UPI: ಪೇಟಿಎಂ, ಫೋನ್ಪೇ ಇತ್ಯಾದಿ ಬಳಸಿ ಜನರು ಮೇ ತಿಂಗಳಲ್ಲಿ ನಡೆಸಿದ ವಹಿವಾಟು 14 ಲಕ್ಷ ಕೋಟಿ ರೂ

941 Crore UPI Transactions In 2023 May: ಎನ್ಪಿಸಿಐ ನೀಡಿರುವ ಮಾಹಿತಿ ಪ್ರಕಾರ, ಭಾರತದಲ್ಲಿ 2023ರ ಮೇ ತಿಂಗಳಲ್ಲಿ 940 ಕೋಟಿಗೂ ಹೆಚ್ಚು ವಹಿವಾಟುಗಳು ಯುಪಿಐ ಮೂಲಕ ನಡೆದಿವೆ. ಇಷ್ಟು ವಹಿವಾಟುಗಳಿಂದ ಸೇರಿ 14 ಲಕ್ಷ ಕೋಟಿ ರುಪಾಯಿಗೂ ಹೆಚ್ಚು ಹಣದ ವರ್ಗಾವಣೆಗಳಾಗಿವೆ.

ಯುಪಿಐ ವಹಿವಾಟು

ಸುಗ್ಗನಹಳ್ಳಿ ವಿಜಯಸಾರಥಿ |
Updated on:Jun 02, 2023 | 11:36 AM

ನವದೆಹಲಿ: ಡಿಜಿಟಲ್ ಪಾವತಿ ವ್ಯವಸ್ಥೆಯಲ್ಲಿ (Digital Payment System) ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) ಭಾರತದಲ್ಲಿ ಅತೀವ ಜನಪ್ರಿಯತೆ ಗಳಿಸುತ್ತಿದೆ. ಪೇಟಿಎಂ, ಫೋನ್ಪೇ, ಗೂಗಲ್ ಪೇ ಇತ್ಯಾದಿ ಯುಪಿಐ ಪ್ಲಾಟ್ಫಾರ್ಮ್ಗಳ ಜನಬಳಕೆ ಅತಿ ಹೆಚ್ಚಾಗಿದೆ. ಯುಪಿಐ ವ್ಯವಸ್ಥೆಯ ರೂವಾರಿ ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಶನ್ (NPCI) ನೀಡಿರುವ ಮಾಹಿತಿ ಪ್ರಕಾರ, ಭಾರತದಲ್ಲಿ 2023ರ ಮೇ ತಿಂಗಳಲ್ಲಿ 940 ಕೋಟಿಗೂ ಹೆಚ್ಚು ವಹಿವಾಟುಗಳು ಯುಪಿಐ ಮೂಲಕ ನಡೆದಿವೆ. ಇಷ್ಟು ವಹಿವಾಟುಗಳಿಂದ ಸೇರಿ 14 ಲಕ್ಷ ಕೋಟಿ ರುಪಾಯಿಗೂ ಹೆಚ್ಚು ಹಣದ ವರ್ಗಾವಣೆಗಳಾಗಿವೆ.

2023ರ ವಿವಿಧ ತಿಂಗಳಲ್ಲಿ ಯುಪಿಐ ಮೂಲಕ ನಡೆದಿರುವ ವಹಿವಾಟು ಸಂಖ್ಯೆ

ಜನವರಿ: 800 ಕೋಟಿ
ಫೆಬ್ರುವರಿ: 750 ಕೋಟಿ
ಮಾರ್ಚ್: 870 ಕೋಟಿ
ಏಪ್ರಿಲ್: 889 ಕೋಟಿ
ಮೇ: 941 ಕೋಟಿ

ಇದನ್ನೂ ಓದಿ: Locker Rules: ಬ್ಯಾಂಕ್ ಲಾಕರ್ ಹಾಳಾದರೆ ಯಾರು ಹೊಣೆ? ಆರ್ಬಿಐ ನಿಯಮಗಳು ಬದಲಾಗಿವೆ; ಒಪ್ಪಂದ ನವೀಕರಿಸುವ ಮುನ್ನ ತಿಳಿದಿರಿ, ಇಲ್ಲಿದೆ ಡೀಟೇಲ್ಸ್

2022-23ರ ಹಣಕಾಸು ವರ್ಷದಲ್ಲಿ, ಅಂದರೆ 2022ರ ಏಪ್ರಿಲ್ನಿಂದ ಹಿಡಿದು 2023ರ ಮಾರ್ಚ್ವರೆಗಿನ ಅವಧಿಯಲ್ಲಿ ಯುಪಿಐ ಪ್ಲಾಟ್ಫಾರ್ಮ್ಗಳಲ್ಲಿ ಆದ ವಹಿವಾಟು ಸಂಖ್ಯೆ 8,300 ಕೋಟಿ. ಈ ವಹಿವಾಟುಗಳಲ್ಲಿ ಒಟ್ಟು 139 ಲಕ್ಷ ಕೋಟಿ ರೂನಷ್ಟು ಹಣದ ಪಾವತಿಗಳಾಗಿವೆ.

ದಿನಕ್ಕೆ 100 ಕೋಟಿ ವಹಿವಾಟು ಮಟ್ಟ ಮುಟ್ಟಬಲ್ಲುದು ಯುಪಿಐ

ಪಿಡಬ್ಲ್ಯೂಸಿ ಇಂಡಿಯಾ ಸಂಸ್ಥೆಯ ವರದಿಯೊಂದರ ಪ್ರಕಾರ 2026-27ರಲ್ಲಿ ಭಾರತದಲ್ಲಿ ಯುಪಿಐ ವಹಿವಾಟುಗಳ ಸಂಖ್ಯೆ ದಿನಕ್ಕೆ 100 ಕೋಟಿಯಂತೆ ಆಗಬಹುದು. ಭಾರತದಲ್ಲಿರುವ ಒಟ್ಟಾರೆ ಡಿಜಿಟಲ್ ಪೇಮೆಂಟ್ ಸೇವೆಯಲ್ಲಿ ಯುಪಿಐ ಪಾಲು ಶೇ 90ರಷ್ಟಾಗುತ್ತದೆ ಎಂದು ಅಂದಾಜು ಮಾಡಲಾಗಿದೆ.

ಇದನ್ನೂ ಓದಿ: Economy: 2022-23ರಲ್ಲಿ ಭಾರತಕ್ಕೆ ಒಳ್ಳೆಯ ಜಿಡಿಪಿ ಸಿಗಲು ಹೂಡಿಕೆಗಳೇ ಕಾರಣ ಎಂತಾರೆ ಆರ್ಥಿಕ ತಜ್ಞರು; ಅದು ಹೇಗೆ ಸಾಧ್ಯ?

ಸದ್ಯ 2022-23ರ ಹಣಕಾಸು ವರ್ಷದಲ್ಲಿ ಭಾರತದಲ್ಲಿ ಆಗಿರುವ ಒಟ್ಟು ಹಣಕಾಸು ವಹಿವಾಟಿನಲ್ಲಿ ಯುಪಿಐ ಪೇಮೆಂಟ್ ಶೇ 75ರಷ್ಟಿದೆ.