Tata- Airbus Deal: ಇದೇ ಮೊದಲ ಬಾರಿಗೆ ಖಾಸಗಿ ವಲಯದ ಟಾಟಾ- ಏರ್​ಬಸ್​ಗೆ ಮಿಲಿಟರಿ ವೈಮಾನಿಕ ಡೀಲ್

ಭಾರತೀಯ ವಾಯು ಸೇನೆಗೆ ಬಲ ತುಂಬುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಎರಡು ಮೆಗಾ ಯೋಜನೆಗಳಿಗೆ ಸಮ್ಮತಿ ಸೂಚಿಸಿದೆ. ಅದರಲ್ಲಿ ಆರು ಭಾರತದಲ್ಲಿ ನಿರ್ಮಿಸಿದ ಏರ್​ಬೋರ್ನ್ ಅರ್ಲಿ ವಾರ್ನಿಂಗ್ ಅಂಡ್ ಕಂಟ್ರೋಲ್ ಏರ್​ಕ್ರಾಫ್ಟ್​ (AEW&C) ಮತ್ತು 56 C-295 ವಿಮಾನಗಳು ಒಳಗೊಂಡಿವೆ. ಆ ಪೈಕಿ 40 ಅನ್ನು ಭಾರತದಲ್ಲೇ ಏರ್​ಬಸ್- ಟಾಟಾ ಜತೆಯಾಗಿ ನಿರ್ಮಿಸಲಿದೆ. ಆರು AEW&C ವಿಮಾನಗಳ ಖರೀದಿಗೆ ಕೇಂದ್ರ ಸಂಪುಟ ಭದ್ರತಾ ಸಮಿತಿ (ಸಿಸಿಎಸ್) ಒಪ್ಪಿಗೆ ನೀಡಿದೆ ಮತ್ತು ಏರ್​ಬಸ್ 319 ವಿಮಾನ ನಿರ್ಮಿಸಿ, ಸರ್ಕಾರಿ ಸ್ವಾಮ್ಯದ ಏರ್​ ಇಂಡಿಯಾಗೆ ನೀಡಲಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ ಎಂದು ಎಎನ್​ಐ ವರದಿ ಮಾಡಿದೆ. ಇದಕ್ಕೂ ಮುನ್ನ ಸರ್ಕಾರವು ಘೋಷಣೆ ಮಾಡಿದಂತೆ Avro ಬದಲಿ ಯೋಜನೆಗೆ ಒಪ್ಪಿಗೆ ನೀಡಿದ್ದು, ಈ ಯೋಜನೆಯನ್ನು ಮೇಕ್ ಇನ್ ಇಂಡಿಯಾ ಯೋಜನೆ ಅಡಿಯಲ್ಲಿ ನಿರ್ಮಿಸಲಾಗುವುದು.

ಮೂಲಗಳು ಹೇಳಿರುವಂತೆ, ಡಿಆರ್​ಡಿಒದಿಂದ ನಿರ್ಮಾಣ ಆಗುವ ವಿಮಾನದಿಂದ ಚೀನಾ ಮತ್ತು ಪಾಕಿಸ್ತಾನದ ಗಡಿ ಭಾಗದಲ್ಲಿ ವಾಯು ಸೇನೆಯ ನಿಗಾ ಸಾಮಾರ್ಥ್ಯವನ್ನು ಇನ್ನಷ್ಟು ವಿಸ್ತರಿಸುತ್ತದೆ. AEW&C ಬ್ಲಾಕ್ 2 ವಿಮಾನಗಳನ್ನು ಡಿಆರ್​ಡಿಒದಿಂದ ಅಭಿವೃದ್ಧಿ ಪಡಿಸಲಾಗುವುದು. ಅದು 11,000 ಕೋಟಿ ರೂಪಾಯಿಯ ಯೋಜನೆ ಆಗಿದೆ. ಈ ಆರು ವಿಮಾನಗಳನ್ನು ಹೇಗೆ ಮಾರ್ಪಾಟು ಮಾಡಲಾಗುವುದು ಅಂದರೆ, ರಕ್ಷಣಾ ಪಡೆಗಳಿಗೆ ರಾಡಾರ್ ಮೂಲಕ 360 ಡಿಗ್ರಿ ನಿಗಾ ಸಾಮರ್ಥ್ಯವನ್ನು ನೀಡುತ್ತದೆ. ಈ ಯೋಜನೆಯು AEW&C ವ್ಯವಸ್ಥೆಯನ್ನು ಈಗಿರುವ ಏರ್​ ಇಂಡಿಯಾದ ವಿಮಾನಗಳಿಗೆ ನಿರ್ಮಿಸಲಾಗುವುದು. ಇದರರ್ಥ ಏನೆಂದರೆ, ಭಾರತವು ಆರು ಏರ್​ಬಸ್​ 330 ಸಂಚಾರ ವಿಮಾನವನ್ನು ಈ ಹಿಂದೆ ಯೋಜನೆ ಮಾಡಿದಂತೆ ಯುರೋಪಿಯನ್ ಸಂಸ್ಥೆಯಿಂದ ಖರೀದಿಸದೆ ಹೋಗಬಹುದು.

C-295 ವಿಮಾನದ ವಹಿವಾಟಿಗೆ ಭಾರತೀಯ ವಾಯು ಸೇನೆ 56 Avro ಸಂಚಾರ ವಿಮಾನಕ್ಕೆ ಸಹಿ ಹಾಕಬೇಕಿತ್ತು. ಏಕೆಂದರೆ, ಅದು ತುರ್ತಾದ ಬದಲಿ ಆಗಿತ್ತು. 16 ವಿಮಾನಗಳನ್ನು ಹಾರಾಡುವ ಸ್ಥಿತಿಯಲ್ಲೇ ಒಪ್ಪಂದಕ್ಕೆ ಸಹಿ ಹಾಕಿದ 48 ತಿಂಗಳಲ್ಲಿ ಸ್ಪೇನ್​ನಿಂದ ಡೆಲಿವರಿ ಆಗುತ್ತಿದೆ. ಈ ವಿಮಾನವು 5ರಿಂದ 10 ಟನ್ ಸಾಮರ್ಥ್ಯದ ಲೋಡ್ ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ ಮತ್ತು An 32s ಮತ್ತು C-130Js ಮಧ್ಯದ ಅಂತರವನ್ನು ಸರಿತೂಗಿಸುತ್ತದೆ.

ಟಾಟಾ- ಏರ್​ಬಸ್ ಸಹಯೋಗದಲ್ಲಿ ಏರ್ಪಡುತ್ತಿರುವ ಮಿಲಿಟರಿ ವೈಮಾನಿಕ ಒಪ್ಪಂದವು ಇದೇ ಮೊದಲ ಬಾರಿಗೆ ಭಾರತೀಯ ಖಾಸಗಿ ವಲಯಕ್ಕೆ ಅವಕಾಶ ಸಿಕ್ಕಿದೆ. ಈ ಮೂಲಕ ಮುಂಬರುವ ವರ್ಷಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದ ಜತೆಗೆ, 6600ಕ್ಕೂ ಹೆಚ್ಚು ಉದ್ಯೋಗ ಸೃಷ್ಟಿ ಆಗುತ್ತದೆ.

ಇದನ್ನೂ ಓದಿ: Explainer: ಭೂಸೇನೆ, ವಾಯುಪಡೆ, ನೌಕಾಪಡೆಗಳ ಏಕೀಕೃತ ಕಮಾಂಡ್ ರಚನೆ ಪ್ರಸ್ತಾವಕ್ಕೆ ಹೊಸವೇಗ, ದೇಶದ ಭದ್ರತೆಗೆ ಇದೇಕೆ ಅತ್ಯಗತ್ಯ?

(Tata- Airbus First Indian Private Firms Got Military Aviation Contract Here Is The Details)