Tata Consultancy Services: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಜತೆಗೆ ಒಪ್ಪಂದ ವಿಸ್ತರಣೆ ಮಾಡಿಕೊಂಡ ಟಿಸಿಎಸ್
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಜತೆಗಿನ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಒಪ್ಪಂದವು ಐದು ವರ್ಷಗಳ ಅವಧಿಗೆ ವಿಸ್ತರಣೆ ಆಗಿದೆ ಎಂದು ಕಂಪೆನಿಯು ತಿಳಿಸಿದೆ. ಕಳೆದ ಇಪ್ಪತ್ತು ವರ್ಷಗಳಿಂದಲೂ ಟಿಸಿಎಸ್ನಿಂದ ಎಸ್ಬಿಐಗೆ ಸೇವೆ ಒದಗಿಸಲಾಗುತ್ತಿದೆ.
Updated on: Oct 06, 2021 | 1:57 PM
ಮಾಹಿತಿ ತಂತ್ರಜ್ಞಾನ ಸೇವೆ (Information Technology Service) ಒದಗಿಸುವ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್) ಬುಧವಾರದಂದು ಘೋಷಣೆ ಮಾಡಿರುವ ಪ್ರಕಾರ, ಭಾರತದ ಅತಿ ದೊಡ್ಡ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (SBI) ಜತೆಗಿನ ಸಹಭಾಗಿತ್ವವನ್ನು ಆವಿಷ್ಕಾರ ಮತ್ತು ಟೆಕ್ ಸಲ್ಯೂಷನ್ಸ್ಗಾಗಿ ಇನ್ನೂ ಐದು ವರ್ಷಗಳ ಕಾಲ ವಿಸ್ತರಣೆ ಮಾಡಿದೆ. hಒಸ ಒಪ್ಪಂದದ ಪ್ರಕಾರ, ಎಸ್ಬಿಐನ ಕೋರ್ ಬ್ಯಾಂಕಿಂಗ್, ವ್ಯಾಪಾರ ಹಣಕಾಸು, ಹಣಕಾಸು ವರದಿ, ಹಣಕಾಸು ಒಳಗೊಳ್ಳುವಿಕೆ ಹೊಸ ವೈಶಿಷ್ಟ್ಯ ಮತ್ತು ಕಾರ್ಯ ನಿರ್ವಹಣೆಯೊಂದಿಗೆ ಬ್ಯಾಂಕ್ನ ಅಪ್ಲಿಕೇಷನ್ನ ನಿರ್ವಹಣೆ ಮತ್ತು ವಿಸ್ತರಣೆಯನ್ನು ಮುಂದುವರಿಸುತ್ತದೆ. ಈ ಮೂಲಕವಾಗಿ ಹೊಸ ಆಫರಿಂಗ್ ಮತ್ತು ಉದ್ಯಮಕ್ಕೆ ಸ್ಪಂದನೆ ಹಾಗೂ ನಿಯಂತ್ರಕ ಬದಲಾವಣೆಗಳನ್ನು ಆರಂಭಿಸುವ ಬ್ಯಾಂಕ್ನ ಸಾಮರ್ಥ್ಯಕ್ಕೆ ಬೆಂಬಲಿಸಿದಂತಾಗುತ್ತದೆ ಎಂದು ಫೈಲಿಂಗ್ನಲ್ಲಿ ತಿಳಿಸಲಾಗಿದೆ.
ಎರಡು ದಶಕಗಳ ಸುದೀರ್ಘ ಸಂಬಂಧದ ಆಧಾರದಲ್ಲಿ ಈ ವಿಸ್ತೃತವಾದ ಸಹಭಾಗಿತ್ವವು ನಿರ್ಮಿಸಲಾಗಿದೆ. ಅದು TCS BaNCS ಕೋರ್ ಬ್ಯಾಂಕಿಂಗ್ ಸಲ್ಯೂಷನ್ನೊಂದಿಗೆ 2001ರಲ್ಲಿ ಆರಂಭವಾಯಿತು. ಆ ಕಾಲಘಟ್ಟದಲ್ಲಿ ಅದು ಬಹಳ ದೊಡ್ಡ ಬದಲಾವಣೆಯ ಕಾರ್ಯಕ್ರಮ ಆಗಿತ್ತು ಎಂದು ಟಿಸಿಎಸ್ ಹೇಳಿದೆ. ಇದರ ಜತೆಗೆ ದೊಡ್ಡ ಬದಲಾವಣೆ ಕಾರ್ಯಕ್ರಮಗಳಲ್ಲಿ ಎಸ್ಬಿಐಗೆ ಟಿಸಿಎಸ್ ನೆರವಾಗಿದೆ. ಇತ್ತೀಚಿನ ಅಂಥ ಕಾರ್ಯಕ್ರಮಗಳ ಪೈಕಿ ಒಂದರಲ್ಲಿ ಟಿಸಿಎಸ್ನಿಂದ ಭಾರತ್ ಕ್ರಾಫ್ಟ್ ನಿರ್ಮಾಣಕ್ಕೆ ಸಹಾಯ ಮಾಡಲಾಗುತ್ತಿದೆ. ಇದು B2B (Business To Business) ಇ-ಕಾಮರ್ಸ್ ಪ್ಲಾಟ್ಫಾರ್ಮ್. ಇದು ಎಂಎಸ್ಎಂಇ (ಕಿರು, ಸಣ್ಣ ಮತ್ತು ಮಧ್ಯಮ ಸಂಸ್ಥೆ)ಗಳಿಗೆ ಮಾರ್ಕೆಟ್ಪ್ಲೇಸ್ನಂತೆ ಸೇವೆ ಒದಗಿಸುತ್ತದೆ. ಇದನ್ನು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಭಾರತ ಸರ್ಕಾರದ ಸಹಯೋಗದಲ್ಲಿ ಇದನ್ನು ಕೈಗೊಳ್ಳಲಾಗಿದೆ, ಎಂದು ಟಿಸಿಎಸ್ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಇದಕ್ಕೂ ಮುನ್ನ, ಏಕಕಾಲಕ್ಕೆ ಐದು ಸಹವರ್ತಿ ಬ್ಯಾಂಕ್ಗಳು ಹಾಗೂ ಭಾರತೀಯ ಮಹಿಳಾ ಬ್ಯಾಂಕ್ ವಿಲೀನಕ್ಕಾಗಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಜತೆ ಟಿಸಿಎಸ್ ಸಹಯೋಗ ವಹಿಸಿತ್ತು. 200 ಬಿಜಿನೆಸ್ ಪ್ರೊಸೆಸ್ಗಳು, 43 ಐ.ಟಿ. ಅಪ್ಲಿಕೇಷನ್ಗಳು, 17,500 ಉತ್ಪನ್ನಗಳು ಮತ್ತು 5000 ಕೋಟಿ ಡೇಟಾಬೇಸ್ ದಾಖಲೆಗಳು, ಮತ್ತು ಪರಿಣಾಮ ಬೀರುವ 7000 ಶಾಖೆಗಳ 50,000 ಟೆಲ್ಲರ್ಗಳು ಇಂಟಿಗ್ರೇಟ್ ಮಾಡುವುದರಲ್ಲಿ ಇಷ್ಟೆಲ್ಲ ಒಳಗೊಂಡಿತ್ತು. ಸೇವೆಗಳಿಗೆ ಯಾವುದೇ ಅಡೆತಡೆ ಆಗದಂತೆ ಕೇವಲ ಆರು ವಾರಗಳಲ್ಲಿ ಯೋಜನೆ ಮತ್ತು ಅನುಷ್ಠಾನವನ್ನು ಟಿಸಿಎಸ್ ಪೂರ್ಣಗೊಳಿತ್ತು.
ಇದನ್ನೂ ಓದಿ: Salary Hike: ಹೊಸ ಉದ್ಯೋಗಿಗಳಿಗೆ ಶೇ 120ರಷ್ಟು ವೇತನ ಹೆಚ್ಚಳಕ್ಕೆ ಟಿಸಿಎಸ್, ವಿಪ್ರೋ, ಇನ್ಫೋಸಿಸ್ ಯೋಜನೆ
Salary Hike: 2022ರಲ್ಲಿ ಎಷ್ಟು ಪರ್ಸೆಂಟ್ ವೇತನ ಹೆಚ್ಚಳ ನಿರೀಕ್ಷೆ ಮಾಡಬಹುದು? ಇಲ್ಲಿದೆ ಇಂಟೆರೆಸ್ಟಿಂಗ್ ಡೀಟೇಲ್ಸ್
