Sensex: ಷೇರುಪೇಟೆ ಸೂಚ್ಯಂಕ ಸೆನ್ಸೆಕ್ಸ್ 900 ಪಾಯಿಂಟ್ಸ್, ನಿಫ್ಟಿ 270 ಪಾಯಿಂಟ್ಸ್ ಗರಿಷ್ಠ ಕುಸಿತ ದಾಖಲು
Sensex News: ಭಾರತದ ಷೇರು ,ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಮೇ 9ನೇ ತಾರೀಕಿನ ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ ಭಾರೀ ಪ್ರಮಾಣದಲ್ಲಿ ನೆಲ ಕಚ್ಚಿದೆ.
Updated on:May 09, 2022 | 11:09 PM
ಭಾರತೀಯ ಷೇರು ಮಾರುಕಟ್ಟೆ (Stock Market) ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಮೇ 9ನೇ ತಾರೀಕಿನ ಸೋಮವಾರದಂದು ಬೆಳಗ್ಗೆ ವಹಿವಾಟಿನಲ್ಲಿ ಭಾರೀ ಪ್ರಮಾಣದಲ್ಲಿ ಇಳಿಕೆ ಕಂಡು, ಆತಂಕ ಮೂಡಿಸಿದವು. ಒಂದು ಹಂತದಲ್ಲಿ ಸೆನ್ಸೆಕ್ಸ್ ಸೂಚ್ಯಂಕ 900 ಪಾಯಿಂಟ್ಸ್ಗೂ ಹೆಚ್ಚು ನೆಲ ಕಚ್ಚಿತು. ಈ ಹಿಂದಿನ ವಹಿವಾಟಿನ ಕೊನೆಗೆ ಸೆನ್ಸೆಕ್ಸ್ 54,835.58 ಪಾಯಿಂಟ್ಸ್ನೊಂದಿಗೆ ಮುಕ್ತಾಯ ಆಗಿತ್ತು. ಇನ್ನು ಈ ದಿನದ ಆರಂಭವನ್ನು 54,188.21 ಪಾಯಿಂಟ್ಸ್ನಲ್ಲಿ ಶುರು ಮಾಡಿತು. ಕನಿಷ್ಠ ಮಟ್ಟವಾದ 53,918.02 ಪಾಯಿಂಟ್ಸ್ ತಲುಪುವುದರೊಂದಿಗೆ 900ಕ್ಕೂ ಹೆಚ್ಚು ಪಾಯಿಂಟ್ಸ್ಗಳ ಇಳಿಕೆಯನ್ನು ಕಾಣುವಂತಾಯಿತು. ಅಂದ ಹಾಗೆ ಗರಿಷ್ಠ ಮಟ್ಟ 54,365.83 ಪಾಯಿಂಟ್ಸ್ ಇದೆ.
ನಿಫ್ಟಿಯನ್ನು ಗಮನಿಸುವುದಾದರೆ, ಈ ಹಿಂದಿನ ವಹಿವಾಟನ್ನು 16,411.25 ಪಾಯಿಂಟ್ಸ್ನೊಂದಿಗೆ ಮುಗಿಸಿತ್ತು. ದಿನದ ಆರಂಭವನ್ನು 16,277.70 ಪಾಯಿಂಟ್ಸ್ನಲ್ಲಿ ಮಾಡಿದರೆ, ಕನಿಷ್ಠ ಮಟ್ಟ 16,142.10 ಪಾಯಿಂಟ್ಸ್ ಮುಟ್ಟಿತ್ತು. ಆ ಹಂತದಲ್ಲಿ ಸೂಚ್ಯಂಕವು 270 ಪಾಯಿಂಟ್ಸ್ ನೆಲ ಕಚ್ಚಿತ್ತು.
ಬಿಎಸ್ಇ ಲೋಹದ ಸೂಚ್ಯಂಕವು ಶೇ 2ರಷ್ಟು ಕುಸಿತ ಕಂಡಿತು. ಈ ವರದಿ ಸಿದ್ಧವಾಗುವ ಹೊತ್ತಿಗೆ ಸೆನ್ಸೆಕ್ಸ್ 665.51 ಪಾಯಿಂಟ್ಸ್ ಕೆಳಗೆ ಇಳಿದು 54,170.04 ಪಾಯಿಂಟ್ಸ್ನಲ್ಲಿ, ನಿಫ್ಟಿ 188.70 ಪಾಯಿಂಟ್ಸ್ ಕುಸಿದು, 16,222.55 ಪಾಯಿಂಟ್ಸ್ನಲ್ಲಿ ವ್ಯವಹರಿಸುತ್ತಿತ್ತು.
ನಿಫ್ಟಿಯಲ್ಲಿ ಪ್ರಮುಖ ಏರಿಕೆ ಕಂಡ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಎಚ್ಸಿಎಲ್ ಟೆಕ್ ಶೇ 1.28 ಎಸ್ಬಿಐ ಲೈಫ್ ಇನ್ಷೂರೆನ್ಸ್ ಶೇ 1.23 ಬಜಾಜ್ ಆಟೊ ಶೇ 1.18 ಬಜಾಜ್ ಫಿನ್ಸರ್ವ್ ಶೇ 1.11 ಇನ್ಫೋಸಿಸ್ ಶೇ 0.99
ನಿಫ್ಟಿಯಲ್ಲಿ ಪ್ರಮುಖ ಇಳಿಕೆ ಕಂಡ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಟೆಕ್ ಮಹೀಂದ್ರಾ ಶೇ -4.19 ರಿಲಯನ್ಸ್ ಶೇ -3.60 ಇಂಡಸ್ಇಂಡ್ ಬ್ಯಾಂಕ್ ಶೇ -3.32 ಜೆಎಸ್ಡಬ್ಲ್ಯು ಸ್ಟೀಲ್ ಶೇ -2.65 ಟಾಟಾ ಸ್ಟೀಲ್ ಶೇ -2.36
ಇನ್ನೂ ಹೆಚ್ಚಿನ ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: Stock Market Investment Tips: ಷೇರು ಮಾರುಕಟ್ಟೆ ಹೂಡಿಕೆಯ ಆರಂಭ ಹಂತದಲ್ಲಿ ಇರುವವರಿಗೆ 5 ಟಿಪ್ಸ್
Published On - 11:17 am, Mon, 9 May 22
