಗೆ ಉಚಿತವಾಗಿ ಲಭ್ಯ ಇರುತ್ತದೆ.

ಇದನ್ನೂ ಓದಿ: ಇಳಿಯಲು, ಏರಲು ರನ್​ವೇ ಬೇಕಿಲ್ಲದ ವಿಮಾನ ನಿರ್ಮಿಸುತ್ತಿದ್ದಾರೆ ಭಾರತೀಯ ವಿಜ್ಞಾನಿಗಳು; ಜಗತ್ತಲ್ಲಿ ಯಾರಿಂದಲೂ ಪೂರ್ಣವಾಗದ ಸಾಹಸ ಇದು

ಸದ್ಯ ಈ ಪ್ಲಾನ್ ಅನ್ನು ಯುವ ಬಳಕೆದಾರರಿಗೆ ಕೊಡಲು ನಿರ್ಧರಿಸಲಾಗಿದೆ. ಅಂದರೆ 18ರಿಂದ 25 ವರ್ಷ ವಯೋಮಾನದಲ್ಲಿರುವ ಬಳಕೆದಾರರಿಗೆ ಮಾತ್ರ ಸದ್ಯ ಲಭ್ಯ ಇರುವುದು. ಮುಂದಿನ ದಿನಗಳಲ್ಲಿ ಎಲ್ಲಾ ಜಿಯೋ ಬಳಕೆದಾರರ 5ಜಿ ಪ್ಲಾನ್​ಗಳಲ್ಲಿ ಈ ಕೊಡುಗೆ ಒಳಗೊಂಡಿರುತ್ತದೆ. ಜಿಯೋ ಬಳಕೆದಾರರು ಮೈ ಜಿಯೋ ಆ್ಯಪ್​ಗೆ ಹೋಗಿ ಅಲ್ಲಿಂದ ಈ ಆಫರ್ ಅನ್ನು ಸಕ್ರಿಯಗೊಳಿಸಬಹುದು.

ಗೂಗಲ್ ಎಐ ಸೇವೆಯಿಂದ ಏನು ಪ್ರಯೋಜನ?

ಗೂಗಲ್ ಎಐ ಪ್ಯಾಕೇಜ್​ನಲ್ಲಿ ಮಾಡಲಾಗಿರುವ ಎಲ್ಲಾ ಆಫರ್​ಗಳು ಕೂಡ ತಿರಸ್ಕರಿಸಲು ಸಾಧ್ಯವಾಗದೇ ಇರುವಂಥವು. ಗೂಗಲ್ 2.5 ಪ್ರೋ ಮಾಡಲ್ ಉನ್ನತ ಹಂತದ ಎಐ ಮಾಡಲ್ ಆಗಿದೆ. ನ್ಯಾನೋ ಬನಾನ ಮಾಡಲ್​ನಿಂದ ನಿಮಗೆ ಬೇಕಾದ ಇಮೇಜ್ ಸೃಷ್ಟಿಸಬಹುದು, ಬೇಕಾದ ರೀತಿಯಲ್ಲಿ ಇಮೇಜ್ ಎಡಿಟಿಂಗ್ ಮಾಡಬಹುದು. ಈ ನ್ಯಾನೋ ಬನಾನ ಈಗೀಗ ಬಹಳ ಖ್ಯಾತವಾಗಿದೆ. ವಿಯೋ 3.1 ಮಾಡಲ್​ನಿಂದ ಒಳ್ಳೆಯ ವಿಡಿಯೋ ನಿರ್ಮಿಸಬಹುದು.

ಇದನ್ನೂ ಓದಿ: ಭಾರತದ ಸಾಗರ ಯೋಜನೆಗಳಿಂದ 4.5 ಲಕ್ಷ ಕೋಟಿ ರೂ ಹೂಡಿಕೆ, 2,500ಕ್ಕೂ ಅಧಿಕ ಹಡಗುಗಳ ನಿರ್ಮಾಣ: ಪ್ರಧಾನಿ ನಿರೀಕ್ಷೆ

ನೋಟ್​ಬುಕ್ ಎಲ್​ಎಂ ಮಾಡಲ್ ಅನ್ನು ಸಂಶೋಧನೆ ಮತ್ತು ಅಧ್ಯಯನಕ್ಕೆ ಚೆನ್ನಾಗಿ ಉಪಯೋಗಿಸಬಹುದು. ಇವುಗಳ ಜೊತೆಗೆ ನಿಮ್ಮ ವಾಟ್ಸಾಪ್, ಕ್ಯಾಮೆರಾ ಫೋಟೋಗಳನ್ನು ಬ್ಯಾಕಪ್ ಮಾಡಲು 2ಟಿಬಿ ಕ್ಲೌಡ್ ಸ್ಟೋರೇಜ್ ಅನ್ನೂ ಉಚಿತವಾಗಿ ನೀಡಲಾಗುತ್ತಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ