Closing bell: ಷೇರುಪೇಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ 465 ಪಾಯಿಂಟ್ಸ್, ನಿಫ್ಟಿ 138 ಪಾಯಿಂಟ್ಸ್ ಕುಸಿತ

ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಮಂಗಳವಾರದಂದು (ಮೇ 4, 2021) ಇಳಿಕೆ ದಾಖಲಿಸಿವೆ. ಸೆನ್ಸೆಕ್ಸ್ ಸೂಚ್ಯಂಕವು 465.01 ಪಾಯಿಂಟ್ ಇಳಿಕೆಯಾಗಿ, 48,253.51 ಪಾಯಿಂಟ್​ಗಳಲ್ಲಿ ದಿನದ ವ್ಯವಹಾರವನ್ನು ಮುಕ್ತಾಯ ಮಾಡಿದೆ. ಇನ್ನು ಎನ್​ಎಸ್​ಇ ನಿಫ್ಟಿ 137.70 ಪಾಯಿಂಟ್ ಕೆಳಗಿಳಿದು 14,496.50 ಪಾಯಿಂಟ್​ನೊಂದಿಗೆ ವಹಿವಾಟು ಚುಕ್ತಾ ಮಾಡಿದೆ. ಬ್ಯಾಂಕ್ ನಿಫ್ಟಿಯ ವಿಚಾರಕ್ಕೆ ಬಂದರೆ, 195.50 ಪಾಯಿಂಟ್​ಗಳ ಕುಸಿತ ದಾಖಲಿಸಿ, 32,270.30 ಪಾಯಿಂಟ್​ನಲ್ಲಿದೆ. ಈ ದಿನದ ವಹಿವಾಟಿನಲ್ಲಿ 1374 ಕಂಪೆನಿಗಳ ಷೇರು ಏರಿಕೆ ದಾಖಲಿಸಿದರೆ, 1534 ಕಂಪೆನಿ ಷೇರುಗಳು ಇಳಿಕೆ ಕಂಡವು. 169 ಕಂಪೆನಿಯ ಷೇರುಗಳಲ್ಲಿ ಯಾವುದೇ ಬದಲಾವಣೆ ಆಗಲಿಲ್ಲ.

ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕ್​ಗಳನ್ನು ಹೊರತುಪಡಿಸಿದಂತೆ ಎಲ್ಲ ವಲಯದ ಸೂಚ್ಯಂಕಗಳು ಇಳಿಕೆಯಲ್ಲಿ ದಿನಾಂತ್ಯ ಕಂಡಿವೆ. ಬಿಎಸ್​ಇ ಮಿಡ್​ಕ್ಯಾಪ್ ಮತ್ತು ಸ್ಮಾಲ್​ಕ್ಯಾಪ್ ಸೂಚ್ಯಂಕಗಳೂ ನಷ್ಟವನ್ನು ಅನುಭವಿಸಿವೆ. ಇಂದಿನ ವಹಿವಾಟಿನಲ್ಲಿ ಫಾರ್ಮಾಸ್ಯುಟಿಕಲ್ಸ್, ಲೋಹಗಳು ಮತ್ತು ವಾಹನ ವಲಯದ ಷೇರುಗಳು ಸೂಚ್ಯಂಕಗಳು ಕುಸಿತ ಕಾಣುವುದಕ್ಕೆ ಕಾರಣ ಆದವು.

ನಿಫ್ಟಿಯಲ್ಲಿ ಏರಿಕೆ ಕಂಡ ಷೇರುಗಳು ಮತ್ತು ಪರ್ಸೆಂಟ್ ಎಸ್​ಬಿಐ ಲೈಫ್ ಇನ್ಷೂರೆನ್ಸ್ ಶೇ 2.53 ಒಎನ್​ಜಿಸಿ ಶೇ 1.81 ಬಿಪಿಸಿಎಲ್ ಶೇ 1.31 ಬಜಾಜ್ ಫೈನಾನ್ಸ್ ಶೇ 1.16 ಅದಾನಿ ಪೋರ್ಟ್ಸ್ ಶೇ 0.97

ನಿಫ್ಟಿಯಲ್ಲಿ ಇಳಿಕೆ ಕಂಡ ಷೇರುಗಳು ಮತ್ತು ಪರ್ಸೆಂಟ್ ಟಾಟಾ ಕನ್ಸ್ಯೂಮರ್ ಪಾಡಕ್ಟ್ ಶೇ -4.70 ಸಿಪ್ಲಾ ಶೇ -3.49 ಡಾ. ರೆಡ್ಡೀಸ್ ಲ್ಯಾಬ್ಸ್ ಶೇ -2.29 ಡಿವೀಸ್ ಲ್ಯಾಬ್ಸ್ ಶೇ -2.18 ರಿಲಯನ್ಸ್ ಇಂಡಸ್ಟ್ರೀಸ್ ಶೇ -2.17

ಇದನ್ನೂ ಓದಿ: 10,000 ರೂಪಾಯಿ ಹೂಡಿದವರಿಗೆ 20 ವರ್ಷದಲ್ಲಿ 2 ಕೋಟಿ ಮಾಡಿಕೊಟ್ಟ ಕಂಪೆನಿಯ ಕಥೆಯಿದು

(Indian stock market index sensex tank 465 points and nifty 138 points on May 4, 2021. Here are the nifty top gainers and losers)