Dollar Vs Rupee: ಆರಂಭದ ವಹಿವಾಟಿನಲ್ಲಿ ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ 14 ಪೈಸೆ ಕುಸಿತ

ಅಮೆರಿಕ ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ ಡಿಸೆಂಬರ್ 17ರ ಶುಕ್ರವಾರದಂದು ಆರಂಭದ ವಹಿವಾಟಿನಲ್ಲಿ 14 ಪೈಸೆ ಕುಸಿತ ಕಂಡು, 76.23 ಮುಟ್ಟಿತು. ದೇಶೀಯ ಈಕ್ವಿಟಿಗಳು ಮತ್ತು ವಿದೇಶೀ ಹಣದ ಹೊರಹರಿವು ಸ್ಥಳೀಯ ಕರೆನ್ಸಿ ಮೇಲೆ ಪರಿಣಾಮ ಬೀರಿತು. ವಿದೇಶೀ ಕರೆನ್ಸಿಗಳಲ್ಲಿ ವ್ಯವಹರಿಸುವ ಟ್ರೇಡರ್ಸ್​ಗಳು ಹೇಳುವಂತೆ, ಕೊರೊನಾ ವೈರಸ್​ ರೂಪಾಂತರವಾದ ಒಮಿಕ್ರಾನ್ ಬಗ್ಗೆ ಹೆಚ್ಚುತ್ತಿರುವ ಆತಂಕ ಮತ್ತು ಅದು ಆರ್ಥಿಕ ಚೇತರಿಕೆ ಹಾಗೂ ಸ್ಥಿರವಾದ ಕಚ್ಚಾ ತೈಲದ ಮೇಲೆ ಬೀರುತ್ತಿರುವ ಪರಿಣಾಮವು ಸ್ಥಳೀಯ ಕರೆನ್ಸಿ ಮೇಲೆ ಆಗುತ್ತಿದೆ. ಬುಧವಾರದಂದು ಗ್ರೀನ್​ಬ್ಯಾಕ್ ವಿರುದ್ಧ ರೂಪಾಯಿ 76.09ಗೆ ನೆಲೆಯಾಗಿತ್ತು.

ಇನ್ನು ದೇಶೀಯ ಈಕ್ವಿಟಿ ಮಾರುಕಟ್ಟೆ ಬಿಎಸ್ಇ- ಸೆನ್ಸೆಕ್ಸ್ ಬೆಳಗಿನ ವಹಿವಾಟು 434.23 ಪಾಯಿಂಟ್ಸ್ ಅಥವಾ ಶೇ 0.75ರಷ್ಟು ಇಳಿಕೆಯಾಗಿ 57,466.91 ಪಾಯಿಂಟ್ಸ್ ತಲುಪಿತ್ತು. ಎನ್​ಎಸ್​ಇ ನಿಫ್ಟಿ 148.85 ಪಾಯಿಂಟ್ಸ್ ಅಥವಾ ಶೇ 0.86 ಇಳಿಕೆಯಾಗಿ, 17,099.55 ಪಾಯಿಂಟ್ಸ್ ಮುಟ್ಟಿದೆ. ಡಾಲರ್ ಸೂಚ್ಯಂಕವನ್ನು ಆರು ಕರೆನ್ಸಿಗಳ ಬ್ಯಾಸ್ಕೆಟ್​ನ ಗ್ರೀನ್​ಬ್ಯಾಕ್​ ಬಲದ ಮೂಲಕ ಅಂದಾಜು ಮಾಡಲಾಗುತ್ತದೆ. ಅದು ಶೇ 0.07ರಷ್ಟು ಇಳಿಕೆ ಕಂಡು, 95.97 ತಲುಪಿದೆ.

ಜಾಗತಿಕ ತೈಲ ಬೆಂಚ್​ಮಾರ್ಕ್ ಬ್ರೆಂಟ್ ಕಚ್ಚಾ ಫ್ಯೂಚರ್ಸ್ ಶೇ 0.96ರಷ್ಟು ಇಳಿದು, ಬ್ಯಾರೆಲ್​ಗೆ 74.30 ಡಾಲರ್ ಮುಟ್ಟಿದೆ. ವಿದೇಶೀ ಸಾಂಸ್ಥಿಕ ಹೂಡಿಕೆದಾರರು ಗುರುವಾರದಂದು ಬಂಡವಾಳ ಮಾರುಕಟ್ಟೆಯಲ್ಲಿ ನಿವ್ವಳ ಮಾರಾಟಗಾರರಾಗಿದ್ದರು. ವಿನಿಮಯ ಕೇಂದ್ರದ ಡೇಟಾ ಪ್ರಕಾರ, 1,468.71 ಕೋಟಿ ರೂಪಾಯಿ ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದ್ದಾರೆ.

ಇದನ್ನೂ ಓದಿ: Trade Deficit: ದೇಶದ ವ್ಯಾಪಾರ ಕೊರತೆ ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ; ಕಾರಣ ಏನೆಂಬ ವಿವರಣೆ ಇಲ್ಲಿದೆ